影片
港鐵太子站 C2 出口, 步行約5分鐘
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
第一次吃他的豆漿魚湯底水餃，就忍不住send了一張相給工作中的老公。因為這種鮮味，加上清新、健康的感覺，令我十分感動。自此之後，我和老公每星期總會有一兩次專程搭車來吃飯。我們有一半時間是煮飯的，所以這裏絕對稱得上是我們的飯堂。試了他的蒸魚、滷水三寶飯、湯飯等等。豆漿也是必點的。吃完那種既舒服又滿足的感覺，令人再三回味。而且，真的不會口渴。種類繁多的菜單、永遠保持得到的水準、大眾化的價錢、舒服的環境，這幾樣東西似乎很難在香港並存。但是，他又的確做到了。真的十分神奇，其實我有啲懷疑佢定錯價。Anyway, 如此有heart又有實力的小店，希望大家多多支持啊！
繼續閱讀
身為一個無奈的無飯煮婦，明明好鐘意煮野食，但日日番工放工已經累到一個點，無時無刻淨係想訓覺，唔係未試過放工去買餸整餸煮飯，但，搞完都晏一晏，食就食30分鐘都無，跟住再去洗碗，久而久之，我地都係決定出去食好了，出街食飯難免好又油又味精，要搵到一間又健康又平的餐廳實在唔容易，自家味道正正就符合晒呢兩個要求，所以我地都成日黎食平凡簡單的裝修，舒服就好了，唔洗下下都皇宮的樣子我最鐘意就係食餃子同蒸魚，清淡又健康，牆上面會有個板寫左當日有的鮮魚同是日蒸餸豆漿 ($2)鮮魚套餐會跟一杯飲品，自製的無添加豆漿最吸引，最鐘意佢唔甜蒸魚套餐 ($68)蒸魚套餐我地揀左筍売魚，蒸魚有好多煮法揀，有清蒸、豉汁蒸、面醬蒸、刴椒蒸、鮮檸檬蒸或煎封，我地選擇左鮮檸檬蒸，筍売魚好新鮮，魚肉好滑，大家食的時候要小心細細的魚骨喔另外我地加$5轉左菜飯同加$8轉豆漿魚湯浸菜，加$8有碗無味精的湯飲下都抵，味道唔會好濃，但正正就係我喜歡的味道，為左健康盡量唔好太重口味比較好蒜香單骨雞翼 ($25)單骨雞翼食起上黎輕鬆得多，蒜香味濃，炸皮薄薄的，熱辣辣即叫即炸雙拼鮮餃子 ($41)餃子有兩款湯底揀，分別係豆漿鮮魚湯同上海酸辣湯，我地揀左豆漿鮮魚湯，咁就可以岩岩好一人一碗魚湯，鮮餃子係紫菜三鮮餃同椰菜木耳鮮肉餃，每款有5隻，每隻都材料豐富，包到漲卜卜希望市面上可以多點呢類型健康餐廳，向味精說不啦
繼續閱讀
晚飯時間經過呢條街，有很多食店，但這家的門面最為吸引，所以選了這裏。内在環境整潔，仲有大電視睇。餐牌不花巧，四個版面就踏實地列出了所有菜式和套餐，當中有很多選擇，小食、炒粉麵、飯餐、麵餐，一應俱全。點了住家味濃的蒸蒸日上蒸魚套餐，選了黃花魚。有6種煮法，我們揀了最大路的豉汁蒸，最有家的味道。套餐配有白飯、油菜和飲品，油菜+$8可轉豆漿魚湯浸菜，特別啲又無咁乾，所以我哋揀咗加錢轉。飲品+$2要咗熱豆漿，健康啲。原條蒸魚好大條，香蔥鋪滿整條魚。蒸嘅火候適當，魚肉夠熟又唔會'鞋'。另外又點了一個湯麵套餐，兩餸一麵配特色湯底連飲品都係$38，十分超值。我哋揀咗蒜香單骨雞翼、金菇、薯粉、自家上海酸辣湯、凍鮮檸檬蜂蜜。一般粉麵鋪薯粉要加錢，呢度價錢一樣。仲有上海麵揀，一般不是京川滬食館也不會有吧，又一特別又吸引的選擇，但食唔到咁多嘢，下次嚟食應會揀。酸辣湯好濃，成個湯底都可以飲晒，正宗酸辣湯味和質感，仲可以有埋酸辣湯的湯料送麵。薯粉質感煙韌，配酸辣湯原來咁夾。雞翼亦不錯，外皮香脆，雞肉嫩口。見到餃子係呢度嘅招牌，有兩款口味。單款口味可選7隻或10隻。亦可要10隻的雙拼口味。因為驚食唔晒，所以叫咗一款口味試下先。揀咗煎紫菜三鮮餃7隻$33。招牌餃子無令人失望，餃子底煎得香脆，涵既爽口，又有肉汁嘅鮮味。食得出店家用心經營，餐牌上的類目特別又多元化，絕對是會回頭再光顧的食店。
繼續閱讀
