影片
營業時間
今日營業
11:00 - 22:30
星期一至五
11:00 - 22:30
星期六至日
10:30 - 22:30
公眾假期
10:30 - 22:30
以上資料只供參考, 請與餐廳確認詳情
《用心高質文青cafe❤️》———————————————-#Owens 🌿-最近發現將軍澳原來新開開咗呢一間文青Cafe，裝修走木系風格，食物質素都唔錯，尤其甜品相當出色！服務態度真係超級好，安排座位同埋上菜都好細心🤗-2人餐都幾抵食，包咗一款頭盤、是日餐湯/沙律、2款主菜、甜品同飲品，仲可以以優惠價加購小食同甜品🍮-🦪 蒜蓉/芝士焗生蠔揀了各2種口味焗蠔，大大隻焗得剛好熟不會水汪汪。蒜蓉夠味好香口，芝士味好creamy又好夾🧡-🌊 牛油大蜆職員介紹係新菜式，蜆肉好大粒，牛油煮過特別甜美香滑-🐟 香煎挪威三文魚扒三文魚扒外皮香脆，魚肉鮮嫩～-🖤 帶子墨魚汁意大利粉唔好睇佢黑蚊蚊，但係超正，墨魚味非常香濃，配搭扁意粉夠哂掛汁，而帶子大大粒，正👍🏻-🧇 牛角窩夫跟餐本身跟咗呢款甜品，mini 窩夫配搭雪糕同色彩繽紛嘅糖粒，簡單得嚟又幾好食🤤-🩶 伯爵茶麻糬卷蛋 賣相好靚，打卡一流📸 底下係非常濃味嘅伯爵茶，加埋口感軟糯嘅麻糬，絕對唔會輸🤣-🤎 Tiramisu 甜品更加係無得輸，份量都幾大杯☺️ 咖啡香味濃郁，質地幼滑，充滿酒香，層次相當豐富😆-🍌抵deal 指數：8/10
繼續閱讀
食過太子總店Owens，覺得非常好食，知道將軍澳區都開咗間新店，地點更近我，就立即去試下。2人餐比較抵食 $408包一款小食，是日餐湯/沙律，2款主菜，甜品及飲品。🩵蒜蓉 /芝士焗生蠔（4隻）揀了各2種口味焗蠔，大大隻焗得剛好熟不會水汪汪。蒜蓉夠味好香口，芝士味好creamy又好夾。🩵蜜糖柚子雞翼（4隻）另加$38雞翼香口不油膩，咬落仲係好脆。🩵牛油大蜆職員介紹係新菜式，蜆肉好大粒，牛油煮過特別甜美香滑。🩵北海道帶子墨魚汁意大利粉🩵美國安格斯肉眼牛扒(5成)主菜做得不錯，三粒帶子煎得雙面焦香，意粉麵質彈牙，墨汁剛好掛麵，不會過於濃稠濃味。肉眼牛扒剛好5成熟，粉嫩有牛香。🩵牛角窩夫配雪糕套餐配的甜品，窩夫細細份配雪糕剛好滿足食甜甜品的心，仲有彩色糖粒，色彩繽紛。套餐加配小食同甜品較抵，我哋3個人每人一份甜品，估唔到cafe做嘅甜品比蛋糕店出色！開心果麻糬提拉米蘇係必點，開心果香味軟滑醇厚，估唔到同tiramisu可以咁夾。紫薯芋泥麻糬卷蛋粉粉嫩嫩咁，又靚又好味。🩵開心果麻糬提拉米蘇 $48🩵自家製蛋糕-紫薯芋泥麻糬卷蛋 $38🩵海鹽焦糖鮮奶咖啡 @$21🩵玫瑰鮮奶咖啡 @$21高質的cafe，首先咖啡一定要好飲，每樣餐品都係好食，特別甜品好出色。價格親民，影相打卡都好靚，環境闊落坐得舒適，休閑感覺好放鬆。不得不提，職員非常友善，我哋有小朋友，職員送咗杯果汁俾小朋友飲，收碟斟水都好爽手。
繼續閱讀
以高質甜品聞名的太子咖啡店 ᴏᴡᴇɴs最近驚喜在將軍澳開設新分店將軍澳居民的 ᴍᴇ 在開業頭幾天已經在ғᴀᴄᴇʙᴏᴏᴋ群組看見不少好評馬上來個探店ᴏᴡᴇɴs 位於將軍澳中心尾端位置裝修風格與太子店相近 都是溫暖的木系空間跟餐桌都較為擠擁 客滿時環境會較嘈雜呢餐點一如以往供應多款西餐 小食還有多款招牌甜點晚市會有性價比較高的ᴅɪɴɴᴇʀ sᴇᴛ可以優惠價加配各款小食跟甜品𓋪 意式芝士肉醬焗千層麵𓋪 牛油果大蝦黑醋沙律因為要留肚吃甜品就點了沙律跟千層麵分享沙律菜跟牛油果新鮮 配上濃稠的黑醋口感微甜又不酸 吃著很開胃千層麵中間夾着軟綿的薯蓉跟茄子吃完也不會有飽膩的感覺 相當滿足𓋪 脆炸魷魚鬚𓋪 意式白酒煮蜆晚餐可以 $𝟸𝟾 - $𝟹𝟾 加配各式小食炸得外脆內軟的魷魚鬚十分惹味我最愛的煮蜆 