影片
電話號碼
25728818
營業時間
今日營業
07:30 - 21:30
星期一至日
07:30 - 21:30
以上資料只供參考, 請與餐廳確認詳情
原來下午茶返都好抵食，30幾蚊一碗麵仲可以加一個小食加埋嘢飲。食物質素就一般中規中矩我覺得金銀花芫荽湯底可以encore都幾清。小食份量就係比較細的，手撕雞，皮蛋豆腐，都係得兩啖左右😂但咁嘅價錢都可以接受。沙嗲牛肉麵再加厚多士腸仔蛋都係$37蚊。主要係加嘢飲都唔使加太貴，最啱諗唔到食咩嘅時候真係有好多除咗平時茶餐廳嘅下午茶餐外仲可以揀唔同湯底嘅米線，米粉烏冬，仲有一隻台式嘅飯揀迎合晒唔同人嘅需要。
繼續閱讀
每次大家講親天水圍美食，十個有八個都會講麗x,我唔係話佢唔好食，但係其實仲有好多選擇！今次私心推介天水圍cp極抵下午茶.地點位於天水圍銀座，非常方便！下午茶$40有找，單併米線自選湯底，仲要有小食，仲要唔係頹食！私心推薦，麻辣湯底，可以自選辣度！仲要有麻辣肉碎！酸辣湯底都OK，但就唔係大家平時食開嗰種！配料通常必定會揀香茅骨，香口惹味小食方面，我今次揀咗麻酸汁皮蛋豆腐加麻辣雞絲，但係本人唔食皮蛋，所以走咗！
繼續閱讀
本身諗住食隔離一粥麵，點知冇晒位就去呢間麻酸樂米線專門店試下，見佢餐牌都幾多選擇，有飯🍚有米線🍜。自選乜乜乜都只係$35起！都幾平下😮咁我就叫左呢個餐，配料係蟹棒（4條）+煙鴨胸（3片），配料我就覺得選擇不多，如果可以要多少少就比較好😳湯底叫左麻辣肉碎湯底少辣，個湯都幾入味，辣辣地好開胃又香口，仲送熱綠茶/凍低糖綠茶，不過轉其他熱飲就要加$3，如果唔加一個餸同飲佢送既飲品真係可以$35埋單，都真係幾抵食😂👍🏻
繼續閱讀
今日黎到麻酸樂食米線，辛苦完叫左個四餸大麻辣米粉，有牛丸、墨丸、鮮牛肉同鹵蛋。湯底感覺上冇落太多味精，至少唔會口渴。牛丸、墨丸質感唔錯，其他就正常發揮。環境夠大，適合晏就自己慢慢食下野。
繼續閱讀
麻酸樂米線專門店📍天水圍天恩路12-18號+WOO嘉湖1期1樓138號舖同朋友去完屏山圖書館，本來想帶佢食新北江好出名嘅米線，但居然撞正佢休息，所以要轉場去銀座搵食。其實銀座嘅餐廳選擇唔多，大部分都係連鎖店，所以我哋就揀咗去呢間唔係咁常見嘅餐廳食。我仲記得中學時期有特登早啲起身同朋友嚟麻酸樂食早餐，不過晚餐真係第一次！ 💰$148二人同行 👩🏻❤️👨🏻前菜：生煎蔥肉餅 🍘本來以為肉餅係豬肉餅，點知原來係生煎肉包仔，唔好睇佢好似平平無奇，一咬落去啲汁噴到成枱都係，勁驚訝！而且外皮好香脆，油熱辣辣，前菜嚟講都幾特別！不過應該係現成急凍嘅肉餅，之前都試過喺凍肉專賣店買過類似嘅嘢返去用氣炸鍋炸嚟食，咁嘅價錢有四件算性價比好高啦！湯：黑魚片皮蛋豆腐芫茜湯 🍲黑魚片夠晒嫩滑，食咗咁多塊都無一塊食到有骨嘅，大讚！皮蛋係有雪花嘅，非常濃味，豆腐亦都好滑，個芫荽湯比較似羹，清清地幾好味。主菜：椰香咖哩魚柳煲 🥘慢煮特級豬腩肉伴滷水蛋 🐖🥚滷水蛋滷水味濃，蛋有少少過熟所以蛋黃散散哋，但味道係ok嘅。豬腩肉唔會韌，不過我呢啲怕肥人士就略嫌佢太多肥肉，所以將啲肥肉俾晒我個大把quota嘅朋友食！成個拼盤嘅重點係伴碟嘅菜脯粒同雜菜粒，微酸微辣，夠晒醒胃，撈飯一流！配送：白飯兩碗 🍚 (+$6可轉肉燥飯一碗)飲品兩杯 (冷熱同價)晚市呢個價錢，食到一個前菜、兩個小菜、一個湯同兩碗飯，仲包埋凍飲，真係好抵食！惟一要挑剔嘅就係佢嘅飯煮得比較爛，可能佢始終係賣米線為主嘅，所以比較少人叫飯嚟食。
繼續閱讀