影片
開飯介紹
供應一系列地道港式小菜，主打多樣化鑊氣小炒、川式料理、惹味煲仔菜及鑊氣炒粉麵等，其招牌酸菜魚酸辣醒胃。
繼續閱讀
營業時間
今日營業
11:00 - 15:00
17:30 - 23:00
星期一至日
11:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
今晚又和太太在大角咀吃晚飯，經過發現這家有鑊氣-酸菜魚好像不錯，於是來試試水準。餐廳面積不大，整體裝潢光潔明亮，位置空間感足夠，平日晚市亦會滿座，記得要先訂位。餐廳主打老壇酸菜魚，亦有多款不同的小炒菜品，同時亦有不同的涼菜及主食可供選擇，現在更有優惠19:30前離座有85折。生磨杏汁潤肺湯 $40先點一客杏汁潤肺湯，滋潤豐美的杏汁白肺湯，豬肺細心去盡血污，完全沒有一絲腥氣，達到滋味真醇的境界，喝一口馬上感到潤燥滋補，杏汁香甜鮮美。老壇酸菜鱸魚 $198點了招牌的老壇酸菜鱸魚，份量十足，用上原條新鮮鱸魚，肉厚無骨而肉質嫩滑。舉勺淺嚐湯底，酸辣的風味，輕輕的刺激著舌頭，酸辣鮮香，層次分明，不腥不燥，回味悠長，酸爽味佳，嚐得出是自家用心熬製，一流。乾隆鹽水鵝皇 $138鹽水鵝例牌份量亦足，物有所值，鵝肉連皮帶肉，肉質柔嫩，鵝皮爽彈，鵝味濃郁，配以白醋或沙薑同吃，有不同的口味，底下原有亦有新鮮鵝雜，鵝肝口感粉嫩，味道甘腴醇美，而鵝腸一咬爽滑脆口，同時甘香可口。大澳蝦膏通菜炒鮮魷 $98通菜以大澳蝦膏快炒過後，鑊氣十足，清脆爽口，油而不膩，賣相亮麗，味道帶有蝦膏獨有的鹹鮮香氣，而鮮魷件件厚切，口感彈牙，色香味質盡皆佳妙。
繼續閱讀
放工約了大角咀的老友來聚聚，就選了她最愛的酸菜魚黎食。有鑊氣酸菜魚就是她的不二之選。小店不大，但晚市8點左右，全店都坐滿了人，來到真嚇了一跳，幸好剛好有張二人枱，否則可能要等半個鐘才有位。老壇酸菜魚鱸魚(例)當然是必點的，人人枱上都有一盤。我們原本想點大盤，但大盤的話二人食份量太多，試唔到其他餸。幸好點了個例。酸菜魚賣相好得，色香味俱全。先飲一啖湯，鮮甜而不油膩，小辣剛好，酸菜的份量好多，還有花菜、芽菜和逶明滑嘟嘟的薯粉，魚片雪白軟滑，整體都十分出色，果然是招牌。乾隆鹽水鵝皇(例)例牌的份量不少，件件肉厚，咬落一點也不韌，就咁食已經好夠味，再配上沙薑醬令鵝肉香氣更突出。除了鵝肉，仲有少許鵝肝鵝腎鵝掌係入面，試到幾個唔同部位。大澳蝦膏通菜炒鮮魷上枱一刻熱辣辣冒煙，蝦膏咸香滿溢，鮮魷爽脆彈牙，我最欣賞係個醬油唔會死咸，通菜吸晒蝦膏啲味，好啱送飯！食人食唔停口！果然係有驚喜的一間小店，雖然招牌係酸菜魚，但餐廳入面的小菜都十分有鑊氣，值得幫襯！食完係門口見到7點半前結脹離座，享有85折，咁下次可以約早啲食用下呢個優惠。
繼續閱讀
近年好喜歡嘅中菜館之中，平靚正之選。今日同屋企人黎食，個個都大讚。江南四小拼 - 每款份量唔算好好，但可以同時試到四款江南小食，不錯～有爽脆海蜇頭、川味口水雞、宮廷一口脆（醃蘿蔔）同鮮沙薑豬手。冰鎮咕嚕肉 - 黎呢度真係唔可以唔食呢道菜。冰鎮後嘅令外層非常脆口，炸粉厚度適中，咬落仍然熱辣辣。伴碟嘅青提同青椒提升整體清新感。老壇酸菜魚 - 可以揀叫鱸魚或桂花魚，有你例牌或大份揀。我地叫左一份鱸魚例牌。酸菜湯底味道一流，魚片好滑，無乜骨。配菜仲有芽菜、椰菜花同煙靭寬粉。生炒臘味糯米飯 - 炒得夠乾身，唔會覺得油冧冧。臘腸、膶腸、蝦米、花生粒⋯好香口。大澳蝦膏通菜炒鮮魷 - 以蝦膏炒，聞到已經流口水，食落都好惹味，鮮魷好爽脆。
繼續閱讀
每道菜都真係夠哂鑊氣，味道好，份量又足，推薦🙌🏻✨冰鎮咕嚕肉呢度嘅冰鎮咕嚕肉真係世一！冰鎮住令外層非常脆口，內裡嘅肉就仍然又熱又嫩，口感一流！酸甜度調配剛剛好，勁好食！仲伴以青提同青椒添～✨老壇酸菜魚叫左一份鱸魚例牌，魚片好滑。酗酸酸辣辣嘅湯底超好味，仲帶有芝麻香，入面嘅寬粉掛湯好正🤭✨江南四小拼有川味口水雞、爽脆海蜇頭、宮廷一口脆、鮮沙薑豬手，一次過試晒四款小食，我最喜歡海蜇頭同豬手！✨大澳蝦膏通菜炒鮮魷鮮魷爽脆，份量都唔少，用上蝦膏，非常惹味！✨生炒臘味糯米飯好足料，臘味連同蝦米爆得好香口，糯米飯黏口得黎夠乾身，口感剛好～✨乾蔥豆豉滑雞煲雞件夠滑，大量洋蔥青椒配上豆豉，好啱送飯。
繼續閱讀
大角咀一向都出名多好嘢食，呢日嚟到呢間「有鑊氣-酸菜魚」，明明係平日，但係都座無虛席，非常熱鬧👍🏻而且呢度仲有優惠，7:30前結帳離座，更加有八五折😎老壇酸菜魚，果然好出色，我哋叫咗BB辣，魚肉細滑，而且份量好多，鮮甜味道同辣味互為主角，而配料同樣好多，酸菜、豆卜、芽菜、薯粉收晒湯底嘅味道，好惹味😋乾隆鹽水鵝皇，個名夠晒霸氣🤣肉厚飽滿，一咬落去鵝肉香味爆發晒出來，而且仲有大大隻鵝髀，食得勁滿足😝沙嗲金菇肥牛煲，一上枱熱辣辣，金菇同肥牛都好入味，金黃色嘅沙嗲汁厚實足料，散發着濃濃香氣，用嚟送飯簡直一大享受🥰珍寶凍檸蜜，咁大杯凍檸蜜真係好驚喜🙈甜度剛剛好，唔怪得每枱都要叫一杯😝
繼續閱讀