影片
營業時間
今日營業
07:30 - 22:00
星期一至日
07:30 - 22:00
以上資料只供參考, 請與餐廳確認詳情
哥哥添飯妹妹泡茶 （大埔）呢個個裝修同menu同牛頭角嗰間好唔同🤔 lunch set有小食 有飲品就覺得好抵食😆🩵葱油牛舌煎蛋飯 配 兩粒花技丸一上到嚟望到細細碗，但內有乾坤 有三塊厚既牛舌 唔韌 用筷子都可以分得開🤌🏻加埋葱油蛋汁一齊撈飯真係爽Y Y食到中間有啲膩就可以點一點個汁 酸酸咸咸 同個牛肉好夾🫡炸花枝丸就有啲遜色 因為係凍上唔係即炸🤢飲品除咗有平時見到既熱飲 仲有 黑糖珍珠奶茶 同 椰果荔枝茉梨揀 可以滿足想飲肥仔水既心情🥴#suuuuki飲飲食食 #大埔
繼續閱讀
其實以前堂食過2次已經覺得味道一般 但今日啲野食簡直係垃圾！！今日喺屋企用Keeta 外賣咗一個台灣香腸蔥油蛋飯 、漢堡扒滷肉飯一打開台灣香腸蔥油蛋飯 個份量真係笑而不言 咩而家香港物價原來已經高到咁😂😂$62只能買到一條腸同一個煎蛋 蔥油又得嗰一小撮 味道又唔係好食好鹹 真係離曬大譜然後到個漢堡扒滷肉飯 個漢堡扒好似白焯咁 肉質好柴 睇見都唔開胃 最後見到啲人話佢炸花枝丸好食 又叫咗三粒嚟試下 點知完全無炸嘅感覺 略為失望 但味道都唔錯仲有兩杯飲品 一杯黑糖珍奶 一杯靚靚桃膠烏龍奶茶先唔講佢甜到糖尿病（無得揀甜度冰度） 啲桃膠好似溶到擦子膠碎咁 真心唔知到底啲桃膠邊度「靚靚」已永久blacklist呢間店 希望佢撤出大埔
繼續閱讀
天氣咁好，踩單車入大埔周圍搵好嘢食。呢間主打台灣菜。天氣熱熱地我叫咗拌麵。佢嘅麻辣鴨血就正常口味。值得推介嘅係蝦卷同埋送嘅兩粒花枝丸，好彈牙，好好食。鹽麴雞啲雞好滑好入味。碗飯已經撈咗醬油，再加隻煎蛋喺上邊，真係冇得輸。望到隔籬枱叫牛舌，已經諗定下次想試埋佢嘅厚切牛舌飯。午餐包一杯凍黑糖珍珠奶茶。踩單車之後熱熱地，飲番杯涼透心嘅珍珠奶茶，好爽。間餐廳裝修好新淨，裝修主掉用白色加橙色，令到環境好光猛清新，坐得舒服。服務員嘅態度好好，我對辣有問題同要求，佢都會好細心為我解答同解決。呢度值得俾個讚👍🏻。
繼續閱讀
見呢間嘢開咗咁耐都鍾意食台灣野同飲手搖但次次經過見到佢呢個價位又唔捨得食尋晚見外賣app 自取有discount 就試下佢啦1) 香腸仔滷肉飯 (7.5/10) + 鹽燒牛舌2串（4/10) discount完total $59.2腸仔偏鹹，滷肉飯好味！滷肉份量足夠鹽燒牛舌超級超級一般下次可以慳返$20 or 試其他小食2) 花雕醉雞飯（8/10) +仙草奶茶 (5/10) discount 完total $58.4花雕醉雞都幾入味，唔錯仙草奶茶極普通，唔會encoreoverall discount 哂先呢個價錢食呢個質素台灣野食應該有排都唔會encore住始終大埔仲有咁多選擇
繼續閱讀
今日同老婆去開大埔墟咁啱想食下午茶，就入咗呢間舖之前見到OpenRice d食評唔錯，就入去試吓點知⋯中晒伏⋯⋯ 😵💫😵💫老婆叫咗個下午茶餐沙嗲牛肉麵 配雞排、午餐肉叫咗杯凍台式烏龍奶茶 勁多奶又冇茶味 碗麵就一般茶餐廳貨色我叫咗個雞扒煎蛋蔥油乾拌麵碗麵一粒蔥都見唔到，完全冇蔥油😨仲要個拌麵係凍嘅😨😨成個麵 = 甜豉油拌冷麵完全說不上係台式料理 😅真係試過一次就夠唔會再食！平時食飯冇影開相今次真係忍唔住要寫食評以免其他人中伏
繼續閱讀