影片
港鐵大埔墟站 A1 出口, 步行約8分鐘
繼續閱讀
電話號碼
26381309
營業時間
今日營業
13:00 - 02:00
星期一至日
13:00 - 02:00
*潮州粉麵粥飯: 13:00-18:00; 潮州打冷小炒煲仔菜: 18:00-02:00
以上資料只供參考, 請與餐廳確認詳情
屹立左係大埔好耐既小店，平時都係做街坊生意。因為舖頭係馬路邊，環境會嘈雜少少，但都幾有大排檔既味道。《$138 滷水鵝片》 🌟🌟🌟🌟潮州冷必試一定係滷水啦，滷水汁好香，鵝片都好入味，唔會話醃得唔夠白雪雪咁。肉質有少少鞋口但可以接受，一碟份量兩人食岩岩好，仲有豆腐片墊底，好食。《$53 韭菜豬紅》🌟🌟🌟韭菜豬紅都係打冷既靈魂菜式之一，但呢一次既韭菜豬紅唔太夠味，豬紅份量都幾多，處理得好好，唔會有腥味。《$118 椒鹽鮮魷》⭐️⭐️⭐️⭐️⭐️又係岩岩炸起既鮮魷，粉漿唔厚唔會食到成舊炸粉，雖然係炸物但係唔會成口成碟都係油。鮮魷本身有調味，食落一D都唔會韌，好食到停唔到口。《$68 腐乳炒通菜》⭐️⭐️⭐️通菜就正正常常，爽口而且好香腐乳味，調味唔算重，食到腐乳香但唔會死咸。人均消費：$200環境：7/10食物：7.5/10服務：8/10性價比：7.5/10整體：8.5/10
繼續閱讀
在大埔墟生活的10多年，雖然只是童年時，但對區內好多的食肆都有深刻的印象。可是，事隔幾十年，許多商店都因為種種的原因，結業或改寶號了。然而，在今時日，當我一有機會有大埔墟吃吃喝喝時，首先想起的，都是兒時有記憶的老字號。去年，太太的兄長由美國回來探親，我就帶他來運頭街街口的老字號《潮和興》，為他洗塵。《潮和興》，是一間很簡單的潮州小店。日頭是一個麵檔，晚上就有鹵水小炒，是很傳統的一間打冷店。晚上，最爽就是坐在店外的路邊位，食鹵味，飲啤酒，暢談中 X 埋人老味就一定更爽。不過，那天就不想坐在露天位了，我們坐入去有冷氣的室內，一樣咁有風味。為了小朋友，我們點了一份咕嚕肉。這一份肉，甜味是偏重的，也就是因為這甜味，小朋友吃得份外的開心。去潮州舖打冷，其中一樣大家會常點的，就是蠔餅。這兒的蠔餅，炸得香，炸得脆。蠔仔的比份都夠多。我可以說，這是該晚最好味道的食品。因為不是我發版，所以變成了鹵水鵝片。如是我叫，我一定會叫連皮連骨的鹵水鵝件式鹵雜錦，會更香口，更有風味。說鵝肉，夠爽口，而且鹵水也香口，雖然是肉厚，但皮脂不夠豐富，感覺一般。我來到，再來了一碟椒絲腐乳通菜。鑊氣夠，炒出來的通菜既爽脆又可口。單條菜吃，很好味道，叫碗白飯伴吃，我可以再加上一個形容詞，就是惹味了。算是不錯，但感覺到，沒有小時候來吃時那麼的好食。如不計那兒時回憶的味道，這一間《潮和興》依然是值得大家去打個冷的。
