影片
港鐵尖沙咀/尖東站 L1 出口, 步行約2分鐘
繼續閱讀
電話號碼
23691111
開飯介紹
該餐廳提供正宗的中國美食、屢獲大獎的點心及多款優質中國茶。暖色木質牆板和天然絲質牆飾，充分體現濃郁的東方風情。天寶閣更提供季節時令菜式，以精選新鮮時蔬、肉類及海鮮，配以各款精選茶品。
繼續閱讀
特色
同客食飯
適合大夥人
營業時間
今日營業
10:30 - 15:00
18:00 - 22:00
星期一至六
11:30 - 15:00
18:00 - 22:00
星期日
10:30 - 15:00
18:00 - 22:00
公眾假期
10:30 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
食評 (178)
今日約咗個好耐冇見嘅auntie飲茶，佢建議嚟呢度，未入餐廳已經俾出面嘅佈置吸引住，好中國化、勁中國𠪴史feel, 有啲以為自己去咗文化博物館！🤣🤣我一向都覺得獨享一個灌湯餃好奢侈，特別係呢個得獎點心：$128一隻嘅天寶灌湯餃。今日最快上嘅點心就係呢個！一人一隻😂😂👍🏼👍🏼。湯鮮甜，夠哂熱👍🏼，用料上乘（有相為證），真係溫度、味道、速度都整哂。😂經典點心蝦餃同燒賣當然唔少得，熱辣辣、大大隻、好好味。後面籠蝦餃咁濛，係因為啲蒸氣湧上來嘅真實情況。😂唔好睇少呢籠荀尖鮮蝦餃，佢都係得獎點心嚟㗎！今日呢碟柚皮鵝掌蒸排骨，賣相似小菜，味道好，鵝掌唔會太腍，排骨蒸得啱啱好，一咬離骨，最特別係碟底嘅柚皮，懷舊又好味，啲柚皮吸收哂肉嘅汁嘅精華，超好味。😋😋呢碟雖然唔係得獎食品，都好值得一試，不過$228係有啲貴嘅！😅😅。下面呢個睇落好似炸兩嘅點心其實又係餐廳嘅得獎點心：五香脆牛腩腸粉，薄薄嘅腸粉包住脆脆嘅牛腩，認真特別兼好食。👍🏼👍🏼😋😋我見到好多枱人都叫咗一樣黑黑圓㘣包類嘅嘢，Auntie話係竹炭焗叉燒包。睇真啲，外面原來係黑色嘅菠蘿包，入面嘅叉燒，多汁、肉嫩又好味。😋😋呢個糖水係送嘅，餐單上面搵唔到！😂不過印象中好似係栗子合桃露。既滑溜又唔太甜，仲好夠熱𠻹！😋😋走嘅時候行到門口先至發現，原來呢度有一幅牆擺滿晒獎狀，其實我估佢哋仲有好多未「曬」出嚟。😂今日呢個午餐令我覺得原來點心唔係食嚟食去都係嗰啲，呢度啲點心食材正、配搭有心思、溫度夠、味道好、外觀靚。難怪攞咁多獎啦！P. S. 今餐冇機會睇到張單，不過根據餐牌價錢，同會員有七五折，大概計到人均消費。雖然睇落人均消費都幾高，但係以咁嘅質素都值得嘅！😊
繼續閱讀
朋友帶我哋&labubu 嚟呢度食，話每次嚟到，都超高水準永冇失望！果然每一碟餸菜都非常出色！竹炭叉燒包新鮮出爐，內餡超多，又燒超香，個皮又夠薄夠脆，超級好食！花膠超厚身，炆得好入味。感覺到滿滿嘅骨膠原嘅感覺。隻龍蝦又新鮮 ，肉質入口超新鮮彈牙，個汁正到不得了，帶有胡椒同埋芝士嘅味道，仲有少少指天椒嘅辣！食咁多嘢嚟返碗粉葛老火湯，成身暖笠笠，湯頭超甜超濃郁。呢度嘅廚師真係好出色整到咁多咁好味嘅餸菜出嚟！另外兩款甜品都超好味，其中一款我好推介：開心果糊係出面食唔到嘅原味道.絕無添加其他糖漿，天然好味另一款係雙皮奶，碗入面有好多唔同嘅食材，同樣係好好味！環境乾淨闊落，服務頂級!
繼續閱讀
招呼一流的天寶閣👍🏻服務態度良好。－個普通日子的晚餐，食客亦不少，氣氛熱鬧。因為中午食完自助餐嘅關係，所以大家都處於飽飽的狀態，所以點了些小菜，傾吓偈就算了😂菠蘿咕嚕肉-放上枱真係好香👍🏻上湯浸豆苗-正常發揮蔥爆銀雪魚-肉質鮮嫩👍🏻👍🏻👍🏻焗釀蟹蓋-蟹肉勁多🥰紅棗蓮子茶-非常足料滿足啊！
繼續閱讀
Restaurant Week試天寶閣（$428），門口貼咗米芝蓮，唔知點解2024點返入室內，後來上openrice先知今年冇咗一星。揀咗普洱茶（$28），點心🥧拼盤有筍尖鮮蝦餃，好大隻蝦，足料，瑤柱雞粒菠菜餃，綠色，黃橋香蔥豚肉燒餅，好鬆化，之後有天寶灌湯餃，好大隻，好飽，入面好足料，蟹🦀肉一大舊，有素翅，個湯都煲到好濃，飲清，琥珀芹香蝦球，蝦大隻爽，炸合桃香脆甜，夾, 蟹🦀肉竹笙扒菠菜苗，蟹🦀肉夠大舊，蝦🦐頭油海鮮炒飯，炒得乾身，正，楊枝甘露，多料，但芒果🥭酸
繼續閱讀
去K11想揾間好食嘅中餐廳,突然諗起喜來登內嘅天寶閣,去重温吓先😁知客理所當然嘅笑容滿面咁帶我入座. 好快侍應已招呼茶水,攞餐牌畀我睇.食粵菜當然要叫魚啦, 睇吓餐牌內有咩魚好食先？揀咗油泡星班球, 點多一客鹹魚銀魚仔蒸肉餅, 再點一味鮮淮山雞中菇煮菠菜苗. 兩個人有魚,有肉又有菜,夠晒啦😉鹹魚肉餅,有鹹魚香味但唔會過鹹,銀魚仔亦係淡口帶鮮味,肉餅肥瘦適中👍淮山雞中菇菠菜苗,三樣食材都好新鮮,清清哋🥰油泡東星班,好好味👍有六大片厚切嘅新鮮東星班魚,肉新鮮嫩滑,皮有口感...叫咗碗白飯配肉餅,連碗飯都好正,有米口香,有口感😋埋單大約$1200, 物有所值👍
繼續閱讀
您可能會有興趣的...