影片
港鐵尖沙咀/尖東站 B2 出口, 步行約3分鐘
繼續閱讀
營業時間
星期一至日
12:00 - 00:00
以上資料只供參考, 請與餐廳確認詳情
最近，我想約個在尖沙咀工作的朋友，到厚福街的古惑仔主題茶餐廳 <友情歲月古惑仔漫畫主題冰室> 食晚飯，正想 Send Openrice link 給朋友，才得知已結業！ 意想不到竟然未夠1年就結業！在半年前，當我看到朋友的 社交平台 post，才得知這間有噱頭的主題茶記！當時，趁試業期有8折，專登走去幫襯！第二次是7月，無機會第三次，真可惜！走到尖沙咀厚福街單數那邊，沿樓梯行上一層，一上到去，見到立體的漫畫角色！由餐廳門面到店內，到處都是打卡位！友情歲月：大頭仔、大天二、陳浩南、山雞、包皮起初，見到朋友的 社交平台post，提及到餐具頗舊，有見及此！我帶定膠餐具，送上來的餐具算新淨！其實！去洗手間都可以好治癒呀！ 的確滿足視覺多於味覺嘅主題新茶餐廳！連店員們的制服背後，都有角色名：細細粒、白靈、金毛虎...店員們不論男女服務態度都好好！給人感覺以客為先！供應食物多元化，中西美食一應俱全！ 價位屬中價，有些甚至偏貴！ 午餐：賽螃蟹炆伊麵 $88其實我叫黑松露炆伊麵，無留意落錯打錯單，上枱先知俾錯咗賽螃蟹炆伊麵啊！見賣相幾吸引就唔轉嘞！店方落咗蛋白、蝦、小帶子、蟹籽、生雞蛋、蜜糖豆小帶子表面熟，這裡半生熟的；蝦都爽口的，卻是味道稍欠， 蜜糖豆口感清爽，芡汁令伊麵夠入味！奶茶紅豆冰 $28先論賣相，奶茶、花奶、紅豆，層次分明！由上而下，細碎的冰粒算是少冰，奶茶味薄弱，紅豆煮得夠軟腍又甜美，略嫌偏甜；攪拌後，整體依然過甜！食完我都未飽，叫咗甜品！ 想叫柚子梳乎厘，可惜只得一款，別無他選的檸檬芝士餅！甜品：檸檬芝士餅 $42檸檬表層清酸，芝士部份略為軟身，有些少牛油羶味！曲奇餅底偏硬！似是出面交貨，我覺得西餅店及咖啡連鎖店貨色比這裡更好！趁試業期有8折，走去幫襯，看看其質素，就算質素不理想，也不會覺得太貴嘛！下午茶：水靈流奶 $32這是阿華田淡奶西多士，厚厚的西多士，沾上蛋漿炸至金黃色！表面淋上淡奶，加上阿華田粉，帶出其朱古力香氣！ 輕輕切開，阿華田淡奶即時澎湃地流下來！兩者港式美食創新配搭無得輸！我大佬係耶穌 原價 $68 跟下午茶餐 +$12未嚐黑芝麻鮮奶，散發芝麻香，芝麻味輕微，入口香滑細膩順喉！剛剛夠甜！ 底部的黑芝麻粉也好幼細！
繼續閱讀
古惑仔冰室轉咗做泰國菜。昨晚走去試食。九點後入場可享有八折。橫裝同以前一樣。點咗炒金邊粉，泰式珍多冰及泰式椰汁西米糕。炒金邊粉係員工推介。我真係未食過炒金邊粉。湯河金邊粉就食得多。炒金邊粉有點蕃茄酸味。加入花生碎粒。滋味無窮。加上有海鮮大蝦配料。再加入少許青檬汁，泰式帶有甜酸味。好開胃。外圍係蛋包金邊粉。混入就非常美味。從來未食過泰式炒金邊粉。泰式珍多冰，平平無奇，椰汁奶加碎冰再加七彩啫喱。至於個西米糕。造到泰式口味。埋單只係$129。算合格。
繼續閱讀
一個人係尖沙咀搵間茶記食個飯，成日經過呢間古惑仔做主題嘅冰室，諗住懷免下70，80後回憶，終於上去試，點知瀨晒嘢。叫左個午餐吉列流心雞柳跟飯，其實即係炸雞扒飯加隻煎旦，成個飯又乾又硬，得果幾滴茄汁做裝飾，我覺得其實比心機做好啲食物，總好過攪咁多門面野，因為起碼我唔會再返頭幫襯，完。
繼續閱讀
_____好味指數：🌟🌟🌟🌟抵食指數：🤑🤑🤑呢間餐廳點都要嚟朝下聖！古惑仔主題啲回憶返晒黎，入到去裝修都好用心，有好多古惑仔漫畫同電影嘅裝飾品，好多打卡位！連廁所都可以打添。店內空間都大，坐得幾舒服✅吉列流心雞胸蛋包飯如果你覺得呢度只係賣情懷咁就錯啦，本身都係抱着試試無妨嘅心態嚟食，但佢哋嘅嘢食都好出色。首先見到咁大塊炸雞胸已經好有食慾，然後一切開入面啲芝士流晒出嚟，而且雖然係雞胸但一啲都唔韌，有種慢煮嘅嫩滑，加埋芝士真係又邪惡又滿足。佢地嘅炒蛋比其他茶餐廳嘅會結實啲，口感都好好
繼續閱讀
經過好多次，今日先第一次入去食😂同想像中都幾大分別🤏🏻鐵板雞扒餐 $100幾（唔記得咗幾多錢）上枱嗰陣仲燒緊，好正👍🏻但係個雞太鹹了😭睇落去真係好好食，好晒😭師傅唔該唔好落咁重手🙏🏻佢個鐵板餐可以揀要飯意粉沙律或者薯角，我哋揀咗飯，都幾多下。配菜佢有寫明喺餐牌上，加分👍🏻翠玉瓜同蕃茄可能可以比多一兩舊，因為個汁、油、肉都幾膩下～跟餐送紅豆冰 $0甜度啱啱好，紅豆冰細細粒，用吸管都飲到，方便👍🏻第一次見紅豆冰用幼身高杯裝，都幾新奇😂本身以為上到去就係黑白色，跟住一堆poster，但就同一般茶記差唔多，係靚啲嘅茶記😂多數都係卡位，枱上面印着古惑仔嗰啲人。其他餐嘅價錢都好茶記，見到個煉奶阿華田西多士幾吸引，今次太飽就冇試，下次有機會試吓～侍應都幾好，見到我哋整跌刀叉都即刻過嚟幫手🥰
繼續閱讀