影片
開飯介紹
「三不館車仔麵」以香港情懷作主打，帶你尋回香港經典味道，三不館創辦人屢獲多項廚藝獎項的「金牌麻辣汁」及堅持每天鮮製的配餸更是三不館的靈魂之處，證明港式街頭小食也能登大雅之堂。開業以來深獲各位食客支持，「三不館」更火速成為一眾本地遊愛好者的「荃灣區」及「大埔區」必到人氣打卡店。 兩個識於微時的好朋友，一個本業做科技及設計，一個做廚師，曾經很喜歡一起去吃車仔麵，長大後他們將這份共同回憶，變成一間講求味道、不惜費功亦樣樣細節都要照顧到的車仔麵店—「三不館車仔麵」。全店復古設計，全由專用設計團隊一手一腳精心設計，老香港味道濃厚，店面同樣以極具香港特色的佈置突圍。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
以上資料只供參考, 請與餐廳確認詳情
早2日放假熱到飛起喎想離開大埔，就去左呢間平時勁多人排隊既車仔都試下🤪🤪（10分為滿分：🌕）味道：🌕🌕🌕🌕🌕🌕🌕🌖🌑🌑三餸車仔麵-手打魚肉，蠔油冬菇，咖哩魷魚，河粉($46)手打魚肉勁彈牙又有魚味，魷魚咖哩味好出而且勁爽口，蠔油冬菇炆得勁淋勁入面，呢碗叫左金牌辣汁湯底，不過小小辣都幾辣，食唔到辣要注意🤣🤣🤣三餸車仔麵-清甜蘿蔔，金牌麻辣豬手，醬燒豬頸肉，油麵($46)蘿蔔係每次食車仔麵必叫，呢到啲蘿蔔清甜多汁又無汁，重要夠曬大舊，豬頸肉肉質爽口，不過得3舊有啲唔夠喉，麻辣豬咁就有啲啲辣，食到出曬汗好過癮🤣🤣🤣🤣樽裝港式茶記奶茶($22)醉愛飲港式奶茶，所以一定要試下，雪到凍冰冰，夏天飲就岩曬，同埋鍾意佢唔甜又好有茶香味，如果再大樽啲會抵飲啲🤪🤪涼粉爽($10)初頭以為係一杯杯，點知原來係一罐罐，以為唔會太好飲，但點知佢勁多涼粉粒粒，又唔會好甜，夠曬清涼😍😍價錢：🌕🌕🌕🌕🌕🌕🌕🌑🌑🌑佢個價錢係計你叫左幾多個餸，而唔係根據你叫咩送去定，我地係到諗咁叫全部有肉既餸未抵啲，平時啲車仔麵啲有肉既一定貴啲😂😂我地叫左每人一個3餸，都食得飽肚，但男仔想好飽應該叫4餸安全啲😛😛😛交通：🌕🌕🌕🌕🌕🌕🌕🌑🌑🌑係廣福道大街，住大埔既一定知道佢個位係邊到，搭入大埔既巴士一定會經過見到，不過如果係大埔墟火車站行過去卡遠少少，但我覺得佢都係做街坊生意多，好多都係放假踢住拖落街食個lunch🤣🤣🤣🤣環境：🌕🌕🌕🌕🌕🌕🌕🌗🌑🌑裝修非常有特色，全部牆身都係懷舊裝備，裝筷子都係用一個古老既筷子盒掛係牆上面，令人都懷念起以前好有人情味既香港，夏天去食要注意坐近門口會好熱，但好好人既店員姐姐留意到我地食到出曬汗，特登夾個芭蕉扇係我地張枱上面比我地吹住，勁細心又好有人情味，感動感動🥰🥰🥰性價比：🌕🌕🌕🌕🌕🌕🌕🌑🌑🌑車仔麵係香港既特色，以前食多數麵係覺得平又快靚正，不過而家就變左行特色路線多，三不管餸菜選擇多同埋都有特別，懷舊主題又特別，路過既不紡一試😍😍
繼續閱讀
🔆四餸車仔面牛丸蘿蔔蘿蔔永遠都係咁甜嘅好味 😋 完全冇揸牛丸都算喺有油份有牛筋口感滷水肥腸都算好入味 醬燒豬頸肉 有啲失望 豬頸肉有啲乾 牛腩炆得好腍好入味春卷我就覺得好普通老公就話份量有啲少 女仔食我就覺得都好飽 Lunch 時間一向多人 不論堂食定外賣📍 三不館車仔麵 (廣福道) (大埔)大埔廣福道88號地舖
繼續閱讀
