影片
電話號碼
+853 82908628
開飯介紹
獲獎無數的丹桂軒是著名的高級粵菜食府；不論是粵式點心，還是巧手小菜同樣格調高雅。
繼續閱讀
營業時間
今日營業
10:30 - 23:00
星期一至日
10:30 - 23:00
*星期一至五點心供應至15:00; 星期六至日點心供應至16:00
以上資料只供參考, 請與餐廳確認詳情
招牌菜
生日前夕，想食一餐好嘢，晚飯時間，選擇了丹桂軒，丹桂軒是數一數二出名的中菜廳，名氣同食物質素絕對有保證，今次一行四人，加一位小朋友，原本想叫小菜，殊不知居然有火鍋放題，性價比極高，四位還送片皮鴨一隻，相當超值，片皮鴨一來到，職員便幫我們處理片皮鴨，一片一片切好，放上載有蝦片的碟上，另外骨同肉再配涼瓜炒，因為有小朋友，另外再點了一個丹桂豬手煲，拌飯一流，與此同時，火鍋湯底亦都到，我點了個麻辣湯底，湯底絕對合格，火鍋配料亦陸陸續續送到，火鍋放題，仲包每位一次的刺身及海鮮，所有海鮮非常新鮮，蝦還在動，其他配料亦相當到位，整體評分90分以上，烚吓烚吓又過了一個愉快的晚上
繼續閱讀
蝦餃必食，新鮮大隻，加左筍粒更爽口叉燒腸粉，皮夠薄，特別加左香茜更好味炸雲吞我最愛，皮薄香脆蝦又爽鐵觀音，好清香茶，有蠟燭爐令茶保持熱環境舒適唔迫整體樣樣都好好味，同樣價錢，好難在香港食到咁有水準的點心
繼續閱讀
任食火煱$368全包。一人一爐，醬料飲品服務費全包了。二位送剌身，都好新鲜。見到其他人食片皮鴨仲正，四位以上先有得送。打邊爐最緊要肉肉同海鲜，款式都好多好新鲜。
繼續閱讀
男伴最次休假，我都最喜歡到丹桂軒飲茶，它的價格不比老店高但選擇又多而且更會定期轉換新款式，每次來都有驚喜兩個人來就算吃得不多，但它的款式上也有雙併，造樣就可以多吃到幾款而且每次來都一定要訂位，不然是要等的啦
繼續閱讀
原來都有超過一年無人寫呢間店既食評, 難得食貴野(其實有$1000現金券先去食), 一行四人但有個食好少, 份量當3.5個人吧.... 環境唔駛講都知富麗堂煌, 先上桌的是一壼茶同一碟辣醬三拼, 我只食左中間黃色的辣醬, 勁辣但好好味!!! 少少甜酸, 好似有果味, 淨食或撈飯都一流! 不過淨食真係幾辣...嗌左三碗羹, 我畀餐牌既相呃左, 相中係一大舊蟹鉗肉響中間, 就係畀呢舊蟹肉引誘左, 點知上到檯碎晒既!!!! 味道異常之普通, 各位屋企罐頭加蛋花都整到, 無蟹肉味, 好失望, 早知叫友人既韮王瑤柱羹, 不過無試過味唔知了... 跟手黎個主角, 北京片皮鴨, 當然黎個專人表演先啦! 刀功真係一流, 快靚正! 都好在唔係京式切法, 一小條片加大大片肉, 我最不喜... 因為阿姐刀功勁, 每塊皮都完全不連肉, 隻鴨又唔肥, 竟然完全無肥膏, 一D都唔油唔騷, 入口還暖暖地少少脆, 激讚! 好味過我食過既片皮鴨, 包括北京的全聚德, 那很騷的.... 有兩大籠蒸皮, 唔怕唔夠皮, 都還係熱同軟的... 墊底的蝦片就冇乜味了...因為係片皮鴨二食, 個殼拎左去用西芹炒, 估唔到廚房佬可以超極速起肉切絲炒起.... 味道一般般, 只能說鴨有鴨味吧... 西芹仲以為大大塊, 點知係絲黎既! 奀支支仲有渣, 差! 另一道推介菜, 火焰醉翁蝦, 我一見到時已經係咁樣, 未見過玻璃兜, 無表演睇添! 蝦就新鮮彈牙嫩口, 可惜唔多覺有酒味, 要講嫩還是雅憩的桑拿蝦最頂級! 不過佢有用蔥煮過的豉油, 都幾好味...大澳及三姐名菜竟然響呢度出現, 窩貼小棠菜, 蝦膠味, 不太濃, 嫩口, 沒有油益味, 粉漿也貼實蝦膠, 只能說不錯...越簡單既菜色就越難整得好食, 尤其淡味食物, 食到質素高好好味既瑤柱蛋白炒飯真係好難, 見咁貴酒家諗住應該手勢好掂啦! 整到好食機會高D, 所以點都要嗌, 可惜好失望.... 瑤柱係還好嫩口, 沒有畀油泡過既迹象, 蔥粒又極少, 即係成碟飯唔夠香口! 蛋白一舊舊, 即係落蛋兜果野唔多快手, 一係無熄火落蛋白... 味道真係分開飯還飯, 蛋白還蛋白... 唯一好處係飯粒乾身, 基本要求吧...最後的是甜品, 就係要豪一豪, 主畀付費都係得呢個, 每人一個, 都係極為失望之作... 本身個木瓜味道比較弱, 二來杏汁都算幾甜, 飲完甜野食生果, 乜生果都唔甜啦! 兩樣野根本唔夾! 但係杏汁係好味既, 好香杏仁味, 但沒有杏仁討厭的臭臭味, 我本身因為呢種臭臭味就係唔喜食杏仁的, 但呢個OK....總括而言, 呢餐用埋星際卡有9折, 正路人均消費$378, 唔食環境只食味道的話, 呢度完全唔值... 最多只係為隻鴨黎...
繼續閱讀
您可能會有興趣的...