開利小食 (已結業)

土瓜灣高汁車仔麵終於食得返細個食到果種味道個豬皮、牛腩同紅腸掂湯濃而不咸仲有得免費加蝦皮同菜脯好食過某幾間名店，平民價錢CP值高服務都唔錯仲會耐心講解點叫會抵食啲

經過開利，外賣左個車仔麵餐麵餐有跟飲品，幾抵食!麵亦有幾款可以揀，可惜冇哂河粉最後選擇左米線餸方面點了冬菇、蘿蔔、魚皮餃、炸魚卷，還有腐皮卷十分欣賞他們的蘿蔔、腐皮卷和冬菇大推蘿蔔，夠甜，而且煮得剛好，讚！腐皮卷可能外賣關係，外皮雖然不太夠脆，但涵料真的一流冬菇，甜甜的，且很有菇味，好味魚皮餃和炸魚卷也是在水準線上總括是一碗出色的車仔麵!

本身唔係特別鍾意食車仔麵，但係聽到朋友推介呢間車仔麵 就決定去試吓嗌咗$37 五餸一麵 10分抵食佢牛腩汁湯底真係好好味！！ 好清甜順口，好重蝦米味！！淨係為咗個湯底都可以再嚟食多次

土瓜灣呢到嘅大街小巷連鎖餐廳就一定少d所以係發掘小店嘅好地方黎今日經過果頭洗車所以順便去搵下附近有咩食！ 呢間鋪頭行過你會以為佢淨係做外賣但望真d先知原來隔離個鋪位都係佢嘅係出面tick完車仔麵紙就係隔離入座等叫名（無錯張紙上面係叫你寫名 送便佢地送餐）幾得意入面其實唔大 得大約10個位 好彩當日去到無咩人 岩岩好唔洗等位野食黎喇車仔麵5餸37蚊 加底加7蚊但真係比足超大碗你加埋兩個小食 呢度每人100蚊到而且每一個餸都唔差 油麵質地都好好行經呢頭一定要幫襯下呢類良心小店

一直聽聞土瓜灣有間隱世車仔麵,所以落大雨都要嚟食碗!!!!小店位於銀漢街,轉入內街好快就會見到. 落完單可以坐入鋪,老闆娘煮好就會送入嚟環境就唔係坐得舒服架喇,但有冷氣涼住食都OK 啦本身想試牛腩,但當日沽清,所以叫左肥牛+雞中翼+響鈴+生菜河粉配腩汁另一碗就叫左雞扒+魚蛋+豬紅米線配腩汁分量足夠,味道都唔錯,湯底有櫻花蝦既味道,多左份鮮味,係平時食車仔麵少食到既.想食雞扒就要等耐D,因為新鮮炸,唔係炸定翻熱,所以食落口仲係香口同有汁,加分套餐$37已包豆漿/汽水,我地就加左$3要支津路烏龍茶.Overall, $37 真係好實惠, 而家仲可以whatspp 落定單, 臨走時見到老闆娘包緊餃,會再幫襯良心小店^^

//#黃店地圖系列間野叫：開利小食邊度黎：土瓜灣銀漢街21-39號地下D舖環境點：佈置充滿抗爭運動色彩 可初嚐近街景bar檯位食車仔麵  🌝：參與「自由閘」供手足於鐵閘上自由繪畫 參與罷市 推學生罷工者之免費餐▪開利車仔麵(五餸一麵連餐飲) $357分35蚊有5個餸 仲有豆漿送 簡直抵到爛 料就黎多過麵 論湯底 佢係偏淡的 重口味嘅表示欲求不滿 米粉唔易斷 .蘿蔔(6.5分)唔苦澀味 但甜度就爭啲 可能季節問題 冬菇(6.5分)偏細粒 腐皮卷(7分)正正常常 通菜(7.5分)就無得輸架啦 索曬湯底醬汁 車仔麵檔都少見 雞翼(7分)似一般屋企滷水味 豬紅(7分)無腥味 豬皮(7分)爽口唔會淋支支 大腸偏肥 鍾意食大腸肥膏人士會好high 鹹魚白菜各有所好 呢個就唔評分啦 .老闆見我同口水佬都望落後生(實際都好後生) 問我地是咪學生 觀察入微 絕對良心小店 鍾意咪買料當返屋企加餸 慳返唔少工夫啊

五個餸再加野飲都係$37!!!宜家係香嘅食個車仔麵通常都起碼$35以上兩三個餸，唔包嘢飲我叫左金菇,蘿蔔,冬菇,雲吞,水魷魚腩汁好好味蘿蔔清甜而且都煮到夠林夠入味冬菇好香比左好多水魷魚齊體所有餸都有兩舊以上所有餸都有齊應有嘅水準［張相係我食食下先記得影］店內兩個職員都好有心好有禮貌店面唔大細細間但廚房同堂食區分開唔會逼夾仲有播緊頭條新聞......等等嘅黃色節目仲有好大幅banner 嗯嗯成個環境Good feel係食車仔檔嘅feel ah整體係完全超越$37嘅質素惟一係希望疫情過後可以棄用即棄餐具希望生意蒸蒸日上可以請多個洗碗

