影片
更多
2025-01-12
262 瀏覽
今日睇完中醫已經好夜，有藉口做「無飯」主婦，叫老公一齊係附近食。老公見商場有新店，就話要試。餐店新淨企理，環境光猛，開放式門口，好闊落。裏面有唔少座位，整齊舒適。選擇類別多，有炒粉麵、焗飯、意大利麵/飯西式燴飯、印度咖喱、鐵板、薄餅、輕盈小食、沙律等。我地都好耐無食過鐵板，兒時回憶….鐵板餐配餐湯、多士和熱飲。我地都揀羅宋湯（$0/跟餐），暖笠笠上枱，味道香濃，酸酸地有啲辣，好惹味！仲有好多蔬菜，用料好足，多飲又好食，喜歡！餐湯配牛油厚多士（$0/跟餐），香口軟熟，塗滿牛油，啖啖鹹香。餐飲揀咗熱柚子蜜和檸蜜（$0/跟餐），兩杯都落足料，酸酸甜甜，好滋潤。老公大食，要工房經典鐵板美式雜扒配意粉（$108），有齊豬扒、 牛扒、雞扒、 香草豬肉腸和煙肉，全部肉肉肉，疊到高高高，大滿足！豐富飽肚之選。先淋上燒汁，「喳喳」聲係鐵板餐嘅標記….. 意粉唔會太乾身，配上燒汁，鹹香美味。各款扒類都啖啖肉，肉嫩鹹香，仲有啲焦香，特別鍾意牛扒和雞扒。我要咗鐵板香煎蘇格蘭三文魚拼意式扒雜菜配薯菜和蒜蓉汁（$93 ），全個焗薯好粉綿，有薯香。三文魚煎至皮脆肉嫩，有魚油香，幾肥美，質素不錯。雜菜都幾多款，有翠肉
餐店新淨企理，環境光猛，開放式門口，好闊落。裏面有唔少座位，整齊舒適。
選擇類別多，有炒粉麵、焗飯、意大利麵/飯西式燴飯、印度咖喱、鐵板、薄餅、輕盈小食、沙律等。
羅宋湯
0 瀏覽
0 讚好
0 留言
我地都好耐無食過鐵板，兒時回憶….鐵板餐配餐湯、多士和熱飲。我地都揀羅宋湯（$0/跟餐），暖笠笠上枱，味道香濃，酸酸地有啲辣，好惹味！仲有好多蔬菜，用料好足，多飲又好食，喜歡！
牛油厚多士
0 瀏覽
0 讚好
0 留言
熱柚子蜜和檸蜜
4 瀏覽
0 讚好
0 留言
工房經典鐵板美式雜扒配意粉
$108
0 瀏覽
0 讚好
0 留言
老公大食，要工房經典鐵板美式雜扒配意粉（$108），有齊豬扒、 牛扒、雞扒、 香草豬肉腸和煙肉，全部肉肉肉，疊到高高高，大滿足！豐富飽肚之選。
先淋上燒汁，「喳喳」聲係鐵板餐嘅標記….. 意粉唔會太乾身，配上燒汁，鹹香美味。各款扒類都啖啖肉，肉嫩鹹香，仲有啲焦香，特別鍾意牛扒和雞扒。
鐵板香煎蘇格蘭三文魚拼意式扒雜菜配薯菜
$93
4 瀏覽
0 讚好
0 留言
我要咗鐵板香煎蘇格蘭三文魚拼意式扒雜菜配薯菜和蒜蓉汁（$93 ），全個焗薯好粉綿，有薯香。三文魚煎至皮脆肉嫩，有魚油香，幾肥美，質素不錯。雜菜都幾多款，有翠肉瓜、茄子、番茄、西蘭花等，新鮮爽嫩。
大蝦凱撒雜菜沙律拌脆炸巴馬火腿
$68
5 瀏覽
0 讚好
0 留言
另要碟大蝦凱撒雜菜沙律拌脆炸巴馬火腿（$68），色彩吸引。大蝦沾粉香煎，微脆彈牙；雜菜沙律新鮮爽嫩，配上凱撒醬更好味，唯一是脆炸巴馬火腿乾硬了一點…
張貼