繼續閱讀
潮洲打冷 + 港式小菜，多元化，增加競爭力是無可厚非，但做不好只會弄巧反拙。還是專心做好潮洲食品為上。那天行山後與同行開飯，四人限聚，八人剛好兩枱，互點食物，互相分享。簡單總結 : 潮洲食品做得好，不好要求小炒質素。
繼續閱讀
應該已經十年無到訪，多年來食物都不是怎樣出色，平傭穩陣的表現。提供本地老街坊的味道，提供使人懷念的味道，陀地的味道。十幾年前我係東昌街蒲時，經常零晨叫外賣大排廷席，酒吧潮州冷自助餐就係由潮和興供應喇！唔操拳都無野好做，唯有暴飲暴食，下星期先開始操，等手手腳腳休息下黐返先。心血來潮黎探下潮和興，巧遇阿健與暈妮，要寒暄幾句咯。鹽焗烏頭、青芥末牛柳粒、潮州蠔餅、滷水鵝半隻、豉椒炒蜆、沙嗲韮菜粉絲肥牛煲、滷水雜拼、蒜蓉炒豆苗、韮菜豬紅、椒鹽鮮魷、等等，但說好的羊腩煲呢？約齊老友為羊腩煲而來竟然沽清，無食神惓顧！連個天都不喜愛我？潮興十全十味七友臀年飯。青島啤酒，正常不過的味道，不苦不澀。晚上七半的早午晚餐一剔過，多謝長毛叔叔獻技。長毛滷水鵝片，長毛親自操刀零舍不同，紋理有序，嫩滑幼嫩，皮肉逹至黃金比例，薄薄一層清新滷水汁已十分足夠，捲著爽甜芽菜更有口感。滷水掌翼，爽脆的掌，嫩滑的翼，互相輝映！就連芽菜花生亦一絲不苟，可以送幾碗飯呀﹗長毛滷水鵝例牌，何解長毛親自操刀既滷水鵝特別好食呢？上次毛嫂鵝片鞋烚烚乾乾韌韌，使我十分失望！滷水汁黏黏味濃不嗆不濁，完全滲入鵝肉每吋肌膚，使得我不停舔舔嘴！髀肉嬌嫩無敵啖啖肉，肥而不膩不會油淋淋。浸完酸咪咪浙醋特別香甜醒胃，跟白飯夾得天衣無縫！整碟都異常高質，清到乾乾淨淨連花生豆腐無得留低！潮州凍蟹，嬸嬸大大力催銷，新鮮好味抵食夾大件，好好好就試試！呎碼也不少，堅有肉食！特大巨形無得輸！蟹拑已長過我手掌，做開健身結實爽彈的肌肉，咸香帶點鮮氣好味道！鮮味不凡散發陣陣海水咸香，嫩嫩的蟹肉，鮮鮮的蟹汁。亦不乏甘甜蟹膏，原味已十分出色，沾埋甜酸浙醋更加生動活潑。蟹身肉質嫩滑跟蟹拑完全不一樣，還黏附大量軟綿蟹膏，堅係食到損晒手指！索價 $800 蚊物有所值，就算我到街市買都要 $500 蚊左右。避風塘炒蟹，蔥段炒得異常甘香超然，連唔食蔥的我都全部食晒，爽到索索聲只食到清純甜味，不腥不嗅香噴噴！熱騰騰炸過的蟹肉特別香口，連蒜酥齊啜，別有番風味舔舔脷！豉椒炒鵝腸，製作需時請耐心等候，碟滷水鵝片都食晒好耐喇，忍住口留低半碗飯一直等下去。終於熱騰騰送到，估唔到係有膏既肥鵝腸喎，闊闊大大碌，不是奀滋滋的鵝腸仔。高溫燙著嘴塞入，鑊氣霸道豉椒濃厚惹味，鵝腸爽彈多汁滋味無窮，多多腸搭少少飯，美滿幸福！韮菜豬紅細，長毛豬紅好鬼得，同大圍生昌有得揮！