影片
以上資料只供參考, 請與餐廳確認詳情
早幾日係元朗亂咁行之際，係河畔附近發現左間同吉野家一樣主打牛肉飯嘅小店餐牌嘅嘢食唔多，只有牛肉飯，豚肉飯，沙律，雞翼，等等選擇小店冇座位提供，但側邊有立食位置，買完可以企喺度食都得，但因為我哋都行到攰，所以就決定買返屋企坐低慢慢食牛肉拼雞翼飯(大)$44平時鍾意食牛肉飯嘅我哋，買左碗牛肉飯試吓，睇下同吉野家有咩分別哈哈！牛肉切成薄片 肥瘦均勻 食落爽口唔韌另外仲併左壽喜燒雞翼 甜中帶少少鹹肉質好嫩 一咬就好易骨肉分離 懶人表示食得好方便另外仲好細心咁俾埋甜甜嘅洋蔥牛肉汁 大大碗都絕對夠食飽！
繼續閱讀
之前已經聽過西九有間👩🏻✈️空姐牛肉飯， 原來近排開到嚟元朗，等我試下佢先😎呢到冇座位，只可以企係度食🤔不過附近就有一條排污嘅河道，所以最好就拎走食啦😂#豚肉拼雞翼飯 ($38)😋好味指數：(7/10)今次就叫咗個細嘅size食😗點知雞翼同豚肉嘅份量一啲都唔少😱食完成碗之後感覺好飽的🤣雞翼唔會整到好乾，而且啲肉質都好嫰滑😆豚肉亦都夠哂大塊，而且唔會太肥😜👍🏼.下午茶#空姐牛肉飯 ($25)😋好味指數：(7/10)25蚊咁大碗飯都幾抵😍食到好飽~牛肉同洋蔥嘅份量都幾多，牛肉肥瘦比例適中😙加埋牛肉汁幾正😆.#芝士炭燒雞串 3串 (+$10)😋好味指數：(6/10)冇乜炭燒嘅感覺，有點失望😢雞肉尚算嫩滑，加咗芝士醬同醬汁都ok嘅🤔.⭐溫馨小提示📌 有分牛肉汁同豚肉汁，所以大家記得講想要邊隻汁啊😗
繼續閱讀
傳說中既空姐牛肉飯 前排由西九開到黎元朗~ 就喺舊B仔隔離 可以望住大坑渠立食做過空姐既老闆娘就唔見啦 但舖頭果位姨姨都勁nice勁熱情😇飯有大細揀 我食佢一碗大碗雙拼飯都已經飽到傻 唔似吉野渣正餐時段果d貴價唔飽😳牛肉拼雞翼飯 $44牛肉薄身軟熟 肥瘦比例岩岩好 唔韌冇筋位 啖啖都充滿牛肉汁香同洋蔥既香甜😍雞翼有4大隻咁多 抵呀!! 嫩滑肥美 佢聲稱係壽喜燒雞翼 食落都有少少甜甜地既味道都唔錯 但醬汁唔算濃郁 即場食應該會更加正😋吉野豚肉飯 $40豚肉唔會薄切切偏厚身 大大件充滿咬口同彈性 肥肉位唔膩 不過食落可能會有硬硬地既軟骨位😌撈埋嘔汁同豚肉汁是常識吧! 感覺真材實料 唔係稀liaoliao食落死鹹味精果種 食完都唔頸渴!😛芝士炭燒雞串 $19係超市急凍照燒汁雞串feel🤣 炭燒感唔強 雞肉好軟熟 加左pat唔太濃味既芝士醬食落都冇乜違和感既🙃學生出示學生證仲有85折優惠or送日本汽水
繼續閱讀
-【河畔牛肉飯🥩】空姐牛肉飯📅七月開張至今 終於有機會食到 正正係舊B仔隔離⛱地方唔難搵 仲對住條冇水嘅河🏝只有立食位🤔鋪頭不算太大😶不過店員幾nice立食區旁邊有假草🌱影相好靚🌿-食店主打三款菜式 牛肉、豚肉、壽喜燒雞翼單拼飯（細）（$34）單拼飯（大）（$40）雙拼飯（細）（$38）雙拼飯（大）（$44）-🔸牛肉豚肉飯（細）($38)牛肉和豚肉都不會韌💕洋蔥部份淋 部份爽口豚肉脂肪比例均勻👍🏻飯乾身一點就更理想了😶就算叫細碗 都一定夠飽 牛肉汁另上😉⭐️評分：7/10-🔸芝士炭燒雞串（$19/3串）雞串本身有汁 即使👧🏻本身是芝士控 覺得不加會芝士會比較好 ⭐️評分：6.5/10-🔸壽喜燒雞翼（$19/3隻）醬汁甜甜的 偏稠 雞翼大隻又多肉⭐️評分：7.5/10-⚠️如果將來可以加點位子給客人坐就好了以後除咗吉野家 又有另一個新嘅選擇🤤－－－－－－－－－🏝環境：6/10🛋服務：8.5/10💲價錢：8/10💥翻兜指數：7.5/10
繼續閱讀
係金輝徑果頭開小食店真係要有番咁上下實力先會生存到，一直都好欣賞啲小店黎呢到開鋪，等我地呢啲街坊有多啲野可以試。呢間空姐空牛肉飯店夠膽由深水埗踩入黎元朗開分店，其實係因為果邊都已經有粉絲。佢主打賣既除左連銷店都有賣既牛肉同豚肉之外，仲有雞翼。我個人認為食物款式相似係難免有所比較。豚肉我就未過，呢到幾肥牛肉片勝在味道較甜易入口，無連鎖店既咁鹹同乾身。我最鐘意既係佢既雞翼，隻隻都夠厚肉飽滿，而且煮得夠曬入味，加汁同洋蔥一齊撈珍珠飯食簡直一流。美中不足嘅係洋蔥好食但我食唔夠，亦有時會出現米飯煲得偏濕既情況。特別一提學生同教職員有八五折，而且買滿$20有玄米茶送好抵食。
繼續閱讀