影片
付款方式
以上資料只供參考, 請與餐廳確認詳情
今日搵食搵到將軍澳寶琳站。和朋友行街行到攰，最後選了這一間揾食工房。 餐廳空間座位舒適闊落，職員友善親切。餐廳的餐牌選擇類型非常多，有中式西式及港式。由輕食到主食到鐵板，總有一款岩你食。1.焗印度皇室咖喱海鮮（ $65 ）非常喜歡他們的焗飯，非常多汁，且非常惹味。他們的海鮮種類非常多，有青口、蝦仁、魚柳、和扇貝。飯底用上蛋絲炒飯底，配上濃濃的咖喱汁，非常惹味。2.法蘭西多士（ $25 ）他們的西多士有三款選擇，這次我選擇了我最愛的法蘭西多士，用上滿滿的花生醬粗粒夾製而成，多士炸到香脆內軟，且金黃色。非常邪惡之選，不能抗拒。3.蜜糖芥末脆炸雞翼配薯條（ $43 ）輕食有三款雞翼供選擇，這一次我選擇了他們的芥末蜜糖雞翼，他們還有黑松露及水牛雞翼。雞翼煎得香脆，且芥末醬汁濃郁，配上金黃酥脆的邪惡薯條，正。4.新潮醬香咖啡（+$9）茶餐廳都加設了醬香咖啡，除了有香濃的咖啡香氣，還充滿了滿滿的醬香味道，愛酒和愛啡之人必試，有點像瑞幸咖啡。
繼續閱讀
今日睇完中醫已經好夜，有藉口做「無飯」主婦，叫老公一齊係附近食。老公見商場有新店，就話要試。餐店新淨企理，環境光猛，開放式門口，好闊落。裏面有唔少座位，整齊舒適。選擇類別多，有炒粉麵、焗飯、意大利麵/飯西式燴飯、印度咖喱、鐵板、薄餅、輕盈小食、沙律等。我地都好耐無食過鐵板，兒時回憶….鐵板餐配餐湯、多士和熱飲。我地都揀羅宋湯（$0/跟餐），暖笠笠上枱，味道香濃，酸酸地有啲辣，好惹味！仲有好多蔬菜，用料好足，多飲又好食，喜歡！餐湯配牛油厚多士（$0/跟餐），香口軟熟，塗滿牛油，啖啖鹹香。餐飲揀咗熱柚子蜜和檸蜜（$0/跟餐），兩杯都落足料，酸酸甜甜，好滋潤。老公大食，要工房經典鐵板美式雜扒配意粉（$108），有齊豬扒、 牛扒、雞扒、 香草豬肉腸和煙肉，全部肉肉肉，疊到高高高，大滿足！豐富飽肚之選。先淋上燒汁，「喳喳」聲係鐵板餐嘅標記….. 意粉唔會太乾身，配上燒汁，鹹香美味。各款扒類都啖啖肉，肉嫩鹹香，仲有啲焦香，特別鍾意牛扒和雞扒。我要咗鐵板香煎蘇格蘭三文魚拼意式扒雜菜配薯菜和蒜蓉汁（$93 ），全個焗薯好粉綿，有薯香。三文魚煎至皮脆肉嫩，有魚油香，幾肥美，質素不錯。雜菜都幾多款，有翠肉瓜、茄子、番茄、西蘭花等，新鮮爽嫩。另要碟大蝦凱撒雜菜沙律拌脆炸巴馬火腿（$68），色彩吸引。大蝦沾粉香煎，微脆彈牙；雜菜沙律新鮮爽嫩，配上凱撒醬更好味，唯一是脆炸巴馬火腿乾硬了一點…
繼續閱讀
今日難得唔使OT, 就即刻約埋屋企人嚟搵食，呢間餐廳放工時間都幾多人等位。餐廳裝修幾光猛，整潔企理，仲有卡位，坐得舒服食物選擇幾多點咗是日晚餐-鹹蛋黃醬軟殼蟹龍蝦汁小元貝香煎腸粉呢個配搭少見，港式mix西式個腸粉煎得香脆再沾滿龍蝦汁，真係不得了，好食阿拉斯加煙三文魚意大利pizza好特別係茶餐廳有pizza食，味道竟然比得上連鎖pizza專賣店，pizza一切開好juicy啲汁漏哂出嚟，值得一試。煙三文魚凱撒沙律伴脆炸煙肉沙律菜爽口好新鮮，配埋凱撒沙律醬煙脆脆肉，而且餐廳好細心，汁是另上既，係茶餐廳健康嘅選擇，當然要健康啲就唔好落醬黑椒西冷扒拼薯菜竟然有兩塊牛扒，黑椒汁系用用原粒黑椒製成，比普通黑椒汁更惹味，薯菜係原隻焗薯配烘焙芝麻醬，大件夾抵食又飽肚。跟餐既湯同多士心鬱郁叫咗杯經典奶茶紅豆冰一杯滿足曬兩個願望：茶餐廳既奶茶同紅豆冰嘅紅豆，正。幾鐘意呢間餐廳，坐得舒服企理嘢食大份，有特色，價錢唔算貴，值得一試。
繼續閱讀
呢日黎到新都城呢間揾食工房揾食! 入到黎店員就叫我地坐卡位,都坐得幾舒服, 好快咁睇完餐牌就落左單~ 我地叫左個排餐要T骨, 一個排餐要豬手, 另外仲叫左豬排湯通粉同咸牛蛋治! T 骨排餐份量好多, 仲配埋個汁添, 落左汁就係至至聲~ T骨都幾有牛味, 唔錯! 咸豬手份量都唔少, 又係好好食! 鐵板上面配左D 蔬菜,都係夠哂香口好食! 豬排湯通粉都好好食, 件豬排好大舊! 個湯都幾好飲! 咸牛蛋治調味一流! 好好食! 呢間餐廳都幾高質, 唔怪得知都多人食!
繼續閱讀
鐵板極尚紐約封門柳：係將軍澳門店先有！🐮上等封门柳喺鐵板上高溫快煎，外焦內嫩，🥩牛肉肉汁滿溢，搭配秘製醬汁，鬆軟可口。升級丹麥厚多士：丹麥多士外皮香脆，🍞內裡松軟，層次分明，每一層都浸滿淡淡嘅牛油香，😙口感豐富。重口味邪惡咸蛋黃醬芫茜醬蝦球意大利麵配軟殼蟹：創意融合，🦐蝦球鮮嫩彈牙，搭配獨特嘅鹹蛋黃醬同芫茜醬，意大利麵🍝均匀裹住醬汁，再加上酥脆嘅軟殼蟹，🦀脆卟卟嘅質感好好食！#將軍澳美食
繼續閱讀