影片
港鐵香港站 C 出口, 步行約9分鐘
繼續閱讀
營業時間
今日營業
07:00 - 19:00
星期一至日
07:00 - 19:00
以上資料只供參考, 請與餐廳確認詳情
相關文章
嗯，以cinnamon roll 聞名包體濕潤，鬆軟！！！見名字配上espresso會帶啲咖啡味，但卻一點也沒有，淡淡的肉桂味 ，所以甜度唔高，整體來講，試一次可以，再試就諗下個荷包先🥹我見呢個卷法唔同左，所以表面望落肉桂粉唔澎湃
繼續閱讀
一入到這家店，啲香味已經扑鼻而來，搞到我個肚子嗌得更響。一睇菜單，個個都令人心郁郁，不過先決定嗌咗個牛角包同埋肉桂卷。話唔定啦，啱眼先。牛角包脆皮下面蓋住嘅係鬆軟嘅麵包芯，每啖都啖啖牛油香，襯一口咖啡🍞☕，真系滿足！肉桂卷，哎吔，真系鬼香！層層的肉桂同糖霜交織出個完美嘅組合，軟綿綿包裹住咁溫暖嘅香氣，幾乎令我忘記咗日常嘅煩惱。不過呢，坐係店入面食嘢就真系有少少困難，位子唔多，環境逼啲。但係呢家法式小店嘅麵包🥖，真系值得等待帶返屋企慢慢嘆。下次，我會早啲過嚟，揀最新鮮出爐嘅麵包，再消費返屋企，享受一個唔使趕嘅悠閒早晨。🌟
繼續閱讀
每次經過呢間cafe都非常匆忙，但見到入邊嘅麵包好吸引，一直都好想入去試下。今日終於有空試下，叫左一個Espresso Cinnamon Roll $38,加兩杯Latte $40(each)。我地坐左喺半露天座位，感覺好chill好悠閒。Espresso Cinnamon Roll同latte價錢都算合理，但係Espresso Cinnamon Roll嘅玉桂太重味道一般，有D失望，但好彩latte味香濃，相抵番!
繼續閱讀
《Frenchies》我最喜歡的中環早餐飯堂之一麵包鋪真係開得好早有時上朝早瑜珈堂前都嚟買杯咖啡近中環半山扶手電梯位置開揚堂食早餐類價錢比同區同類偏相宜小小只係坐位比較少室內只能坐4個 室外2個不過內外都係打卡位裝修係藍色同木色為主加埋日光影相都幾靚<Chicken & Brie with Truffle>good portion and good taste出名好似係<Cinnamon roll> 但個人最鍾意係佢哋嘅<Sea Salt Chocolate Cookies>佢哋曲奇只有一款好大塊 香濃朱古力唔會死甜比起附近咁多間出名麵包曲奇店更出色同<Banana Bread Slice>都係推薦嘅
繼續閱讀
行過半山行人天橋，會留意到呢一間法國麵包店，見到周不時都好多外籍人士幫襯。朝早就相約左朋友黎呢一度買麵包做早餐同飲杯咖啡～牛角包我中意，非常之香牛油嘅味道，外脆內軟，切開都見到入面好鬆化～肉桂卷亦喺呢度幾受歡迎嘅麵包，我地都買咗個黎試。咖啡仲有靚靚拉花。整體上覺得麵包好食😋不過提提雖然鋪頭藍色嘅裝修好有心思，但位置較小主要做takeaway，所以座位並唔係好多，如果坐門口木椅夏天都會比較熱。下次應該會買外賣麵包番屋企嘆～
繼續閱讀