影片
營業時間
星期一至五
11:30 - 20:30
星期六至日
08:00 - 20:30
以上資料只供參考, 請與餐廳確認詳情
又到放飯時間啦！！！今日午餐食位於港灣豪庭商場既一葉小廚🍃中午12點零鐘都仲有位可入座睇吓餐牌先👀👀午餐多數都係一個餸跟一個飯，可選擇菜飯/肉燥飯，其實好岩同人share，一人叫一個餸就試到兩個餸啦！可惜我一人午餐🥣無人同我share🥲🥲🥲我order左鹽酥雞排跟菜飯，飲凍蜂蜜紅茶杯紅茶甜到呢⋯⋯唯有等佢慢慢溶化🫠🫠大約等11分鐘，所有食物都到齊啦！食雞排店員會提供調味粉，自己加落雞扒度👍🏻👍🏻👍🏻👍🏻👍🏻我三隻味（梅子粉、海苔粉、七味粉）都試晒啦⋯⋯最夾都係海苔同梅子粉雞扒真係好炸，好熱氣😂不過中間個塊有少少🤏生生地，整體都ok ge下次食其他先
繼續閱讀
特登黎依間連鎖台灣店食依度裝修簡樸因為位置唔近地鐵其實人唔多所以都坐得幾舒服同朋友傾計或者想找個寧靜既地方食飯都一流 晚餐叫左雲吞雞肉燥飯因為人唔多既關係 好快就送到肉燥飯無咩特別 但算多肉燥既 至於個雲吞雞真心幾好食個湯雖然係味精湯但幾好飲 送飯一流同埋成個雲吞雞好足料雲吞好大粒 入面個蝦都大隻雞就普通入面仲有其他配料例如菜同火腿等等食完真係好飽最後飲埋野飲非常滿足 其實以依間野既價錢黎講 性價比真係幾高有機會都會想再返黎食依個抵食之選
繼續閱讀
外賣叫咗個炒飯，點知食食下，油浸炒飯，即刻食唔落了…………之前食過其他嘢唔錯，服務都OK，所以今日見多人冇堂食，唯有叫外賣，都不求高質素，只求正常味道，點知…………炒飯出晒事
繼續閱讀
今日同男朋友去睇下有咩食，係出面望到個店面環境都幾好，就諗住試試。送野食過黎既店員好冇禮貌，放低得好大力，好似我地得罪佢咁。跟住再試下啲野食，咁我地叫左台式孖寶肉燥飯。野飲就叫左蜂蜜紅茶同檸檬茶。餸就簡左黑醋豬軟骨同台灣腸既。睇相張就好吸引，實際黎到就得兩舊糖漿杯大細既豬軟骨，一條台灣腸。咁都唔緊要啦，但啲肉燥仲少到兩啖冇曬，就真係有啲少。因為食包都慣左加啲煉奶，當我地問個店員可唔可以比啲煉奶既時候，佢好唔耐煩咁話呢到冇煉奶。我覺得有啲侮辱左我地既智慧，一間舖點會冇煉奶，朝早早餐餐包都要煉奶啦。真係食到一肚氣。啲野飲又好澀，要落糖加水咁飲。仲要衛生做得唔好，張枱有蟲係到爬黎爬去。總括而言，今餐食得好辛苦。
繼續閱讀
自從屋企附近一葉執左笠，我就對佢既焗豬念念不忘，啲分店又唔就腳。今日終於有機會去大角咀分店食，原來唔係間間有焗豬，好彩無去錯。雖然成個商場好似好up dup ，無阻我去搵間舖係好耐無見既焗豬，之前食開，佢啲飯係珍珠米好咬口，而且啲汁多，豬扒有香茅味好正。呢間食落其實少少失望，汁唔夠多，豬扒有一兩舊係好硬好乾，唔夠香茅另外再叫個炒新竹米粉，還好睇怕如果唔係咁啱經過 都唔專登過黎食了
繼續閱讀