24
6
3
| 餐廳: | 小老板 (華凱大廈) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
附加資料
上海小食 街頭小食 秘製辣醬 全人手製作
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
#20241017 🤍📍 #小老板北角炮台山電氣道254號華凱大廈地下A5號舖 🍽️西灣河筲箕灣道57-87號太安樓地下A72A號舖➖➖➖➖➖➖➖➖➖➖➖➖➖➖➖➖➖#生煎飽 $12/3隻💭 聽聞呢度嘅生煎包出名好食，所以慕名而來試下，食落都有啲香脆，面頭有啲蔥，所以蔥油加埋幾香口，入面料唔多，但勝在一隻4蚊幾抵食～.#生煎鍋貼 $12/3隻💭 本身無諗住試佢，係比完錢等左陣點知生煎包賣哂咁滯，所以被逼換咗兩隻鍋貼返尼😒咬落會一下爆哂啲汁出嚟好得人驚，平時食其他地方啲煎餃唔會咁誇張😱入面個餡就麻麻地，有啲粉色，個皮煎得夠哂靚但入面明顯跟唔上熟唔透🥟.#菜肉蒸餃 $28/5隻💭 呢個簡直係大伏🙃等左8-10分鐘以為即蒸會好好，等到連比左錢既生煎包都賣晒比其他人😐點知一咬落去見到啲肉好粉同埋啲皮係生生地，食到啲肉仲有醃過嘅酒味，真係一隻食唔完就可以放棄了🥶.#北角美食 #🐷在北角 #西灣河美食 #🐷在西灣河 #🐷_食
繼續閱讀
原本冇打算寫呢篇食評，但係剛才見到前一篇食評話這間店舖「態度勁差，永不會幫襯」，所以決定寫呢邊食評幫小老板平反。今日是我第一次過來買外賣，只想同大家分享我的真實經歷。我叫了兩盒菜肉雲吞 （$20 x 2)。我話其中一碗想分湯，短髪阿姨話要比多兩蚊買外賣盒，我話冇問題。跟住長髮阿姨就話不如分開用兩個大碗裝12隻雲吞同湯，咁樣就唔使加外賣盒錢。我話好提議，唔該晒我喺度等雲吞嘅時候，順便買咗一串$12橙色墨魚鬚。長髮阿姨除了幫我淋上豉油，仲建議加少少辣醬會好味啲… 之後竟然叫我攞張抹手紙，呢個舉動十分窩心，因從未試過食street food會有人比紙巾雲吞淥好，湯仲要有蔥花。短髮阿姨問好唔好加啲麻油入去，等啲雲吞唔會黐住爛晒。我梗係話好呀！唔該晒呢間菜肉雲吞真係手工製作，食得出餡料新鮮同有薑汁，非常美味我下次一定要再幫襯，試埋生煎包、蔥油餅 etc.
繼續閱讀
返完教會,去食個抵食生煎包,當然是即煎!因為成日賣哂,要等l0分鐘先有新包!不過由於小店只有外賣!生煎包熱辣辣,入口鮮美,肉汁多,真係次次都食!雖然店內有好多小食選擇🤪$12/3個很多時候要排隊
繼續閱讀
試過兩次外賣幾十隻餃子，因為係幾個人分嚟食，所以問佢攞兩包辣椒醬（一包非常細），第一次問佢攞辣椒醬嘅時候，可能佢心情好，俾咗一包。第二次去，可能見又係我，又係買咗幾十隻餃，又問佢攞兩包辣椒醬，佢即刻好唔高興，態度十分之差，話只可以比一包，同埋入邊已經放一包，話d辣椒醬好貴，咁我咪算數返咗去，打開個外賣原來一包辣椒醬無，原來求其敷衍打發咗我走。既然你啲辣椒醬咁矜貴，建議你明碼實價收錢，我唔介意俾，但唔好要人求你，唔好俾說話人聽，唔好講大話當我傻嘅咁樣敷衍我，做生意好嚟好去嘅啫，自己辣椒醬控制唔好成本，覺得比出去係會蝕嘅話，咁你咪標價錢明碼實價收錢囉，點解要發洩落啲客人度？無下次。
繼續閱讀
呢間已經開左好耐啦呢間係一間小食店，買完可以企旁邊食，都可以帶返屋企食不過完全不用擔心食完肚痛、不衛生，食左幾年未見過呢條街附近出現咩生物食物雖然有加價，可是質素一直不變，依舊是如此美味主打上海小食，例如膽膽麵、鍋貼、小籠包等價格大約$20，對於想放學食少少野既學生黎講係十分經濟的選擇份量不大，不過每個小食都足夠墊肚如果真系想食一餐飽既午餐，一個麵加一兩個小食都可以食物都係新鮮出爐，所以每樣野食都熱辣辣不過都有一項缺點，由於野食係新鮮整既，而買既人又比較多，有時候會出現賣曬既情況，想試招牌野食要平日既下午先比較有機會食到例如最出名既蔥油餅，十分飽肚，蔥味好香，就成日都比較難買得到，不過試過一次就會知道點解咁難買🤣總之有機會經過都可以試一下本店或者分店
繼續閱讀