影片
營業時間
星期一至日
12:00 - 14:30
18:00 - 22:30
以上資料只供參考, 請與餐廳確認詳情
提早做冬, 請呀爸呀媽食番餐好嘅, 去左朋友推介嘅 Boston 1.首先叫咗6隻法國生蠔 ($54-$59), 做緊買5送1, 生蠔好新鮮, 味道由淡至濃排好.龍蝦濃湯 ($88), 味道好濃郁, 真係落足料, 名副其實係招牌湯.法國龍脷魚 ($388), 外面煎香左, 肉質好滑, 唔鞋口, 呀媽大讃!黑毛豬扒 ($268) , 我跟餐廳推介叫咗七成熟, 好有豬味, 好JUICY.芝士焗龍蝦 ($308), 佢用活波士頓龍蝦做, 肉質弾牙.因為太飽, 所以無叫甜品. 下次再試.
繼續閱讀
同honey行完街好想食扒,行左幾間西餐廳後,覺得呢間幾特別就入左去試法國蠔$62隻,5送1,好鮮甜又新鮮,味道存在時間較長鵝肝$98,幾回甘,得一塊唔夠喉燒黑毛豬,佢地推介7成熟,好Juicy,幾好味西冷牛扒,做到我想要幾成熟既程度,呢度加分,有牛味,幾Juicy,口感一流環境坐得十分舒適,最後兩人共食了$800
繼續閱讀
昨晚去左元朗 Boston 1 食十週年纪念日结婚晚宴！地方少少偏遠！都係 open rice 介绍！一到步全店得一枱客人，唉今次乃嘢啦？睇歺牌冇 set dinner ? 全部單点？價錢都唔平！好啦！到左都要食㗎！点知又真的 ok 喎！食物異常精緻，服务一流，肯定有高级酒店的水凖！食物新鲜好味！生濠六隻法国及南非共四款回味(原来生蠔可以咁好味！酒店自助果D根本完全冇得比！），焗蠔，两份扒，甜品心太軟！老婆同個女都好満意！整体可以話物有所值的！👍
繼續閱讀
朋友閒時無聊…總愛搵食…好多時一大清早就已經諗定晏晝食咩…生活真係無憂無慮…令人羨慕…今次就黎到<波士頓>lunch...一般都係因為時間關係…我要趕住返工…朋友就會落定order...對於我呢d順得人…當然唔似細路仔咁偏食啦…而呢度只得set lunch...朋友更加唔會有選擇障礙…>，<…餐湯係紅紅既蕃茄湯…帶點蕃茄酸味…應該唔係人人都覺得好飲…跟湯有有沙律或包選擇…朋友選左烘過既包…但奇怪4塊包得2片超薄牛油…@@！而呢碟水牛芝士蕃茄就額外order既…水牛芝士感覺唔係一般芝士味…爽爽地腍腍地…另外有塊綠葉都係食得既…好似好怪咁…不過加左甜醋又幾清新好味…朋友話要改變下唔做飯桶…所以今次試下意大利粉…得硯肉簡簡單單…芝士味只得面果浸芝士粉…其餘白汁份量亦啱啱好…朋友話呢度豬扒出名…仲話廚師推介7成熟係最好味…生牛就食得多…生豬就唔知得唔得！？！？豬扒幾厚肉…並無血水…仍有d肉汁…入口都ok...薯角係原個薯仔炸成…但欠缺茄醬…伴菜係脆肉瓜…完全煮腍哂…唔再爽脆…朋友係食肉獸科…唯有我食哂啦…餐飲點了朱古力…賣相唔錯…飲落一般…奶味不足…餐包埋甜品…應該係雪冰左既木槺旦糕黎…都幾香甜…有少少食雪糕既感覺…小小餐廳…居然有會員制…50蚊入會…至少每個月黎幫襯一次都有d著數既…
繼續閱讀
又快到瑞午節,不過通常連假人人都可能會高興,但起我心目中總是不幸日 ,結果同預算一樣,都冇咩好說了,好在閒日有餐豐富午餐食下,減輕下苦悶的心情 ,本來想去新開的某餐廳,但結果經過,比呢到set lunch 吸引,餐包晒頭盆,甜品 ,餐飲,所以改了地點,來了呢到,選了一個頭盆沙律同兩個set ,餐湯是蕃茄忌廉湯,帶酸味,好濃蕃茄味,餐包是法包,香脆但冇咩味蕃茄水牛芝士沙律,蕃茄同水牛芝士加薄荷葉一起食用,蕃茄的清甜同芝士濃味好夾,配埋清新薄荷葉,感覺唔錯,沙律酸酸甜甜好開胃炭烤美國極黑豬扒,7成熟,份量不算大,豬扒我第一次試可唔全熟,加入海鹽,簡簡單單好厚似半肥瘦,好嫩,但不算滑,不過好入味,配菜薯仔做得好好,外脆內嫩,少少咸脆芝士蜆肉意粉,蜆肉味道尚可,但我覺得夠味,但有人覺得無味道,各人口味不同吧！甜品是送的凍餅,有d似木槺布丁,底凍餅似雪糕,夠晒甜朱古力奶夠凍但奶味不足總結,呢到午餐質素幾高,也服務細心,價錢合約,有再來空間
繼續閱讀