影片
營業時間
星期一至二
12:00 - 14:00
18:00 - 22:00
星期三
全日休息
星期四至日
12:00 - 14:00
18:00 - 22:00
以上資料只供參考, 請與餐廳確認詳情
元朗出名嘅omakase三寶sushi man，壽司之神，源都試過，今次發掘新地方💓.第一次唔係坐sushi bar食omakase不過師傅都好好心機介紹😇三點刺身分別係天使海老，生蠔同鰤魚🤤全部都非常新鮮👍🏻特別一提嘅係呢種🦐係有證書(圖2️⃣有介紹)架！保證呢啲蝦仔係零污染嘅日本海域長大，絕對可以放心食用👌🏻呢個經驗幾有趣😆..今次嘅重點:: 半隻毛蟹🦀 OMG係殘廢餐啊😍已經起晒所有蟹膏蟹肉出黎，再放返係蟹蓋到。啖啖肉真係好爽，蟹肉鮮甜而且蟹膏又香又滑😌..唔係坐sushi bar所以佢一次過上五件🍣好彩師傅依然會好有心機咁做介紹！剝皮魚連幼滑又creamy魚肝🤤海膽，拖羅都冇得頂👍🏻.
繼續閱讀
為咗補祝閨蜜嘅生日，以及安慰自己上月嘅辛勞，特意揀選一間元朗區屬中高檔次嘅日本餐廳。上openrice做完一輪功課，最後決定揀選鮨一心！餐廳採用黑色做主調，比我一種高雅嘅感覺，睇相已經覺得好吸引！今晚雖然係星期五，不過可能始終位於元朗，七點入座，食到九點離開，都只有我哋兩人，被我哋包咗個場！🤣 不過咁都好，我哋傾計可以比較方便。至於食物方面，所有海產都好新鮮，熟食嘅調味都做得好好，總括嚟講，一個字 － 正！
繼續閱讀
今天要在元朗找一家餐廳和朋友慶祝生日。在元朗有質素的餐廳唔少，但可以傾下坐下的，實在唔容易。今次在安良里找到一家隱蔽的鮨店。這門面沒有大大的招牌，只有一片木板刻有店名，感覺含蓄而樸實。餐廳𥚃外如一，以黑色作主調，餐廳中心設置一張L型的壽司吧枱，提供七至八個座位，設計簡約而舒適。這兒的午餐有八款選擇，有壽司和熟食等，價錢由$120-$700。今曰分別試試壽司12貫$500。前菜是海參刺身和安康魚肝這安康魚肝味道濃郁又creamy, 加上爽嫩海參刺身和醋汁，整體感覺十分清新，是一道唔錯的開胃菜。茶碗蒸：估唔到茶碗蒸咁香滑！蒸旦滑如豆花，味道鮮美，而且當中還有白子，口感綿滑，好吃。接下來是口味比較清淡的䲞魚紫菜醬壽司。䲞魚充滿光澤，加上紫菜醬的點綴，口感淸爽而帶一點嚼勁。鰤魚壽司：這鰤魚充滿雪花紋，肉質甜美，脂膏豐腴，有著融化入口的感覺，正！小肌壽司：小肌最能展示一個壽司師傅的水平。準備小肌魚需要多種工序，包括切片、去骨、洗、醃等等，還要按魚的厚薄去斷定所需的醃製時間。由於掛住食，忘記拍照。這小肌壽司頗為鮮美，肉質幾軟嫩，而且隱約中透出醋酸。雖然小肌並非我杯茶，但味道仍然不錯。帶子壽司：帶子大大片，由於厚度十足，口感不俗，配上醋飯，味道更覺鮮甜。甜蝦壽司：甜蝦十分鮮甜，爽滑不黏，加上黑魚籽，更顕矜貴。北寄貝壽司：平曰吃北寄貝都要花點勁咀嚼，而這北寄貝爽滑甜美，加上紫菜和梅醬的一點酸，和風味道十足。拖羅 手卷這手卷的拖羅和飯的比例差不多一比一。香脆的紫菜包住肥美的中拖羅，魚味濃郁，加埋香軟的壽司飯，簡單而味美。赤鯥壽司赤鯥經火炙後，迫出油份。入口甘香油滑，魚肉嫩滑，味道濃香，真有點入魂的感覺。Toro壽司Toro 太好吃了！toro油花十足，完全無筋，魚味極為濃郁，脂香馥郁，入口即化，真想多吃一件，捨不得吞下去。