影片
營業時間
*最後點餐時間為 23:15
星期一至日
07:00 - 02:00
以上資料只供參考, 請與餐廳確認詳情
食家推介
土瓜灣南一向出名係美食沙漠，而呢間英皇冰室係街坊之間，一直都係食下午茶嘅好選擇，筆者於是同朋友一齊試下質素如何。筆者總共叫左豬排包配薯條加冰室一口西多，加埋$60都唔洗。先講下豬排包，豬排係炸而唔係煎嘅，但係都有肉汁，唔會話太乾，而且調味方面加左鹽同少少胡椒，整走左豬排嘅冰鮮味。而豬排包嘅包皮焗得有小小嘅脆邊，但係未至於去到硬嘅程度，同時豬排包嘅配料有番茄同生菜，令到成個包食落去有翻少少濕度，唔會好似一d豬排包咁會刮口。而至於薯條，雖然佢嘅賣相並唔係金黃色，但係佢炸得酥脆之餘，佢咬落去裡面係實而唔係空洞，不過略微落得太多鹽，所以筆者建議食嘅時候可以配翻番茄醬。至於冰室一口西多，雖然佢叫一口西多，但係口細嘅朋友一淡係絕對食唔晒。西多表面見到有炸過嘅蛋絲，不過分佈唔多，炸嘅功夫唔算太好不過都可以，而西多士用嘅麵包都唔差，雖然未叫非常鬆軟，但係咬嘅時候絕對唔會覺得實同難嚼。成個西多最令筆者滿意嘅地方在於佢同時落左朱古力醬同煉奶，而兩者係非常之夾，雖然食得多會有d膩，不過都令人忍唔住食晒，但係醬料落得唔算太多，所以唔可以一塊西多點好多醬，如果唔係最後就要乾食。總括黎講，西多係質量雖然無筆者之前食嘅咁高質素，如果唔係尊登搭車黎，只係路過嘅話都推薦一食！
繼續閱讀
好正好食好味服務好乜都好，十分好，勁好，好鬼好招呼係最好， 蕃茄湯有蕃茄味 即食麵有即食味 多士有多少味 炒蛋又炒蛋味 早餐有早餐未 服務好有人情味 環境地方好友懷舊味 總之一個普普通通嘅早餐變成勁好味，嘩嘩嘩太正嗱啩
繼續閱讀
今日放工諗住食個下午茶， 就去咗呢間英皇冰室喇。 嗰陣人流唔算多，幾安靜，我可以同朋友傾計，放鬆下自己，我同朋友share食，叫咗個肉醬意粉，同埋雞髀配薯條， 我覺得食物唔算太出眾， 只係普通茶餐廳嘅水平， 但係佢嗰個安靜舒適嘅環境， 都值得去嘅。
繼續閱讀
朋友屋企附近食物選擇唔多，但第一次嚟佢就介紹好多人食嘅英皇冰室比我👩🏻🍳👨🏻🍳，下午茶特別吸引！最鍾意食瑞士雞翼嘅我即刻要個瑞士雞翼+沙律+熱華田$34！我唔鍾意食菜個啲沙律所以呢個沙律尤為吸引！其實佢個柚子雞翼都好正😍如果你鍾意甜甜酸酸都好啱！朋友叫了豬排包，望落相當吸引，聽講下午茶特別多人，因只做外賣自取🙈30幾蚊下午茶未必抵過大家樂大快活，但質素嚟講覺得絕對抵食🤙🏻真係每次去朋友屋企嘅必食下午茶餐😋
繼續閱讀
七點半入座, 等埋朋友先點菜, 三個人點左三餸配飯二人餐, 加個焗豬扒飯。晚市人比較少, 餸菜好快來齊。整體餸菜味道不過不失; 店員有禮! **和朋友食飯傾計, 想坐耐些, 可以來英皇冰室。
繼續閱讀