影片
營業時間
今日營業
10:30 - 16:00
星期一至六
10:30 - 19:15
星期日
10:30 - 16:00
以上資料只供參考, 請與餐廳確認詳情
沾仔記麵食今次要介紹一間喺佐敦近廟街有一間老字號麵店叫「沾仔記麵食」，去到餐廳門口都有一小級，輪椅人士如果要入食就要自備斜板啦！呢間小店麵店只有三個餸，其實要專注做三個餸1d都唔容易，三個餸包括有鮮蝦雲吞、新鮮牛肉同鮮鯪魚球，經開佐敦如果想食麵嘅話，不妨試一試呢間小店啦！1.鮮蝦雲吞+新鮮牛肉（雙拼）幼麵$42+無糖可樂$8（9/10）一碗揀咗鮮蝦雲吞拼新鮮牛肉幼麵，幼麵有少少鹼水味，鮮蝦雲吞每一粒都好大粒，雲吞入面好爽嘅蝦仁充滿了成個雲吞，每一大粒雲吞入面最少最少有三隻中size蝦仁，一共有兩大粒鮮蝦雲吞。至於新鮮牛肉每1片都見到粉嫩色，食得出係新鮮牛肉味，牛味都幾重，每1片牛肉都唔韌，一共有8片新鮮牛肉，加飲品要加$8，我揀咗玻璃樽裝無糖可樂！2.鮮鯪魚球+新鮮牛肉（雙拼）河粉$42+紅茶花伝檸檬茶$8（10/10）另一碗揀咗鮮鯪魚球拼新鮮牛肉河粉，河粉好滑，鮮鯪魚球每一粒都好大粒彈牙，蔥味都好香，一共有兩大粒鮮鯪魚球。至於新鮮牛肉每1片都見到粉嫩色，食得出係新鮮牛肉味，牛味都幾重，每1片牛肉都唔韌，一共有8片新鮮牛肉，加飲品要加$8，我揀咗膠樽裝紅茶花伝檸檬茶！3.淨鮮蝦雲吞（4粒）$36（10/10）真係好味到不得了，本來想埋單，後來再加多一碗淨鮮蝦雲吞，粒粒真材實料，蝦仁爽到不得了，每一粒鮮蝦雲吞都係人手包，正到爆！4.郊外油菜$18（10/10）呢碟生菜都幾新鮮，起碼唔會老，蠔油唔會好咸！2人總共價錢$154個人口味總評分：9.75/10 @jimchaikee_jordan 地址：佐敦廟街300號地舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#沾仔記麵食 #佐敦美食 #佐敦好去處 #老字號 #麵店 #鮮蝦雲吞 #新鮮牛肉 #鮮鯪魚球 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
餐廳：沾仔記麵食地點：佐敦廟街菜式：麵餐牌：湯麵（麵，河，米），輕食，飲品，外賣生料，火鍋配料三拼淨食 $47三拼淨食有鮮蝦雲吞三隻，鮮鯪魚球三大隻同新鮮牛肉好幾片。鮮蝦雲吞皮薄餡料爽脆，見到唔少蝦肉。鮮鯪魚球好鮮味而口感滑溜彈牙，絕對係啖啖肉。新鮮牛肉都係好彈牙同啖啖肉。三樣材料都好食！加有韭黃段。淨食比配麪至少多鮮蝦雲吞鮮鯪魚球各一隻。鮮蝦雲吞鮮鯪魚球雙拼麵 $42雙拼可三樣任楝兩樣，鮮蝦雲吞鮮鯪魚球各有兩粒。麵係幼身，有蛋香又有咬口，係完美口感。配紅醋食一流！拼菜 $6拼菜有生菜，通菜同菜心揀。通菜份量好多，差唔多有半碗。時令油菜 $26時令油菜係豆苗，翠綠嫩口，加左少少蠔油就夠味。份量足有一碗。郊外油菜 $18郊外油菜有生菜，通菜同菜心揀。生菜份量足有一碗，加左少少蠔油就夠味。玻璃樽裝可樂 $8服務員即刻喺你面前開，仲附上紙飲管。食物質素唔錯，餐廳地方乾淨，裝修光猛，唔怪之得平日午餐時間都好滿，仲有遊客。
繼續閱讀
琴日食完雲吞麵，總係覺得唔夠喉，今日專登去佐敦食我最鍾意嘅沾仔記。最欣賞佢哋啲雲吞，大粒到好似BB拳頭咁，餡料係大大隻嘅鮮蝦，食落鮮甜又彈牙。個湯底都好鮮味，唔會過鹹。同朋友叫咗個三拼蝦子撈麵，再加一碗淨雲吞同灼韭菜花走油。兩個人分嚟食，就可以試勻佢哋嘅招牌：牛肉、鯪魚球同主角雲吞。個雲吞真係冇得輸，餡料勁足，大大粒好滿足！鯪魚球份量十足，口感彈牙，牛肉就好鮮嫩。個蝦子撈麵呢，麵身超爽口，蝦子香味好出，簡單夾啲韭菜花一齊食，鮮嫩得嚟唔使點蠔油都夠晒味。平時成日心思思想食雲吞麵，沾仔記就係我心目中嗰碗「必食」！仲有好鍾意叫一次可樂，佢哋嗰啲係樽裝可樂，零舍夠氣，好鋸！
繼續閱讀
估唔到10:30 先開工，呢間老店10:15 已經有人係門口等開門。呢間餐廳香港人食多，都有外國遊客，同埋好多一家大細黎食地道香港麵。餐廳只有三款餸揀：雲吞、鯪魚球和牛肉專心做好每一款，每款都好出色。三拼河加底拼菜心份量非常大😆菜心唔會過硬，雲吞的皮薄餡多，每粒雲吞都有4隻或以上既蝦；鯪魚球嫩滑彈牙每粒都超大粒：牛肉嫩滑。河粉幼滑，配合大地魚湯底好match!三拼麵拼通菜幼麵鹼水味較重，建議可以加點醋來提升口感，讓整體味道更加清新。鐘意辣既，唔可以錯過佢既辣椒油，夠辣又香口。
繼續閱讀
傳統廣東老字號麵店，主打招牌雲吞及鮮鯪魚球。麵的湯底更以大地魚、豬骨、蝦殼等熬至清甜。先來一碗雙拼，鯪魚球拼雲吞麵，鯪魚球自家製作，大大粒，帶魚鮮味，雲吞皮薄餡足，同樣大大粒，爽口彈牙。蝦籽撈麵鮮味十足，麵條濕潤、充滿蛋香，與鮮美蝦籽相輔相成，還會附上一碗滿滿韮黃的上湯。炸鯪魚球金黃香脆，外酥內軟，魚肉肉質鮮爽多汁，再點上蜆蚧醬，鹹香濃郁，還帶有淡淡酒香。炸雲吞同樣外皮金黃香脆，內裡包著熱辣辣的嫩滑肉餡，配上酸甜醬，非常醒胃。
繼續閱讀