海膽壽司這海膽壽司的海膽份量唔係咁澎湃，但海膽味道鮮甜無腥味。雖然鮮甜程度未算極緻，但可算不錯。赤貝壽司赤貝切得很美，入囗爽彈又清甜，加上梅子醬輕輕的潤飾，味道更顯清新。剝皮魚鮟康魚肝壽司這剝皮魚味道比較清淡，而師傅巧妙的配上鮟康魚肝，立即令剝皮魚別有一番風味。鮟康魚肝味道濃香又creamy，加上剝皮魚的淡雅鮮味，一滑一爽，既濃且淡，味道豐富起來。麵鼓魚湯這麵鼓湯是用上魚湯泡製，有著濃濃的魚湯鮮甜味，加埋淡雅的麵鼓，味道鮮美，喝罷有一種暖和的感覺。Orange Cream cheese估唔到這兒的甜品咁有心思，是烤香橙忌廉芝士。這cream cheese表面的焦糖烤到焦黃脆香，而cream cheese 口感香滑，芝味濃厚，又帶幽幽橙香，好有幸福的感覺！估唔到在不經意間遇上這隱世鮨店。我和朋友都十分享受那寧靜的壽司慢嚐時光，而且可以靜靜的傾談，相信這鮨店可會是我們另一相聚的落腳店。
繼續閱讀
有日星期日 得我同媽媽食飯 媽媽鍾意日本野 所以特登搵左間日本野食試Openrice search 下 見到原來近近地 係元朗都有間日本野食 門口好靚 令人充滿期待擺設都好有格調 一坐低舒舒服服 叫左個Omakase set 之後慢慢等食 望住既工作台 後面有好多清酒樽全黑既格調 簡單又有性格望住師傅精心既準備 是好賞心悅目的頭盤先上一個醋海藻 酸酸地 甚開胃呢再黎一個黑松露溫泉蛋 溫泉蛋甚有水準 蛋味非常香濃🤭🤭之後就上12件手握壽司了 順序是 倉口魚 鯖魚 深海池魚 秋刀魚Sochi 鯰魚 金目鯛 新鮮北寄貝 醬漬Tuna石斑 帆立貝 Toro 海膽每樣壽司都好靚 好新鮮 當然最喜愛既鯖魚金目鯛 同埋 好耐都冇食過既生北寄貝 好爽 好彈牙 之後再食唔同做法既Tuna 最鍾意鮨一心唔同剌身都有唔同既佐料係上面 突顯魚生既鮮味😀食完手握壽司再飲個麵豉湯 食個雪糕 媽媽 好鍾意食和菓子 特意問師傅今次有冇點知原來甜品都係自己整的 近期唔係和菓子🤭🤭同師傅傾多兩句 先知道原來呢度做日本人生意多 唔怪得之咁正宗 👍🏼👍🏼不過過黎記得Book台 等師傅們可以預備食材
繼續閱讀
前菜：黑松露溫泉蛋：溫泉蛋必有特徵，滑溜咬下蛋香鮮味牛油鴨：鴨胸口感，香口惹味鮟鱇魚肝：口感油潤香滑，入口即融，帶魚油香卻沒半點腥味手握壽司十二貫店家以時令刺身為食材，挑選最新鮮又比較昂貴的食材，再以日本師傅獨家佐料配搭，突顯刺身鮮味同時增加壽司層次及味道。店內採用日本米，經師傅手握製造後，口感不會鬆散也不會過於結實。師傳會在每位前擺放一石條，上面有件玉子燒、酸薑及芥末。左口魚壽司：左口魚油脂豐富、入口帶油香化在嘴里石班壽司：山口魚壽司金目鯛壽司：魚肉肉質細膩油脂適中，味道鮮甜杋立貝壽司鯖魚壽司：魚質較為紮實密度高，濃厚魚味黑松露牡丹蝦壽司：師傅開邊再以黑松露點綴，香濃帶蝦的鮮甜火炙吞拿魚壽司：肉質細緻綿密油潤，入口甘香帶油脂，融化在嘴內拖羅壽司：肉質油潤細緻，甘口香甜。深海池魚壽司：口感爽口彈牙柔滑有韌性，魚肉結實越咬魚味越香濃，魚香而鮮甜赤貝壽司：入口爽脆，味道清新自然，淡雅清澈海膽壽司：滿滿海膽份量，一看即心動，肥美鮮嫩，入口即化抹茶羊羮店家以濃厚的抹茶覆蓋羊羹，是茶道其中一種著名茶點價錢親民，又地地道道的日本廚師發辦，實在是性價比很高很高了！
繼續閱讀