影片
港鐵佐敦站 D 出口, 步行約2分鐘
繼續閱讀
營業時間
星期一至日
12:00 - 15:00
17:00 - 00:00
以上資料只供參考, 請與餐廳確認詳情
相關文章
如果你星期一至五下午唔開就唔好話開12：00啦，去幾次你都話未開門。第一次去就話有問題要遲到12：30先開門，第二次直頭話星期一至五，下午係唔開。仲有啲態度唔得囉。
繼續閱讀
燒元貝食到硬野，東風螺有沙， 飯都有怪味， 海膽似鼻涕， 咖哩雞似瘦肉， 蟹柳似魚蛋， 冇叫嘅嘢就成枱都係， 最多就係啲澱粉質類嘅， 韓式炒蜆烚完之後用汁撈。 last order都唔提你 。要用雪糕填飽個肚…… 因為係雀巢出產……
繼續閱讀
朋友介紹午餐可以任食自助沙律就一起來了，沙律大約有三、四種選擇，味道不錯材料幾新鮮。午餐的量大，一個定食對大胃我的來說都已經足夠。可惜的是滑蛋雞扒的雞扒上菜時已經吸了不少汁軟了沒咬口。另外，店中的冷氣真的好強好大風，我本身是怕熱的人都給吹到發震。基本上，約hkd50吃這午餐都算不錯了！最重要的是沙律可以自助任食，就算男士們胃口再大都可以填滿肚子！朋友點了鰻魚石頭鍋炒飯說幾好吃，下次來就試試這炒飯吧！
繼續閱讀
人生食過最難食嘅放題，不可一不可再。三文魚有怪味，牛肉鍋得一舊牛肉（同雜菜煲一樣）。野食種類少到飛起。第一次嗌完第一轉野食，第二轉完全唔知嗌咩好。 重點。273蚊一個人，係咪傻左？ 唔明間野點生存落去。
繼續閱讀
本身諗住上大鍋口打邊爐，點知滿哂。見到呢間一至四做緊二人同行一人半價ge優惠，結果就決定試下。入門口之前都有睇過食評，感覺好多都好差，仲諗住今次中伏了，點知係勇者ge試煉場。一入門口都唔算好吸引，個reception頹頹地，d menu貼哂出黎，不過見識過旺角同尖沙咀…就覺得即時冇哂霸氣。行到埋去個侍應問我地坐唔坐窗口位，我當然話好，但又覺得奇怪，好少有放題餐廳主動咁問。不過行到埋去窗口位又唔覺得有咩特別，而且因為夠高，個景都唔錯。一坐低侍應就介紹出面有自助沙律吧同雪櫃自己拎。出去兜一轉個吧，都係得好普通個d，即係有沙律菜呀，醬呀比你自己撈，又有整好左任夾，但就…冇咩特色，所以一樣都冇試到。野飲都ok，有可樂，zero，韓國罐裝龍井茶…最厲害我見到有一堆應該500ml ge波羅味芬達，飲完都應該飽左一半。佢d菜單唔算好多，差唔多十款左右，一般大圍野壽司，軍艦，小菜，天婦羅等等都有。所有選擇都係平時一定會有個幾款，所以都冇咩驚喜。但特別ge係，佢ge水準冇其他食評講到咁差，如果係當佢普通一間日本野，同元氣，板長個種級數都差唔多，唔會話特別好食，如果唔特別專挑大伏野，都唔算難食。之但係食食下，突然有個侍應走黎問有冇興趣大閘蟹。如果唔係已經十二月，都唔介意試下，反正又唔使加錢。不過最後都冇叫到，大閘蟹d咁易中伏，都係唔好係呢d餐廳搵命博。食完之後，其實間餐廳都比到唔少驚喜。佢有得叫苦瓜炒蛋，係日本餐廳叫呢味就係奇怪d，不過如果有勇者想挑機，不妨叫埋麵豉青瓜一齊食，唔係撈埋一齊食，因為個炒蛋本身冇咩味，但夾埋青瓜…上面個堆紅麵豉一齊食，又比佢吊到d味出黎，仲要有昇華ge感覺。我條佬就話牛舌可以安歌十萬次，因為佢勁厚切，又燒得唔錯，可惜我係唔同牛濕吻，所以冇食到。佢個蠔仔粥唔知係咪落左大地魚粉，本身質感就係厚身ge潮州粥，仲要加埋個面有一埋芫茜，直頭就係打冷ge感覺。個炒金菇又會落勁多生熟蒜，所以好香好好食。最後兩個人夾埋先三百，抵到爛。
繼續閱讀