人大左，身為一個一至日工作既人，食住家餸既機會真係少之又少，相比起高貴既西餐、精緻既日本菜，簡簡單單既住家飯郤最能吸引我今次黎左呢間朋友係太子食過既街坊餐廳，跟媽媽一齊分享呢份家的味道太子地鐵站出，沿住荔枝角道行大約五分鐘就到，都幾易揾。雖然只係賣平價既街坊食物，但內裏都好乾淨，裝修簡潔中又帶點時尚感，樓底好高令空間感更明顯，配埋住家餸既重要元素–電視機加$6就有既小食青瓜微辣，夠爽脆，開胃也小食唔怕多加埋呢個溏心蛋！呢個驚喜喎！真係做到溏心效果之餘，外層仲有滷水汁，內外兼得既溏心蛋跟餐飲品可揀豆漿、黑糖薑蜜等，不過細杯左d～住家餸既代表絕對係蒸魚有幾多個小時候既晚上，您又再埋怨媽媽點解又蒸魚咁悶咁淡...而家長大後，見到蒸魚，心頭會一暖...呢到既蒸魚餐選擇自由度好大，想清蒸又得，豉汁又得，想特別啲可以檸汁、面醬等等，淨係醬汁都咁多選擇而且魚既款式又係多蘿蘿，黃立䱽、鱸魚等，相比起平時茶記果d一早set好哂得一種款既魚，呢到好正我就揀左我最愛既黃立䱽!!!大約等十分鐘左右，以即叫即蒸既速度都算快手。面既蔥鋪到滿哂，撥開就是滿滿既豆豉。魚既size唔係好大條，但肉質卻係比平時高質！魚肉具嚼勁代表住新鮮，出街食好多時都係枚或者缺乏彈性，呢種難得既咬口係屋企買新鮮劏既魚先做到既效果飯有得加$5配菜飯或者肉燥飯，後者較少見，所以揀左佢黎試，本身預加五蚊都唔會太大驚喜，但估唔到係份量上同味道上都掂喎。肉燥量多，鋪滿左三分之二既飯面，肉燥平時以台式居多，都係會比較油因爲一半都係肥肉，或者有人會中意呢種，但以健康為前題下，又想食好味既肉燥，呢到就做到了醬汁惹味但又未會到太濃味令人口乾既感覺，咸度適中兼以微微既甜度吊味，肉碎雖然係瘦但一d都唔嚡口，配以碎既香菇混在其中，令口感不失單調之餘又彌補返瘦肉碎本身欠缺既口感自家製既仲有餃子，餃子一共有兩款，我就揀左紫菜三鮮餃餃子係餐廳每日自己包，隻隻都具份量，size仲大過平時係屋企煮灣仔碼頭既大隻版。最怕食到啲肥肉多又唔知溝左咩做饀既餃子，呢到偏重蔬菜多，以紫菜做主角都又幾特別，清淡得黎有種獨特質感。餃子可選擇配自家魚鮮湯定酸辣湯，因魚鮮湯叫左，所以試埋佢個酸辣湯，點知黎到係勁大碗個酸辣湯份量仲多過啲餃子，瞬間又配角變成埋主角酸辣湯調味充足，碗仔翅既質感，味道難得濃郁之餘唔會過重口味，即使飲哂成碗都無口乾，當中酸味較突出，辣味唔明顯，所以唔食得辣既媽媽都接受到自選兩餸湯飯除左固定既小菜餐，仲有得好似車仔麵咁自選餸既湯飯，有十幾廿種餸揀，肉類如雞肉豬肉魚片等都有齊，我就揀左鮑片同埋豬潤，菜都有六七款揀，唔係得普通菜心生菜，仲有芥菜，選擇好多，配埋豆漿魚湯，成件事清淡得黎但鮮味十足，健康同味道兼得所謂既自家製豆漿鮮魚湯底，就係店主以新鮮既魚同黃豆熬製而成，心思之作，欣賞呢份堅持，講真出街食野好難健康，即使健康都難做到新鮮同味道兼得，價錢仲要係街坊價，希望小店能夠繼續呢份堅持！
繼續閱讀
約了朋友食飯，卻要OT放不了工，遲大到嘅情況下轉場到了朋友家附近食，佢介紹左呢間好有家的味道的魚湯飯店，除了魚湯泡飯，仲有煎魚客飯，蒸魚套飯，粉麵餐，餃子，小吃等，十分豐富的選擇，而且價錢一點都不貴，五十元就可食到無味道魚湯，抵啦店內樓底高，冷氣開放再加上吊扇，很通爽，仲有電視，絕對可以電視送飯，哈哈睇緊餐牌時，店員送上暖水，餐牌選擇太多，樣樣都好想食，最後還是選了泡飯。冷熱餐飲同價，朋友要了黑糖薑蜜，自己要了熱檸水（+$6），朋友說他那杯很夠薑。點了的泡飯（$42）很快便到了，選了豬潤魚腩白菜仔，魚鮮甜，豬潤爽口，加上一大碗飯，超級飽肚。不含味精豆漿鮮魚湯，很清很鮮，飲哂全碗完全不覺得口渴，真材實料呢。加錢（+$6）要了小食溏心滷蛋，滷水入味，蛋黃流心，好味朋友的客飯（$40）要了甜酸魚塊，拍拍青瓜，肉燥飯，客飯仲包餐飲，一次過有咁多野食真係好抵食魚塊嫩滑，甜甜酸酸的醬汁很好下飯，青瓜爽脆，肉燥略乾了點，但都OK的。再黎一個雙併湯餃（$41），同樣要了鮮魚湯。椰菜木耳鮮肉餃，椰菜同木耳都有咬口，食落很爽，餃子吸滿了湯汁好正，鮮甜無比。紫菜三鮮餃，此餃較軟身，吸了湯汁後變成紫菜鮮魚湯，散發著紫菜獨有的味道，同樣很好味。個人較喜歡椰菜餃，朋友則喜歡紫菜餃，兩者各有特色，下次都係會叫雙併叫得太多，飽到上心口，食完全餐飯都無飲過杯水，果然不會口渴
繼續閱讀