影片
尖沙咀港鐵站D2出口
繼續閱讀
營業時間
星期一至日
07:00 - 10:30
12:00 - 14:30
18:30 - 23:30
以上資料只供參考, 請與餐廳確認詳情
今日去了朋友公司搞的一日遊, 去完天水圍濕地公園後, 就趕去尖沙咀食 LUNCH BUFFET, 睇番單張原來BUFFET係12:00開始的, 可惜我們13:20才到達, 所以頭一小時都唔知有嘢食, 雖然預早安排的枱不是BUFFET BAR最近位置, 但都算近, 由13:20-14:30這一小時內, 餐廳都不停供應及加添食物, 尤以魚生,蒸魚,壽司及白灼蝦不停由專人分給客人, 食物都算多款式及美味, 連"龜苓膏"都有^^, 如以$108位都算OK好多款揀:龜苓膏: 味道同舖頭食差不多焗蠔 炸軟殼蟹,味道都幾好, 我仲食幾3隻添班戟: 好多料配搭,香蕉班戟又幾好味喎, 我揀咗香蕉吞拿魚饀蜆:有酒的,勁好味,夠鮮
繼續閱讀
我平日冇打食評既習慣,但係今日食完呢間既BUFFET之後,忍不住要立即上黎打食評!!!!一入到去坐低,出去行個轉,嘩!好似難民營咁…因為D食物好平民化(難聽D係好CHEAP)!!!有一半都係冷盤!一開始,有燒賣,蝦餃等等,因為實在大擠迫,太多人搶,所以好快手咁攞左野食!!!燒賣:好一般,十足阿X羅,7仔十蚊幾粒嗰D咁!蝦餃:皮太黏,一叉就皮同蝦分開左!入面既蝦好咸!!!D鹽好似唔使錢咁!!!雞:都OK,但未至於令我會再食碗仔翅:味道OK,不過D’翅’唔知去曬邊~同街邊十幾廿蚊一碗既有得揮!!過左一陣,我最愛既壽司出場,不過要排隊,喺隊尾大約等3至5分鐘先排到過去,排到去,有個男職員’serve’我地,幫我夾,每次排隊限制攞兩舊!鰻魚壽司:味道唔錯,係佢咁多壽司款式入面最好味既一款,鰻魚唔會太硬,有鰻魚味(街出面賣嗰D有時硬過石頭!);舊飯唔暖,但不至於太難食;咁當然大家要同元X相比,就唔好有太大期望啦(本人經常光顧元X)加州卷壽司:入面係一般既料,青瓜,蟹柳;入口好大陣蟹柳味;其實似食蟹柳多D….不過,以呢間酒店既食物水準黎講,呢個壽司算係入得口,算係上品!帆立貝壽司:塊縮水帆立貝淡而無味!!超唔掂!幾轉壽司之後,就係派三文魚既時候,好長人龍!!不過我唔食生野冇食到~檸檬芝士餅:賣相OK,但入口超甜!!!!好似D糖唔使錢咁要食到人有糖尿病咁!!味道係點我就唔知,我只係知道好甜,放完入口要即時飲水!朱古力CAKE:賣相好,但冇朱古力味,味道有如過期朱古力,超級怪!!好難食!!!!!啫喱:原本唔知佢係咩黎,原來係羅記啫喱..入面一粒粒既係蘆薈粟米:唔甜,呢間酒店既食物,應甜唔甜,唔應甜就甜到漏!!!完全唔甜,又冇味!唔知係咪煲過湯!!鹵水蛋:個樣幾深色下,咬落唔硬皮,仲好咸TIM!!!!!!!雞翼:個樣好深色,好靚,不過唔入味薯條,薯餅:薯條好過M記,至少有薯味唔太咸,係MOSBURGER薯條既次一等;薯餅似M記,不過呢間酒店冇M記既咁脆炸帶子:炸皮太硬,帶子太淡,一D都唔似帶子,食左一粒已經冇意欲食第2粒炸三文魚:我冇食,但我媽媽食左,佢話好好味,但因為D三文魚好多骨,食完成口都係骨!!!之後再食其他野D骨都驅之不散!!!而且仲喉嚨頂住唔上唔落!!!再過一陣,魚,蝦出場!食客聞風而至,相繼爭奪!!!場面壯觀!魚:太老,鞋既;不過有魚味~佢既肉唔鞋我會食~!蝦:個樣唔錯,好似好好味咁,但係原來只係金絮其外, 敗絮其中!!!因為係無味架!!!!!!蜆:殼仲多過肉!我冇食到,但係親戚話都幾好食!湯麵:選擇只有河粉同米線;我想要河粉,但係唔知點解明明BUFFET啱啱開始都可以冇,唯有要米線;米線還可以,牛丸似胡椒丸,龍蝦丸OK,湯底可能稟承健康原則,所以用既係滾水~但係因為一D都唔好食,最後俾左媽媽食!龜苓膏:入口好甘,少少苦味,幾好總結:職員服務態度差,對於有食物質素有少少要求既人黎講,都會覺得唔好食!!環境擠迫令人覺得似喺難民營分派食物咁,壽司三文魚刺身又要排隊!!不過以百幾蚊既質素...我媽覺得已經過得去...