生理時鐘亂膠晒龍，晚上十點的晚飯一人前兩餸一飯小兒科！韮菜爽嫩索索無渣不粗糙，豬紅立方滾熱辣，燙住嘴特別美味！外層充滿彈性，裡面滑溜溜水滴滴，入味可口無得頂。濃濃稠稠的湯汁無比清香，淨飲幾啖汁開開口，再大量淋下撈飯食，拍爛手掌無得頂！繼而跟沾埋辣油豬紅融合成完全體，堅可以送三大碗白飯呢﹗豉椒炒蜆，帶著鑊氣新鮮出爐送到，香味強襲使人陶醉莫明。入口便知龍與鳳！不是汆水翻炒系，無偷懶耐心生炒有誠意。彈滑肥美爆出天然鮮味蜆汁，混埋惹味豆豉辣椒，那有可能唔好食﹗拆晒蜆肉豪氣地大啖大啖地扒飯，塞得嘴仔滿滿賬卜卜。大量蜆肉口裡爆開，高潮疊疊起，停不下來﹗就算配菜都同樣出色，彩椒炒得爽甜多汁，全部清掉！韮菜粒蠔仔煎蛋，頂頂級！忍唔住連啪兩碗飯，痴線地香噴噴，她媽的好味道到要講粗口呀﹗實在太過份的厚厚大大塊蠔蛋餅，細細啖飯大大啖肉，塞到嘴仔脹卜卜才慢慢細味嘴嚼，滿足到升仙！天堂的味道，邊食邊叫著好食好食！咕嚕肉，真係極少食肆有咕嚕肉供應，個個都係生炒骨。為安全起見再三問清楚，係咪淨肉無骨架？真係咕嚕肉，唔係生炒骨？堅過馬騮蓮，堅肉唔係骨梗係即要啦！半脆半彈即炸香口，鮮甜的豬肉立方！極濃山渣甜酸汁，非一般的咕嚕汁，食味獨特可遇不可求，重口味十分好送飯！潮和小炒皇，點解有腍劈劈蟹柳既，加料？蝦乾蝦仔攬住生死戀，鮮蝦味加海味咸味。惹味彈彈魷魚翼，腰果香口脆卜卜，大量爽甜韮菜花！必須一氣呵成，集百家之大成，所有食材跟香飯同時入口。耀眼的光芒，食得滋味！毛嫂滷水鵝片例牌，為何會係老闆娘操刀呢？落刀是否正確架？不覺嫩滑，咬落韌韌鞋鞋喎。滷水香濃保持年青時的味道，滾埋大量酸醋撈飯平衡多美味多了！我想要大豆芽底，嬸嬸話只得銀芽無其他。明明依款係普通芽菜來的，不是銀芽呢！銀芽要切頭切尾架。雖然樣樣衰衰，不過無腥味，仲爽脆多汁跟滷水汁泊得天衣無縫，撈飯食一流！整碟最好食竟然係豆腐卜，比鵝片更好味道！外香口內嫩滑，索汁撈飯超美味。毛嫂滷水鵝半隻，不明所以，老闆娘既刀功真係麻麻，跟長毛叔叔無得比。鵝片偏鞋偏韌，失望。腐乳炒通菜牛肉，我要椒絲腐乳炒牛肉架，去那裡了？雖然色香味滿分但有椒絲就更開心。爽甜翠綠的通菜掛滿腐乳汁大注大注地塞入，邊趙邊釋出美妙菜汁，捲著鬆軟牛肉片更添味道，連同菜汁肉汁送飯同樣一流！ 鮮魷炒豆苗，極另類的配搭，爽甜的豆苗鑊氣迫人，夾著爽彈咸香鮮魷齊趙，狠狠地大啖大啖地塞，鮮魷醃得略咸一點點，跟多多菜少少飯減低咸道，還可以的。蒜蓉炒豆苗，出色的手藝，霸道的鑊氣，熱辣辣地出現，爽嫩香甜，蒜香十足。啫啫芥蘭煲，鬼殺咁嘈，吱吱喳喳，出晒煙登場，氣氛非常熱熾，索一索香氣撲鼻口水直流！芥蘭爽嫩脆脆甘甜無比，撞上濃濃肉鬆蝦醬，不得不讚！