影片
付款方式
以上資料只供參考, 請與餐廳確認詳情
今日搵食搵到將軍澳寶琳站。和朋友行街行到攰，最後選了這一間揾食工房。 餐廳空間座位舒適闊落，職員友善親切。餐廳的餐牌選擇類型非常多，有中式西式及港式。由輕食到主食到鐵板，總有一款岩你食。1.焗印度皇室咖喱海鮮（ $65 ）非常喜歡他們的焗飯，非常多汁，且非常惹味。他們的海鮮種類非常多，有青口、蝦仁、魚柳、和扇貝。飯底用上蛋絲炒飯底，配上濃濃的咖喱汁，非常惹味。2.法蘭西多士（ $25 ）他們的西多士有三款選擇，這次我選擇了我最愛的法蘭西多士，用上滿滿的花生醬粗粒夾製而成，多士炸到香脆內軟，且金黃色。非常邪惡之選，不能抗拒。3.蜜糖芥末脆炸雞翼配薯條（ $43 ）輕食有三款雞翼供選擇，這一次我選擇了他們的芥末蜜糖雞翼，他們還有黑松露及水牛雞翼。雞翼煎得香脆，且芥末醬汁濃郁，配上金黃酥脆的邪惡薯條，正。4.新潮醬香咖啡（+$9）茶餐廳都加設了醬香咖啡，除了有香濃的咖啡香氣，還充滿了滿滿的醬香味道，愛酒和愛啡之人必試，有點像瑞幸咖啡。
繼續閱讀
今日睇完中醫已經好夜，有藉口做「無飯」主婦，叫老公一齊係附近食。老公見商場有新店，就話要試。餐店新淨企理，環境光猛，開放式門口，好闊落。裏面有唔少座位，整齊舒適。選擇類別多，有炒粉麵、焗飯、意大利麵/飯西式燴飯、印度咖喱、鐵板、薄餅、輕盈小食、沙律等。我地都好耐無食過鐵板，兒時回憶….鐵板餐配餐湯、多士和熱飲。我地都揀羅宋湯（$0/跟餐），暖笠笠上枱，味道香濃，酸酸地有啲辣，好惹味！仲有好多蔬菜，用料好足，多飲又好食，喜歡！餐湯配牛油厚多士（$0/跟餐），香口軟熟，塗滿牛油，啖啖鹹香。餐飲揀咗熱柚子蜜和檸蜜（$0/跟餐），兩杯都落足料，酸酸甜甜，好滋潤。老公大食，要工房經典鐵板美式雜扒配意粉（$108），有齊豬扒、 牛扒、雞扒、 香草豬肉腸和煙肉，全部肉肉肉，疊到高高高，大滿足！豐富飽肚之選。先淋上燒汁，「喳喳」聲係鐵板餐嘅標記….. 意粉唔會太乾身，配上燒汁，鹹香美味。各款扒類都啖啖肉，肉嫩鹹香，仲有啲焦香，特別鍾意牛扒和雞扒。我要咗鐵板香煎蘇格蘭三文魚拼意式扒雜菜配薯菜和蒜蓉汁（$93 ），全個焗薯好粉綿，有薯香。三文魚煎至皮脆肉嫩，有魚油香，幾肥美，質素不錯。雜菜都幾多款，有翠肉瓜、茄子、番茄、西蘭花等，新鮮爽嫩。另要碟大蝦凱撒雜菜沙律拌脆炸巴馬火腿（$68），色彩吸引。大蝦沾粉香煎，微脆彈牙；雜菜沙律新鮮爽嫩，配上凱撒醬更好味，唯一是脆炸巴馬火腿乾硬了一點…
繼續閱讀
寶琳🆕茶餐廳【揾食工坊】就喺mcp central商場內中午12點就已經唔少人喺出面排隊的確係幾唔錯嘅👍-有好多西餐嘢 鐵板扒 意粉 pizza等 應有盡有🍝有邪惡嘅芫茜青醬軟殼蟹意粉🤓幫大家試左，冇伏，芫茜味唔濃，只係顏色夠綠夠健康🤓味道算係ok嘅，軟殼蟹我就食唔慣了🍕pizza好足料！餅底就一般啦，不過料堆到一座小山咁高😂😂🍽️芝士🧀西多士一切開就見到芝士流出黎🍹飲品好大杯 ！cheers~總結👍呢間係可以一試！如果住附近or啱好喺附近揾嘢食，都算係比較平價嘅西餐之選黎
繼續閱讀
Tko 茶餐廳有唔少 呢間食完真係會再嚟一個星期食咗三次 屋企人都好鍾意 主要原因係 食物選擇多 好食份量比較大 環境乾淨舒服早午晚餐都有 有鐵板餐 常餐 三文治 真係包羅萬有 最緊要 食物比較有誠意地鐵站行過嚟幾分鐘 焗豬扒飯 豬扒夠晒厚 又淋炒飯底 粒粒分明 芝士拉絲 呢個組合一定好食 相信我！食全日早餐 唔一定要百幾蚊 去cafe50幾蚊都有一份 炸魚柳，外脆內軟 有薯餅，炒蛋煙肉 夠晒足料當然要加一杯凍檸茶 就一流 瞓晏啲都可以食早餐朋友揀咗嘅奶茶紅豆冰 幾正奶茶好香滑
繼續閱讀
位於將軍澳新都城❣︎搵食工房❣︎係一間西式茶餐廳，款式種類多，而且價錢貼地，裝修舒服簡約，侍應服務好上菜又快👍🏻將軍澳居民以後又多一個飯堂選擇了。❣︎黑松露鹹蛋黃雞翼配沙律❣︎$43雞翼即叫即炸😋👍🏻入口啖啖嘅鹹蛋黃醬加埋黑松露嘅香氣，真係超滋味濃郁👍🏻配埋雜果沙律解膩一流。❣︎阿拉斯加煙三文魚意大利薄餅❣︎$95Pizza size 有成10吋，配料有西西里茄蓉，煙三文魚，羅勒葉，蘑菇片，雜椒絲同芝士，配料豐富，餅底香脆。❣︎鐵板極尚紐約封門柳❣︎$153必食推介😋👍🏻封門柳肉味極濃郁，入口非常軟嫩，用鐵板上仲聽到炸炸聲😍配菜重有新鮮秋葵，意粉同車厘茄👍🏻套餐會跟埋餐湯同牛油厚多添。❣︎阿華田雲朵❣︎套餐+$9必飲推介😋👍🏻面層打左忌廉做成雲朵⛅️效果，再灑上阿華田粉，超靚😍味道濃郁香滑好好飲。❣︎熱情果檸檬梳打❣︎套餐+$9味道酸酸甜甜，口感非常清新解渴。
繼續閱讀