影片
港鐵北角站 B1 出口, 步行約2分鐘
繼續閱讀
營業時間
*截單: 23:30
星期一至日
06:30 - 00:00
以上資料只供參考, 請與餐廳確認詳情
呢間冰室係我爺爺既飯堂，今次過去搵佢，佢帶左佢黎呢度食，話價錢平又夠大份，員工又熱情。嗯，係既，佢既份量真係好大，叫左一個雞粒菠蘿炒飯，用菠蘿裝住個炒飯，喺茶餐廳來講的而且確係超額完成，因為成日覺得喺茶餐廳唔會有呢一種款式提供，但佢呢度有，真係令人有驚喜。另外，叫咗個班腩豆腐枝竹煲，一樣地份量好足夠，枝竹特別多又入味，真係好高質素，難怪我爺爺不停對佢有讚冇彈。不過兩個人叫兩個餸都真係食唔晒。見到店舖大多數食嘅都係附近嘅街坊，相信呢間店舖係受街坊歡迎嘅😊
繼續閱讀
_____好味指數：🌟🌟🌟抵食指數：🤑🤑🤑香港好多冰室都會用地方名做開頭，例如元朗冰室，唔知改呢個名嘅原因係咪因為佢哋第一間店就係開喺呢個地方呢？點都好紅磡冰室係一個諗唔到食咩嘅時候嘅好選擇，除咗口味比較啱香港人，佢哋嘅選擇都幾多✅鰻魚汁雞絲炒烏冬食落好有鑊氣，雖然佢講係雞絲但其實係幾大舊嘅雞肉😂加埋芽菜韭菜去炒更惹味。不過就唔係好食到鰻魚汁味，但其實食呢啲佬嘢簡簡單單加啲黑椒都夠好食。話說鑊氣呢樣嘢好似係啱炒飯多過炒麵，有時炒麵太重鑊氣反而會影響面本身嘅口感，焦味感覺都係同飯夾啲
繼續閱讀
有次偶然經過門口，見到貼住$33瑞士汁豬排疍飯連餐飲，2:30後供應，咁啱下午茶時間，就入去試下。碟豬排飯令我一試難忘，可惜當日專注食唔記得影相，無寫食記今晚同朋友嚟食飯，向佢推介呢度嘅豬扒飯，另外再叫個小菜海鲜雜菜煲，小菜亦係送例湯同白飯。見餐牌都幾多選擇專登分開汁上，因我唔鍾意酱汁撈飯。猪排飯賣相不俗，雙黄荷包蛋蓋住大塊炸得金黄嘅豬排，肉質鬆軟juicy，流心蛋汁，飯餸都熱辣辣，連餐飲，認真大件夾抵食好大碗，海鲜雜菜煲亦好足料，祇係味精重手咗啲。呢度最抵食同最出名就係瑞士汁豬排飯，食物份量一般好大碟，雖然唔係超級水準，但可以一試。
繼續閱讀
今日經過見到已開業一段時間嘅紅磡冰室，但從來未幫襯過所以決定一試。我今日 order 左炸雞髀配薯角，賣相一流，薯角好味，一食就知係即炸，而唔係炸定晒放喺度有客叫就攞出嚟，所以值得一讚但炸髀味道一般，唔係生炸，味道唔難食，但冇想再幫襯嘅衝動。飲品方面，我叫咗凍檸茶少甜，但完全冇茶味唔知飲緊咩。我老公order咗黑椒雞柳炒烏冬，我覺得味道同賣相一般，不過夠熱。總括嚟講，價錢唔貴，可以一試。
繼續閱讀
食個午餐 B 黑椒牛肉炒意粉，好大碟！大過我隻大手掌好多😂意粉汁不錯，好醒胃，如果個粉硬啲啲，我就更喜歡😍牛肉稔稔地有肉味，沒有”乸稔”走了肉味，好味道。不過可能午巿太多客人，今日牛肉嘅調味可以再均勻啲，有兩片牛肉無調味。Anyways 整體都好味😋
繼續閱讀