三不館車仔麵有四間分店，每間都有不俗的評價👍🏻可見它對食物質素的管理應該做得很好，這次一試亦果然沒令人失望😋———————————————————————四餸一麵基本$55，價錢合理不算貴😇招牌鮮茄湯底再加$8，total $63。湯底番茄味濃🍅亦有新鮮番茄粒，整體不錯但並無特別，本人認為無需要特意加錢轉這款湯底👌豬手炆得十分入味，麻香味濃，但辣味輕微🌶️只是十小辣的程度🤏🏻豬皮有彈性，整件豬手都充滿膠質😃豬大腸質感爽口彈牙😊滷水入味，未會過鹹，亦無奇怪壓味，值得一讚👍🏻豬頸肉切得夠厚，肉質肥瘦適中，非常爽脆🤩即使浸了湯亦能吃得出醬燒的味道，唯一美中不足的是只有三片🥲蘿蔔一如餐牌所說，味道清甜，水份充足💦無渣兼且入口即化😳唯調味方面稍為鹹了一點🤏🏻油麵軟硬適中，而且非常非常滑溜‼️新鮮製作果然與別不同😋———————————————————————總結這間車仔麵的餸和麵都是水準之作，難怪分店會愈開愈多，間間都大排長龍👯♀️
繼續閱讀
作為一個70後，一聽到 "三不管" 地帶，就會立即聯想起九龍城寨。所以，大埔出現了一間名叫《三不館》的車仔麵店時，當他掛上了一個舊招牌，而又搞了一個懷舊的裝修，再加上剛看了九龍城寨那電影，我可以好肯定這一間《三不館》既背景，就是當年的九龍寨城。有一天，獨個兒在大埔處理事情，我就來一試 "三不管" 地帶既車仔麵。大埔的《三不館》，地方好細，真真正正係一個嗱喳麵檔仔。而店內，就把整個舊香港，舊九龍城寨，縮影在小店內。感覺，的確係幾有趣的。這一些場景，對老人家，或對我們這些在80年代生活過的老頑童，算係一個集體回憶黎架。很快，我有麵食了。因為大家都在門口排隊時，已經在車仔麵紙仔剔好心儀的食品。那天，我的車仔麵選項是，豬紅、牛丸，魚皮餃，配油麵。單是又濃又香的腩汁湯底已經令我覺得頂瓜瓜。豬紅粒粒方正，口感爽脆，牛丸既香口又爽口，而魚皮餃也是煙韌香口的，配合埋香滑掛汁的油麵，絕對是一碗質素高的車仔麵。不知為何，幾乎每一次食麵，我都會配可樂。尤其知道店方是用玻璃樽可樂的話，更加開心。天氣熱不熱都好，吃好一碗麵，再加一支可樂清涼一下，可是人生的一年樂事啊。地方雖細，但感覺可愛。再加上《三不館》的車仔麵的確是有水準。令我感覺到，這是一間值得花時間排隊同回頭來多吃幾次的好食店。
繼續閱讀
三不館車仔麵 (廣福道) (大埔)三不館除大埔外旺角、荃灣、觀塘都有分店星期六下午約一點半去到人不算太多先跟店員拿籌號店外會顯示籌號號碼另外還有點餐紙及筆等候期間可以先選好車仔麵配搭再四處逛逛大約20分鐘就輪候到了店鋪偏小所以座位較迫裝修及擺設以70-80年代為主題個人最喜歡是掛於收銀附近$3抽一次的噹噹如果住大埔附近應該會常來光顧配餸特別之餘也有普通車仔麵配餸質素算中上，價錢亦算抵三餸一麵 $46最低消費-兩餸一麵 $37或淨餸四款起 $40-醬燒豬頸肉，滷水鮮豬大腸，蠔油冬菇 鮮製油麵，牛腩汁 油麵Q彈，推介 冬菇大塊又厚身 豬大腸乾淨入味 個人最欣賞豬頸肉 肥瘦適中，非常香口-金牌麻辣豬手，懷舊牛腩，豬皮 米粉，古法辣汁（少少辣） 麻辣豬手屬BB級麻辣 不吃辣也可以一試 牛腩豬皮正正常常樽裝港式茶記奶茶 $22-茶味香濃！但$22稍為貴了一點 間中一嚐也可以馬來西亞桔仔水 跟餐+$10-味道跟真的桔仔水十分相似！三不館車仔麵 (廣福道) (大埔)大埔廣福道88號地舖
繼續閱讀