得知有間黃店 罷工既免費 學生既免費 醫護既免費 有街坊失業仲隊$500比佢 唔支持點得呀😭行去土瓜灣唔算遠 一於叫左碗車仔麵 $37包飲品 ，可以揀5個餸，我就揀左蘿蔔、冬菇、生菜同腐皮卷。蘿蔔好細粒但冇苦味嘅，冬菇都好細粒所以其實我都唔係好食到入唔入味。。生菜得2條，其實我係有點詫異得咁少，因為任揀5餸之中最平既菜係$4份，同時你係可以揀$6/8/9既，但我估唔到菜得2片。。。腐皮卷就係屬於$9份，一開為2，點單亦寫明係計2份餸。腐皮卷係最好食嘅，佢唔係炸而係煎，湯底我揀左腩汁加辣，老老實實就唔係好食到辣，碗內會搵到辣椒粒🌶️不過我認為一碗車仔麵好食既地方最重要係碗湯，即係食辣魚蛋個辣汁係好緊要！講真份量唔算多，食物又未至於好好食，我對車仔麵比較有要求但今時今日sorry港人自救 我會食良心黃店 人情味比較重要謝謝同路人#黃店 #支持黃色經濟圈 #撐黃店 #開利小食 #車仔麵

一睇到已經覺得非常抵食. 揀到四餸都只係30蚊左右, 五餸set都係35蚊咋.價錢唔貴之餘, 嚟到嘅時候, 最驚喜嘅係, 餸嘅量都好多. 午餐肉係成塊大大塊, 紅腸出面可能3片左右, 呢度6,7片都有,  而更誇張嘅係時菜, 4蚊, 但夾極都夾唔完!味道都ok喎, 性價比嚟講絕對冇得輸. 最正嘅係老闆好好人, 談天說地傾咩都得, 就算傾心事都唔怕. 最緊要係同聲同氣嘛. 我仲要親眼睇住佢"夾硬"請個學生飲汽水. 原先學生哥諗住慳錢, 點知佢話唔使, 直頭請佢飲. 好有人情味. 見到唔少食客行過都會傾幾句, 成件事真係好warm. 呢頭咁少深黃店, 住附近真係可以多多幫襯呀~~

咁岩係附近, 一心支持下黃店開頭見到煮野食果面舖位比較細同舊, 點知入面有個新淨d既舖。野食方面, 諗住野食都係一般, 叫左d大路野。 老細問我要唔要辣, 咁我要啦, 一食落去佢個秘製辣醬又幾正, 味道唔錯

店面雖然不大，但店家二夫婦很親切。店舖附近兩個舖位有一個堂食的地方。在附近也可叫外賣，基本上兩碗面都會送.這間車仔麵都很好吃。我喜歡加咖喱汁。芝士波，豬腸，腐皮卷，餃子都是必食的。價錢方面非常便宜，只需港幣$35就有五餸一麵，還附送豆漿或一罐汽水。粉面方面，河粉是很幼那一款，薄薄的也很滑。伊面很大一餅。

煎蛋牛腩河😋$22五餸車仔麵🍜$34 (套餐跟飲品)第二次光臨土瓜灣街邊車仔麵檔😝咖哩汁依然係精華所在，非常惹味🤤而且夠哂大碗，味道亦唔錯🤩開利小食 (土瓜灣)土瓜灣銀漢街21-39號地下D舖

紅腸牛腩河🤤$22一間位於土瓜灣，隱藏於街角既車仔麵小店😎每款餸都係$4起😝三餸麵最平$20已經食到😋牛腩夠軟夠腍夠入味👍紅腸起碼有5件😛河粉份量都幾多🙃而個咖哩汁絕對係精華所在，非常惹味🤤大大碗，幾抵食🤩雖然坐街邊，但我覺得咁先夠特色😉

開利小食已經䇄立土瓜灣幾十年，主打車仔面同各款小食，住在土瓜灣的街坊都必定知道這一檔本來也住在這邊附近，但一直沒留意過這一檔小食攤，到5，6年前老公的車有問題，跟他到銀漢街的車房檢查車子，那時候天氣好熱我又好餓，才走進了這一檔小吃攤，一吃再也忘不了，以後要吃車仔麵也必定過來吃必推的有牛腩，這裡的牛腩偏肥，但炆得入味軟淋，而且這種的牛腩汁全是自製多年，有時還會吃到花椒跟八角冬菇厚身，濠油味濃，一口冬菇一口面，格外滋味他們家的鳳爪，炆得超入味卻不會弄得鳳爪爛爛的，相當有技巧還有他們家的蘿蔔豬腸，滷水雞翼，手工餃子和雲吞，連他們家的豆漿，所有都是花儘心機去做的而且老闆娘跟老闆仔記性都超好，總會記得你愛吃什麼面什麼料，連你愛喝什麼都記得清清楚楚。在這間店你會找到在香港遺失已久的人情味。這裡的面吃完，人暖心更暖

土瓜灣街坊小店，屹立多年，係時候去回味下啦。小店主打車仔面 30蚊可任選5餸並配野飲，亦可選跟餐與否。小店烹調認真，物美價廉，面和食物輔以秘製咖喱汁與腩汁的搭配更是一絕 最重要的是小店那份久違濃烈的街坊人情味