蜆肉也相當鮮甜ᴊᴜɪᴄʏ白酒酒香也相當有存在感𓋪 開心果麻糬提拉米蘇𓋪 紫薯芋泥麻糬卷蛋重頭戲甜品環節 每桌必點有提拉米蘇大熱的開心果忌廉口味香濃帶 ᴄʀᴇᴀᴍʏ底下軟糯ǫ 彈的麻糬為口感加了不少分比起傳統咖啡味 我更愛開心果口味另外一款卷蛋也是人氣商品賣相已很 ɪɢ-ᴀʙʟᴇ 芋泥綿密帶微甜中間還有大大顆的麻糬基本上點任何一個甜品也不會雷𓎾 鮮奶咖啡𓎾 美式咖啡拿鐵口感順滑 晚餐享用也不會太濃的口味即使單點也不貴 在區內實屬難得 太子店的好評一直伸延至將軍澳店從食物質素和服務態度也看出店家的熱誠聽到其實有不少常客也特地來捧場：）期待之後在不同地區開更多分店呢
繼續閱讀
靚甜品，係永遠嘅加分位。位於將軍澳中心嘅”Owens”全新開幕，其實之前食過太子現店，當時甜品係焦糖燉蛋。今次嚟到新店，甜品誇張十倍。不過先講基本嘢，Set dinner百零蚊起，已包沙律/湯和飲品，非常親民。當然，可以再加少少錢，食埋傳說級嘅甜品。熱榛子朱古力 (set+$18)熱玫瑰鮮奶咖啡 (set+$21)雖然要加錢，但兩杯熱飲都做到佢要嘅功能，而且拉花相當漂亮。是日沙律/是日餐湯 - 餐湯蘑菇味非常明顯，質感頗厚身，沙律正常發揮。細白酒蜆 (set+$38) - 話就話細，其實份量唔算少，蜆係非常大隻，亦有酒味。黃金蟹肉意大利飯 set $138 - 面頭嘅蟹蓋本來已經好多蟹肉，但risotto仍然好有蟹味，但佢最突出嘅味道其實係鹹蛋黃，係食到顆粒感，相當惹味。德國脆皮鹹豬手 set $198 - 餐廳signature之一。脆皮非常脆，亦唔會太大件，鹹豬手肉亦唔會好咸，唔會太嚡口，整體嚟講唔輸蝕比德式餐廳嘅出品。伯爵茶麻糬卷蛋 set+$38本店名物之一，漂亮誇張嘅外觀底下係非常濃味嘅伯爵茶(係聞都聞到)，加上麻糬，其實已經係一件唔會輸嘅甜品…可惜佢遇到…開心果麻糬提拉米蘇 set+$48呢個簡直係傳說級甜品。先唔講佢表面鋪滿極多嘅開心果，同表面嘅開心果醬。下邊係充滿咖啡香嘅Tiramisu，咖啡味/酒味都可以聞得到，仲未夠癲？佢嘅底層係由麻糬組成。可以話，佢係充滿無限嘅味道同質感，係真正終極甜品。除非非常拮据，否則呢$48一定要加。屈機嘅甜品，性價比極高嘅set dinner，係佢最大優點。另外要讚嘅係佢嘅服務。佢並冇因為新店而亂晒籠，反而由入座到上菜都井然有序，服務員都顯得好有信心同效率，已經唔似係新店了。
繼續閱讀
🍱餐廳：Owens(將軍澳)🏫地址：將軍澳唐德街9號將軍澳中心1樓135A號舖今晚同老公又係揀地點非常方便的將軍澳中心嘅Owens開餐，唔單止嘢食好味，招呼亦非常週到，老公話下次會再嚟幫襯🥰🥰～法式龍蝦湯真材實料，有龍蝦肉，湯底濃郁，口感綿密，正呀😍～蒜蓉及芝士焗生蠔兩款味道每樣各人都試一隻，大大隻嘅生蠔焗得剛好，不會水汪汪，好味道👍～脆炸魷魚鬚必點嘅小食啦．外面炸得酥脆，内裡嘅魷魚鬚爽口彈牙😋～露絲瑪莉香草燒羊架有三大件，燒得剛剛好．羊架外面微焦 ，內裡仍保持微粉紅色，肉質鮮嫩，另外有很多配菜如薯仔、蕃茄仔同西蘭花，份量相當之多，終於啲薯仔要打包留返聽日晏晝食啦😊～德國脆皮鹹豬手外皮酥脆，內裡肉質鮮嫩多汁，有調味適中的香料，帶來豐富的口感層次，而且份量足，值得一試🥰～開心果麻糬提拉米蘇之前喺太子分店食過便愛上了這款麻糬甜品，一於再食，揀咗我最鍾意嘅開心果麻糬提拉米蘇一齊分享，真係好鍾意麻糬的嚼勁口感，又唔會太甜，食完超滿足❤️～飲品我哋揀咗熱香茅生檸蜜和蜜桃乳酪。前者結合了茶香和檸檬的清新，呢類熱飲我最啱；老公梗係鍾意蜜桃乳酪，話佢清爽又滋味😋將軍澳呢間分店又大又靚，除咗整體食物質素高外，全間餐廳嘅職員都係微微笑的．真係食得好開心，第日一定會再來呢😍
繼續閱讀