繼續閱讀
以前細個住尖沙咀，都曾經去過。那時對食冇乜要求，但都覺得佢唔係好掂。因為某啲原因，最近又要去一次。間嘢其實都好多嘢食，但就唔係咁好食。第一輪三文魚唔新鮮。第二輪叫做好啲，但仍然冇乜鮮味，得雪味，如同一般超巿買既一樣。滿以為燒牛肉應該會好一點，但就好韌。帶子聖子炒蜆又熟過龍，想煮碗粉麵比囝囝食，點知可能個廚太忙，煮成碗丸但就唔記得煮粉麵，仲係用白開水嚟煮湯，好淡味。叫做好啲係個碗仔翅，但都比不上街頭間街邊小吃！廚房人數十分不足，一個廚要負責埋煮粉麵，燒串燒，切燒牛肉。好似連整班Cake都係佢。部份食客亦十分冇禮貌。有唔排隊，有推推撞撞，有响Bar枱試飲試食先攞埋位。就算有隊排，除咗排第一二個一定有之外，其他都未必有。唔係間嘢出得少，而喺第一二個可以差唔多攞晒！我同囝囝出去攞嘢食都好心驚胆跳，怕一有新嘢出啲人會失去理志咁撞親佢！最頂癮係，間嘢間唔中會叫咪話有乜限量推介，叫人出嚟排隊攞。磯燒帆立貝，心太軟，其實好多正常既Buffet已經大大方方比大家任食，使唔使限量？明係酒店Buffet，攪到間嘢好似廟街酒廊咁，想靜靜地食餐飯都唔得。間嘢雖然係酒店Buffet，但就打算打平價巿場。所以如果只想食得飽，間嘢絕對可以滿足你。但如果對食物質素有要求，就不建意這間了。
繼續閱讀
係雜誌見到有coupon, 諗住原價都要$298, 而家只須198 , 好似好抵, 咁就同朋友一齊去食生日飯點知...唔去好過去..............一個字....."差', 一生人都未試過一個咁差的自助餐。仲差個D所為既日式放題, 就算平呀, 都要KEEP番酒店既水準, 完全無, 只不過是將貨就價。首先, 講同佢BOOK位, 我月頭去BOOK, 佢問我BOOK幾時, 我話26/11, 佢竟然答我,你19/11個禮拜先BOOK, 好, 我就19/11先BOOK. BOOK完, 星期五打來DOUBLE CONFIRM, 我話OK, 跟住到昨天早上, 上午9:00再打來, 再DOUBLE CONFIRM.好似驚死你唔去咁, 仲有, 話超過10人, 要俾500訂, 先接受BOOKING, 駛唔駛咁呀??再講番D食物, 生蠔---唔好食, 連超市d 賣個D都好食過佢佢有時會出d限量食品, d人一聽到就衢曬出去, 將酒店食的環境攪到街市賣菜咁, 點解唔學下其他酒店咁一人一份呢?因有人生日, 佢會送蛋糕, 係電話到佢話個蛋糕係朱古力慕絲蛋糕, 到佢比時就比左個唔知咩的蛋糕, 仲要係出面有得攞的咁都算啦, 佢仲要係我弟送生日禮物個陣收碟, 一係就早d收, 一係就等我弟送完先收, 唔好係中途收, 佢唔覺得左住的咩?到講下d環境佢set d 位 set 到好似d 難民營咁, 可能難民營仲鬆動過佢添...行都好難行, 感覺就好似一個班房裹面有成四十幾人係度食野, 仲要拉地方出黎放到會咁... 條路真係得條罅比你行, 多個人都行唔到總之, 冇下次
繼續閱讀
亞媽的食家好友一得閒就鍾意約埋我亞媽周圍食自助餐, 由於食量不太大, 加上收入不多, 一般都會找D 百多元的來食! 本來百多元的自助餐都真係冇咩要求, 但係都唔好差成咁! 問題分餐廳及食客, 請看看以下!餐廳- 餐廳環境超級窄, 包括坐的地方及取食物的地方, 取食物及出入坐位時真係好唔方便!- 食物好一般, 魚蛋/豬扒/炸品/魯雞亦/三交魚骨, 好似游船河的餐盒!- 好焗蠔既, 不過超難食, 因為面包康多過咩!- 三文魚就長供長有, 都幾肥幾新鮮 - 個別待應冇表情, 唔想做, 扮睇你唔到!- 有個相信係經理都幾好人, 好好幫我收埋個BB車, 話開張BB椅比我, 但地方有限, 我都係唔要LU!- 收錢果個做埋煮麵及鐵板燒, 態度都幾好! 請下D食客!一入去見到取食物果度D人好似搶咁, 真係即刻想走, 可惜姨姨已坐下!坐下來她們出去取食物, 亞媽回來一邊身比人淋到成身汁! 真係由於我帶住BB, 我坐下來等食, 見到D其他人搶完好緊張咁跑回坐位..其間不停撞到人.....使唔使呀?有大部份是自由行, 係咁搶, 一隻大碟, 拿一大碟山咁高的菜! 痴線!總之, 肉又搶, 菜又搶, 咩都搶! 瘋狂! 坐我們旁邊及後面的都是香港人, 議論紛紛, O晒咀!佢地D小朋友, 唉, 裝汽水裝到亂七八糟, 真係呢! 最後, 旁邊張檯果個人仲比人踩爛埋對鞋! 死味!食碗車仔麵都好過佢, 又要搶, 又要迫, 又要比汁淋!原本每次都係我找餐廳, 因為呢次太忙, 由姨姨找, 以後幾忙都好, 都係等我D後生女睇下D食評先去食!
繼續閱讀