康樂園鄉村俱樂部 (已結業)

座落於康樂園會所內的中餐廳，由於朋友是會員，得以進入享用了一頓豐盛的晚餐。與友共聚，𣈱談暢飮，有私房空間，而無外間繁雜之感。😘😘😘😘大廚用心的烹調，食物中完全能感受其煮食一絲不苟的誠意；席間殷殷的款待，全是高級酒店的禮數。仍是冷冷冬日，於是我們先來一客時令蛇羹，菊花、檸檬葉的清香夾伴薄脆和細切蛇絲，用料足而與配料恰當調合。波士頓龍蝦伊麵則無太大驚喜，好處是伊麵沒外間一般食肆的油膩，但龍蝦鮮味則平平，這是本質問題！熱騰騰的羗蔥桶蠔，上桌時已香味四溢。美國桶蠔以大為主，雖然鮮味稍遜，但肥美香口，以羗蔥煀煮是最佳之選。技竹斑膈煲亦是勝在夠熱，枝竹把斑腩的汁液吸收，只嫌汁液中含醬油太濃，魚味不足。本來是臘味煲仔飯，上時已經每人分碗，臘咪上碟，看不到原貌。且臘腸及閠腸亦一般，提不起拍照慾望：）倒是最後，侍者提出上湯浸飯焦。雖然飯焦香脆不足，但碧綠青翠的芫荽浮動湯面，伴隨飯粒，效果極為不錯😍😍😍這是飯後免費送贈的紅豆沙。陳皮味香濃，不因是送贈而馬虎，吃到最後還是一個圓滿美好的，令人回味！

因朋友係會員，所以我先有幸入去會所食嘢。其實康樂園食嘢係有三部分架，中菜廳、咖啡室同酒吧。今次入左去酒吧！入酒吧除左飲酒同吹水之外，今次朋友叫左個蘋果批送酒。呢個蘋果批除左有好香嘅蘋果味之外，佢仲做到好薄，好脆。值得推介!個人味精指數: 唔多覺

同事是康樂園會所的會員，索性來到行嚴格會員制的The Country Club，開個午餐會議，一定唔會撞到唔應該見既人。其實，在公司驅車前來，十分鐘也不用，相當方便。這類會所，預左佢唔會好多客，如這天就只得三數檯，在這裡靜靜嘆個午餐又好，傾國家機密也好，都是很合適的。跟呢位同事食嘢，都幾夾，因為大家都係食肉獸，尤其是牛，幾乎是必然之選。因此，縱然食物款式唔少，佢仍是點了一份西冷，而我則來一客牛柳，Medium Rare。看看色水，火候控制相信亦到家。我嚐的牛柳，肉質比西冷自會更為軟腍，當然肉味是相對沒那麼濃郁，但已令人滿意。炸薯條新鮮熱辣好吃，可競逐最佳配角獎，而伴碟的各式菜蔬，我也完全清掉。除了每人一份扒之外，亦再多點一隻春雞，超誇張。雖然春雞不會很巨大，不過兩條友要將之消滅，總有一定難度。幸而，這出品的水準蠻高，皮薄而脆，肉質嫩滑，即使是雞胸的位置，亦沒半點嚡口的感覺。慢慢邊食邊傾，不經不覺竟然可以完成大部份，成績總算唔錯。樓上是中菜廳，不過大家都應該知道，這類會所，是頗具彈性的，要在西餐廳食樓上的點心，無問題。就蝦餃、燒賣各一籠，前者蝦肉爽口，只嫌澄麵皮有點黏牙。燒賣反而不俗，粒

是晚囍宴 menu，阿姐嫁女喇。我淨係掛住食架乍 ﹗一坐低梗係研究有咩好野食啦，哈哈。酒就唔多想飲，留肚食好野。幾十年來應該係第二或第三次入到黎康樂園，甚少踏足之地。時間晚上約七點半，好多賓客還未到場。九點大家都坐停定預備開餐，之前都係先欣賞一對新人既結緍片段啦 ﹗好肚餓呀 ﹗大家都非常聚精會神欣賞片段，不過一路個心諗住幾時先開飯架。大紅乳豬全體，掙左對眼喎，無左啲車厘子或燈膽唔係好慣 ﹗皮脆肉嫩，豬味濃而咸香適中，啖啖肉又不會肥，燒得層皮卜卜脆，靚豬 ﹗好味 ﹗一見豬腳仔梗係要即食啦 ﹗啖啖肉，彈牙嫩口。大家都餓喇，搶呀！翡翠腰果蝦球，由細到大我都食唔到西芹陣青味架呢 ﹗蝦球啖啖肉但欠爽口，腍中帶霉，失敗 ﹗味道唔錯，香口就夠香口喇。百子千孫柱甫，有乾瑤柱、冬菇、小棠菜同炸蒜子，我最最最喜愛既一道菜 ﹗瑤柱蒸得軟腍又充滿海味味道，冬菇香甜爽滑菇味濃。小棠菜撈埋蠔油芡同吃，鮮爽。樣樣都好，正 ﹗超水準，唔好停，食多啲。煙肉百花帶子，掛住食唔記得影相喇！帶子棉滑、蝦膠鮮味彈牙，加上煙肉既咸香而帶嚥韌既口感，味道好豐富！好味道！如果可以再熱啲就更正！紅燒海皇鮑翅，最初見到紅燒翅諗住係普通野

中秋訂了朋友推介的康樂園中菜，確實有點遠，但一嘗之後覺得遠一點也值得。來到之前已訂了兩個菜，龍蝦粉𢇃煲，焼鴨，都是朋友提及過的。這兩味的確出色，尤其是龍蝦煲，色香味齊全，粉絲將龍蝦鮮味吸收十分可口，龍蝦又是波士頓新鮮運到，鮮甜到極！燒鴨又香又嫩，最出色原來是當晚經理介紹的大班炒球，魚肉鮮嫩，西芹爽口，真令人回味再三！再者，平平的例湯清補涼煲豬𦟌也叫人驚喜，全無味精，清甜得很！至於小菜也好，鐵板牛枊粒牛枊一點都不老又冇筋，亦是香嫩好吃，加上當晚又有家人生日，也在那裡的西餐廳訂了蛋糕，廚師製作認真，Cream是自家打做，味道又香滑，唔錯唔錯，所以值得推介！

西餐主廚係來自四季酒店主廚的Gary，炭燒牛排，龍蝦湯都係極品！不過要訂，記得要訂座時預先提出你想食什麼。Pizza都係即做的，很有水準，加上陳年巴馬火腿，再配精選house wine作為下午茶餐真係無以尚之！至於中菜也拔尖，例湯係木瓜生魚完全冇落味精，清甜可口，懷舊燒味更加好食，叉燒有炭香味，蒸魚亦出色，火路控制到剛剛小離骨，豉油調味亦合到好處，這是很難得的！另外，在夏日炎炎，又有生果作主題菜色，紅梅牛枊十分醒胃好味，下次可再試其他！整天在這裡吃吃玩玩，一點也不悶呢😉