蠔仔肉碎粥全走，甜美的湯底散發著鮮蠔味道還有肉甜肉香，蠔仔飽滿肥嘟嘟咬開爆出味道蠔汁，跟粥水炸蒜及胡椒粉混和，拍手叫好！大眼雞，不到一斤好鮮嫩，魚味特濃結實厚身啖啖肉，最緊要對魚眼，眾朋友都不動，那我當然唔客氣全歸我所有！滑滑的啫喱狀，鮮到盡頭的味道。鹽焗烏頭，起碼斤半重的鮮魚！大大粒魚扣放係眼前，我當然唔客氣即搶啦，爽彈極鮮！主攻最肥美的魚肚，黏黏膠膠的。魚身啖啖肉，魚甜味濃散發輕輕鹽香，雖然半滴魚油也沒有，食其魚味都夠我滿足。重慶雞煲中辣，好哽受不了﹗嬸嬸已經叮囑及勸喻食少辣，但我一意孤行！嘴仔及舌頭完全奴駕得到小意思，但落到腸胃時熱力直衝頭部！汗珠不停地落下，頭髮都濕晒呢！濃烈的麻辣醬，只辣不麻，兜得還是不夠均勻，部份微辣而部份中辣，肉質還可以。最初想食啫啫雞煲，原來並無供應所以轉辣雞煲。滷水雜拼，鵝腸脆脆，生腸爽爽，紅腸甜甜，大腸腍腍，腩肉膠膠，墨魚彈彈，鵝腎腍腍，芽菜爽爽，任何一款配清新的滷水都非常好送飯。滷水紅腸墨魚，芽菜完全不腥不嗅食得到非常感謝，爽甜多汁搭滷水，不過就樣衰少少。多多餸少少飯一向都係我宗旨。錦繡大雜會樣樣都要有，紅腸墨魚滷水辣椒油連白飯掃入嘴仔，塞得滿滿脹卜卜，再慢慢嘴嚼細味。多重口感，百味磨擦碰撞，精彩絕倫好美味！青芥末牛柳粒，牛柳粒中式豉油醃撞上日式芥末怪怪的，嚥嚥韌韌滑潺潺，食味平凡。潮州蠔餅，炸得徹底鬆脆，不硬不油。蠔仔肥美帶著蛋香，都係配豆瓣醬較好味道，魚露或胡椒粉有點寡。椒鹽鮮魷，失手炸過龍喎，炸粉變了殼，落味偏咸，浸浸喼汁酸酸甜甜好少少，鮮魷極爽彈。潮州粿肉，見到菜名非常好奇，粿條嗎？上網搵搵，原來係麵團加用再用腐皮包著炸。切成一片片實意料之外，咬落跟煎午餐肉味道質地百份百一模一樣既？炸得金黃微脆過癮，非常香口而不油膩。討厭泰式甜酸醬，用茄汁會更好味！豉汁涼瓜炒牛肉，芡汁過厚呢，口感黏黏不清爽。涼瓜甘甜爆汁，過份腍帶漿，搭埋嚥韌牛肉，送飯依舊一流。沙嗲韮菜粉絲肥牛煲，走蔥走芽菜。嬸嬸主動話加款菜比較好喎，繼上次啫啫豆苗煲後，再給點創意來個沙嗲韮菜。普普通通無話特別出色，濃濃沙嗲汁甜甜的香香的，濕濕的完全滲透粉絲，大大抽跟爽甜韮菜撈飯，不失為一個美味的選擇。
繼續閱讀
呢碟野我食咁耐依黎係最貴最貴的一碟，蟹可以煮到唔好食又乾，我都唔知點解佢收我咁貴，初頭我都以為聽錯，佢話時價係咁嫁啦…但我都覺得好似比人殺價，430蚊我都算，問題就係果種不知所謂的態度令我十分超覺得唔值，你大大聲聲話，時價嘛，係咁嫁啦…都唔係比你開天殺價嘛，我以後食野無價錢寫時價一定要問清楚幾錢，如果唔係就好似我咁無知比人任人開價。坦白講，我到依家都條氣好唔順，我咁我去後面果間打冷店都以後以後唔再黎呢間好店
繼續閱讀