影片
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
服務員黑口黑面， 已經試過多間分店， 佐敦這一間建議不要去， 朋友都說非常太甜 。由落 order到離開 感覺服務員都不願招呼， 不知服務員為什麼要這樣對客人呢 ，我們對松記糖水失去信心。 可能 驚好生意做親身自己， 但眼見只得三台客人。
繼續閱讀
今晚同朋友係尖沙咀飲野吹水輕食, 走時8點幾仲早, 所以我地就行去佐敦搵下有咩糖水食, 行經松記糖水舖就試下啦, 第一次試呢間的, 朋友叫左西瓜芋圓仙草- $43, 好普通, 食到底好甜.我就叫左D24榴槤芋圓紫米露- $53, 一黎到個賣相已經唔吸引, 食落芋圓勁硬, 要好用力咬先可以吞到, 第一次食到咁唔腍既芋圓, 食左幾粒, 最後放款, 紫米露好稀, 榴槤雪到好硬, 一開頭筆唔到黎食, 要朋友幫手整開佢.......真係呢......咁既價錢呢個質素, 仲要限時食糖水, 好失望.我專登叫佢俾返張單我用黎寫呢篇食評, 證明我真係有幫襯~ 不過咁講啦, 都希望店家之後可以有所改善啦~我自己就唔會再黎啦~
繼續閱讀
去長洲玩完一日好攰，但係都特登搭車去佐敦呢間食。我同女朋友分別嗌咗曲奇雪糕紅豆芋圓仙草凍同鮮奶燉蛋（熱）。我碗仙草凍來到瀉晒，雖然觀感頗差但係我還接受到，因為的確幾滿下，味道尚可。因為啲雪糕融咗會唔好食，所以我碗嘢唔可以慢慢食，食完後店員就即刻拿拿臨收走。之前來過呢間食，已經知佢哋係唔會提供水畀客人，咁諗住就咁坐多陣休息下，點知店員直接趕我哋走，話出面有人等緊，唯有埋單囉。未試過食糖水食到咁折墮，以後唔再幫襯。
繼續閱讀
話說今晚同朋友久違咁聚一聚，食完飯想食甜品就嚟咗呢度上餐效率高！啱啱order完冇幾耐就有甜品幾好食，我叫咗芒果芋圓仙草，但係啲冷氣都幾大😹着完一件褸都覺得凍，至於服務態度方面，成個用餐體驗俾我嘅感覺係「甜品澳牛」啲嘢食放低嘅時候入邊嘅嘢係會有少少瀉咗出嚟唔係話佢要好小心咁放低喺我張枱度，但係我係聽到「啪！」一聲，個人覺得力度可以細少少😹🤝同埋張單應該有寫到限時用餐30分鐘，但係喺未夠30分鐘嘅時候有位男職員喺我哋附近問我哋食完未，佢唔係喺我哋張枱隔離，都有少少距離，然後用宏亮嘅聲音問我地嘢食到齊未同埋食完未，我唔否認佢有機會冇惡意，但係同我一齊同行嘅三個人，包括我本人，都覺得佢喺度趕我哋走，成個用餐體驗比我嘅感覺就係好忙、好急、同埋要好快聽到佢咁講之後我哋都即刻執嘢走，我朋友覺得嚴重被冒犯，喺埋單嘅時候直接同個男職員講唔洗咁惡，然後嗰男職員O咗個嘴話冇咁意思，最後我地都冇再講其他野走咗。先莫論佢講呢句說話嘅語氣，嗰陣時我地檯面個碗全部都收晒，我就唔係好明點解因為我哋食完未😹張檯咩都冇，餐廳又唔係好大，啲嘢食又係你捧俾我哋嘅，你覺得我哋食完未？再加上時間未到，喺呢種情況之下語氣又唔好，我哋好難唔會覺得你喺度趕我哋走喎同埋呢位男職員俾我哋聽到你教其他職員問啲客嘢食到齊未食完未，去加快我哋走嘅效率，想講追求緊效率嘅快餐餐廳都仲未趕人走，你哋有設用餐時間限制嘅情況之下，仲要用呢一種方法去趕客走，咁你嘅用餐時間限制係嚟做乜嘢？令到客自己唔好意思而走，的確係會加快咗人流，但係會令人覺得好唔舒服。同埋你一直聲稱自己「冇咁嘅意思」，但係當成張枱嘅人都覺得你有咁樣嘅問題，你冇作出任何嘅道歉或者解釋，你淨係重複話「冇咁嘅意思」請問當成張枱都覺得你有趕我哋走嘅意思嘅時候，你會去質疑我哋誤會咗你？定係你應該要檢討吓自己嘅語氣呢？我明白餐廳會想加快人流速度，但係唔至於用呢種方法，亦都可以好啲語氣，唔會再嚟呢間分店
繼續閱讀
基本同朋友食完飯都會行過來食糖水，松記糖水店真是我心目中港式甜水嘅No.1。次次來一定會嗌椰汁🥥燉蛋白，今次點佐榴槤味，榴槤好熟且香味撲鼻，入口又香又嫰。蛋白燉得極嫩，奶香味好濃。朋友仔就點佐楊枝金露加綠茶雪糕，入面的芒果真是香到隔幾間店都聞到，仲要又甜又軟，真是好好味。
繼續閱讀