影片
以上資料只供參考, 請與餐廳確認詳情
食家推介
相關文章
今日去咗十世都唔去一次嘅元朗，行過呢間小食店比佢嘅香味同招牌吸引住，忍唔住買咗個格仔餅嚟食😍🧇加厚花生碎格仔餅 $20格仔餅外脆內軟，口感好好！裏面嘅餡料都好豐富，有煉奶、花生醬同花生碎。煉奶同花生醬比例好好，而花生碎令到成個格仔餅口感更有層次。以前食開嗰啲格仔餅都好軟淋淋，有啲食落仲好粉！但今次呢個十分出色，值得再食😋呢間小店做到4月27就結束營業，鍾意食格仔餅或者其他港式小食嘅朋友可以把握時間去支持下！
繼續閱讀
經過元朗呢間小食店，見到好多人排隊，主要賣雞蛋仔格仔餅同埋果汁，開咗13年，上網一查好評到幾多就諗住買一個試吓！薄版就係比較脆口，厚就軟熟有口感，一食真係不得了，超級好食，可能係食過最好食嘅格仔餅！🥰但係4月27號就結業，想食快啲去食呀，希望店主盡快搵到舖位開返🥹🍴加厚花生碎格仔餅 $20 (10/10)即叫即整熱辣辣！格仔餅就食得多，但加花生碎就比較少，格仔餅好厚，有成3-4吋！外脆內軟，蛋糕質感，食落唔乾係比較有濕度，好香甜有蛋味，花生醬同奶唔算多但都好夠味，花生醬嘅香煉奶嘅甜係perfect match，加埋花生碎口感好豐富，軟中帶脆，真係令格仔餅嘅口感再昇華，超級好食！可能係我食過最好食嘅格仔餅，仲要$20就有一份，又平又抵食，超高CP值又飽肚😭推薦指數: 10/10格仔餅真係冇得輸一定要食，下次去會想食雞蛋仔格仔餅各一份，想食就快啲去啦就嚟結業🥺誠心希望老闆搵到新舖位再開😭
繼續閱讀
之前同朋友去元朗 諗緊食咩🤔上網見到好多人話呢間必食 所以就試呢間買咗格仔餅🧇同雞蛋仔嚟食🍽由於係即叫即整 所以等候需時⏰ 1️⃣加厚版格仔餅 (💰$18)比一般嘅格仔餅厚🧇但食落都幾鬆軟如果可以做到外面有啲脆口嘅口感就更好😚格仔餅中間夾住花生醬🥜牛油🧈同煉奶醬料好充足👍🏼每啖都會食到啲醬料😆.2️⃣黃金雞蛋仔 (💰$22)食落外脆內軟 但咸蛋味就比較淡…同朋友都覺得呢個就麻麻地 有啲失望🙈🙈
繼續閱讀
作為一個元朗人，知道呢間嘉發臨別在即之後幫襯過兩次🙂第一次太早黎到(大約11am)，雞蛋仔只供應原味，食落口感幾脆，脆到直頭有點兒太硬，蛋味唔算濃郁，還好啦😂第二次黎試左加厚版朱古力格仔餅，食落好香脆😋連外層既格仔餅都係朱古力底，幾有誠意👍 (但要加厚版先係，薄脆版唔係)裏面餡料有朱古力醬，花生粒同煉奶，幾足料，唔會過甜🙂不過個人認為朱古力醬唔夠香，係味道有啲假果種朱古力，如果可以換做榛子醬就perfect ！😆雞蛋仔同格仔餅都係即叫即整，雖然舖頭細細但味道都幾多選擇，呢個價錢黎講性價比幾高👍 希望老闆係不久將來就另覓新舖位榮譽歸來🙌🏻
繼續閱讀
每日收工都會經過呢間小食店，間唔中會忍唔住買雞蛋仔或者格仔餅食😈*🧇加厚版格仔餅($18)加厚版嘅口感特別鬆軟，蛋香配合牛油嘅鹹味🧈+極濃嘅花生醬🥜，好好味🤤🤤🤤加厚版真係超級厚超級大份，建議要兩個人share 唔好獨食😆老闆話業主加租做唔住，嚟緊四月就結業🥺最近行過都多咗人排隊，不過老細做嘢好快手，每次都係等5分鐘左右就拎得👍🏻希望佢哋會快啲搵到新舖位開返🤘🏻🤘🏻🤘🏻
繼續閱讀