影片
以上資料只供參考, 請與餐廳確認詳情
前晚又同老婆去了食晚飯，其實呢間日本野都算成日食了，因為佢開在我屋企下面，十分之方便。基本上次次去到都食好多壽司同加一二個小吃。次次都吃得我地好開心，因為佢地D壽司真係好好味（以呢個價錢來講），價錢可能比板長同級的貴小小但真的好味過佢地!!所以我真係要推薦比有機會看倒我呢個report的朋友。而家星期一至五(好似係)九時後堂食仲有好似係七折（如果外賣都係便好了）真的好正!!!總結:壽司真的幾正!!燒物都OK不過熱食平平
繼續閱讀
今日下午到了這間日本小店午膳，店內環境企理，店內設有吧檯，不過坐位不多，只有約二十個座位。另外，如需吸煙的話，店外亦設有兩張枱。是次點了一個五目刺生拼蔥三文魚碎飯的午市套餐，跟餐有一碟味付雞腎作前菜，醬汁味道不錯，似係平時食味付螺肉嗰種醬的味道。而雞腎切片，厚度適中，但質感有點實...]麵豉湯:平時無論去元氣抑或其他壽司店，點的麵豉湯都是用粉沖出來的，而且咩料都無。不過今次喝到的，湯裡除了有豆腐之外，仲有滑子菇，而且麵豉味夠濃，飲得出不是開粉的，有誠意，一點也不欺場!五目刺身:分別有北寄貝、鱆紅、三文魚、八爪魚及吞拿魚，每樣都很新鮮，而且件件都算是厚切。北寄貝夠爽口，吃到鮮味;三文魚頗肥美，大啖放落口很是滿足;八爪魚沒什麼特別，味道ok;吞拿魚色澤暗紅，一般的新鮮;而最好味的算是鱆紅魚，肉質鮮且有點膠質感覺，很好味~讚!!!蔥三文魚碎飯:份量剛好的一碗白飯，飯上面鋪滿了三文魚碎，及灑上了少量的芝麻及紫菜。三文魚碎很滑，有種入口即溶的感覺，而芝麻及紫菜則令到飯吃落更香，味道更有層次，口感更豐富!除食物方面有水準之外，此店的員工也很有禮貌，招呼很好，不用你叫也會久不久自動幫你添茶，抵讚~估不到土瓜灣這種古舊地方竟然有這樣的一間水準日式小店，很是驚喜~大家有機會也試試吧!
繼續閱讀
剛到完朋友家中...離開的時候看見這所店門外放了兩張露天桌子..裝潢都好新...應該是開業不久....就決定入內一試!!第一次來這個寧靜的「漁市場」...點了一客三文魚刺身,帶子壽司一客,特色刺身飯定食,三文魚飯團...先講三文魚刺身..比一般的三文魚刺身厚...亦比一般的肥美...新鮮..!!!!帶子壽司...超Juicy 的珍竇帶子...味道十分鮮甜...令人眼前一亮...!!!特色刺身飯定食...有麵豉湯,沙律,刺身飯,炸蠔....麵豉湯值得一讚!!! 湯味濃郁鮮甜..除原有的昆布...更加入滑子菇..唔似普通即沖麵豉湯...誠意之作!!炸蠔亦外脆內Juicy...比其他壽司店的乾身炸蠔...這個炸蠔恰到好處~!刺身飯...材料豐富.....份量十足...很香的三文魚飯團值得推介!!!地方乾淨舒服師傅同侍應都很親切...!有笑容!!加茶亦很密.......!價錢合理,..!推介!!!!!!!!!!!!!!!
繼續閱讀
原本都唔特別想寫食評, 因為一個字 ~~ 懶 但今日無意間見到有人寫 "UO" 食評, 覺得應該為佢哋平反一下今日去食午市定食, 一坐底二話不說魚生刺身刺定食 - 麵豉湯 - 唔係即沖開水, 因為本人唔鍾意飲嗰d 即沖開水, 好似飲緊豉油水咁, 而到係師傅日日煮仲有加埋豆腐, 昆布, 日本本姑 (係出面冇呢到咁多) 魚生飯 依然大大件好新鮮, 一件一件好過切粒, 因為一般出面切粒, 好多時都係比埋d 頭頭尾尾淨番比你, 呢到每次都係一件一件保正唔係下欄嘢先la 吉列池魚好脆, 唔油膩, 個沙律醬又係師傅自家制 牛俐小食之前食過好唔d, 今次味道欠少少, 不過d 牛俐係新鮮, 唔係急凍 另外加吉列蠔, 已經好耐冇食過, 因為出面嗰d 蠔太細, 只有厚厚吉列皮, 呢到就好好味不過講真, 可能係高尚住宅舖租問題, 價錢略貴, 但可以食到咁多樣師傅親手泡製食品而唔係行貨都係值得ge有人話d 飯唔係日本入口米, 雖然我冇留意到, 但係好想講, 知唔知日本人係唔會出口日本米, 因為佢哋連自己都唔夠食, 又點會賣比其他人, 我哋一般食緊日本米係d 人偷d 出國去其他地方種ga 唔該 仲有今日見到佢哋轉咗有四人枱响舖入面, 可以適合一家人, 真係好 (p.s 其實印象中隔離間蠔吧係後過呢間開嗰喎)
繼續閱讀
養左狗之後，去親邊都想帶住佢，又唔想下下踎茶餐廳，或者係食物冇水準的狗cafe...所以露天餐廳成為唯一選擇！！！之前車朋友返屋企經過傲雲，見到哩間日本餐廳已好吸引，裝修好新，竟然在店外仲有露天檯，而且乾淨企理...上星期五不斷諗帶住愛犬可以同老公去邊食生日前夕飯，突然醒起哩間漁市場喇！但求有乾淨優雅的露天餐廳，真係冇諗過質素比想像好！尤其係三文魚腩，真係有好鮮好鮮的魚味，0係出面日式餐廳愈開愈多的情況下，簡直係久違了三文魚原有的真正味道！劍魚腩亦好好味！仲有老公勁推介的蟹糕甜蝦壽司，0係出面真係食唔到！整體而言，魚生質素高！不過熟食就需要改善下，種類唔好多，叫左一客天婦羅，太細碟，而且d蝦勁細隻，所以熟食改善埋就perfect！環境好好，同埋好乾淨，位置上左石級，落雨亦唔會濕！車直頭可以泊0係門口！極方便！老細以至侍應都好好禮貌，值得一讚！仲有付款方式得現金同eps唔係幾好，價錢算中上，應該俾客人碌卡好d
繼續閱讀