一葉小廚 (已結業)

今日同男朋友去睇下有咩食，係出面望到個店面環境都幾好，就諗住試試。送野食過黎既店員好冇禮貌，放低得好大力，好似我地得罪佢咁。跟住再試下啲野食，咁我地叫左台式孖寶肉燥飯。野飲就叫左蜂蜜紅茶同檸檬茶。餸就簡左黑醋豬軟骨同台灣腸既。睇相張就好吸引，實際黎到就得兩舊糖漿杯大細既豬軟骨，一條台灣腸。咁都唔緊要啦，但啲肉燥仲少到兩啖冇曬，就真係有啲少。因為食包都慣左加啲煉奶，當我地問個店員可唔可以比啲煉奶既時候，佢好唔耐煩咁話呢到冇煉奶。我覺得有啲侮辱左我地既智慧，一間舖點會冇煉奶，朝早早餐餐包都要煉奶啦。真係食到一肚氣。啲野飲又好澀，要落糖加水咁飲。仲要衛生做得唔好，張枱有蟲係到爬黎爬去。總括而言，今餐食得好辛苦。