影片
港鐵尖沙咀/尖東站 N2 出口, 步行約3分鐘
繼續閱讀
電話號碼
56692188
營業時間
今日營業
18:00 - 04:00
星期一至日
18:00 - 04:00
以上資料只供參考, 請與餐廳確認詳情
行過寶勒卷見到呢度的燒海蝦先係$8一串，再睇Menu啲串燒都好平就入去試吓。呢度啲串燒仲可以揀BB辣，啱晒啲唔太食得辣但又想食得有少少刺激感的朋友仔。燒海蝦$8燒到個蝦殼都脆卜卜，蝦頭入面仲有少少蝦膏，蝦肉幾爽口彈牙，食得出用料新鮮。香蜜燒雞中翼$18有兩隻，燒得好香又唔乾身🥰🥰日式雞皮串$18脆脆的，好香口。西班牙黑毛豬$38肉質好juicy，醃得好香🤭🤭鹽燒厚切牛舌$29兩塊都超大塊超厚，幾淋同入味。炭燒豬頸肉$52估唔到咁爽口，點埋個醬食辣辣地，好惹味。燒雞泡魚乾$45入口熱辣辣，燒得一啲都唔乾，點埋個美乃滋醬真係最夾。司華力腸$22最簡單嘅嘢永遠係最好食，燒到個皮脆脆的。😍燒茄子$38呢個價錢就食到完條燒茄子，上面仲鋪左滿滿的蒜蓉，茄子仲keep到好水潤。肥牛日式炒拉麵$62肥牛份量都幾多，加上唔同配菜，口感同味道恰到好處，令人回味無窮。茶果靚$48個底係綠茶底，香茅味好重，配住食串燒真係好夾。呢度的食物又平又好有水準，店員又細心主動，keep 住有笑容，大推呀👍👍
繼續閱讀
同fd 行開尖沙咀, 見到呢間串燒店有新張優惠 $8隻海蝦, 於是入去試下。2個人點了唔同款的海鮮, 肉類同菜類~燒象拔蚌仔, 象拔蚌仔通常都係打邊爐或清蒸, 第一次在串燒店見到, 原來BBQ係咁鮮甜, 亦爽口唔痴牙。燒鮮生蠔, 呢個好有驚喜, 難得燒完隻蠔都啖啖肉, 蒜蓉味香濃, 連D蠔汁一齊食非常美味, 推介。燒海蝦, 雖然只是$8隻, 但用料絕不馬虎, 搣開蝦頭有膏, 蝦肉彈牙, 值得不停 ENCORE香茅燒雞全翼, 我最愛之一, 非常大隻, 燒得剛剛好外皮脆但咬落仍然有肉汁。牛柳串及安格斯一口牛, 我地特登點每款一串對比下, 2款都很不錯, 牛柳會比較淋, 而安格斯一口牛重牛味, 口感有咬口燒豬大腸, 是滷水豬大腸, 再BBQ, 外脆內軟, 充滿豬油香味!煙肉荔枝燒, 已經好少串燒店有呢款, 通常是煙肉腸仔卷, 咸香煙肉加甜荔枝中和返, 好正椒監燒賣, 呢度除左串燒, 其實仲有好多款小食&小菜, 今次試下椒監燒賣, 好香脆, 非常惹味, 配凍飲一流!燒茄子, 大大條, 火喉掌握的好好無燶邊, 食到每啖蒜蓉牛油香, 好滿足芝味大啡菇, 芝士份量剛剛好, 唔會蓋過菇味。今次主要試不同款式串燒, 朋友都覺得幾啱口味, 下次我地又會試下D小菜小食類, 例如泰式香辣蜆等。
繼續閱讀
上網睇呢間串燒係新蒲崗有分店,今次終於係尖沙咀開多間分店啦,見到做緊$8大蝦優惠, 當然入黎試下! 辣度方面,個人認為BB辣已經足夠, 因為太辣的話會cover晒食物的鮮味, 而且辣度的確有D料到!海蝦蝦肉新鮮彈牙, 而且size都非常足夠, 蝦頭更帶有甘甜的蝦膏,我一個人都已經食左5-6隻! 性價比非常高!燒蘇格蘭蟶子蟶子燒得剛剛好, 口感不會太煙韌, 鮮味十足, 表面放上蒜泥更有提鮮作用!燒茄子超級巨型,鹹度適中, 火喉都足夠, 串燒店黎講, 一定要叫燒茄子黎突顯餐廳的水準~~香蜜燒雞中翼蜜味十足, 雞翼亦很飽滿, 串燒店必點這些食物!三文魚水撥個人認為燒得over左少少, 口感係幾香脆, 但無左肉質的鮮味, 比較一般~日式炒拉麵 (肥牛)都幾大碟, 拉麵質感彈牙煙韌, 肥牛幾juicy, 放上甜甜地的醬汁, 口感幾特別~泰式生菜包生菜的確好新鮮爽脆,免治肉碎亦不會太辣,將豬肉包裹在生菜內,口感非常豐富, 呢碟係必點的~爸B豬仔脾應該係本店招牌菜, 肉質幾juicy, 調味亦不會太濃味, 都係必點菜式!香茅燒雞全翼超級大隻雞全翼, 表面燒成金黃色, 口感脆脆的, 肉質也很飽滿, 也是必點菜式!
繼續閱讀
爸B燒👻返工咁辛苦星期五晚收工即刻約埋朋友食下串燒傾下計佢地尖沙咀分店開咗無耐方便得黎又繼續咁好食咁方便以後可以黎多啲🫢.🔅燒鮮生蠔 HKD 32燒得好出色必食既係生蠔燒得好香啱啱好熟啲生蠔多汁又大隻鮮味十足食到無得彈🤭🔅燒海蝦 HKD 8佢地做緊新開幕優惠特價既海蝦一啲都唔輸蝕大大隻又唔會燒到乾哂仲要可以叫好多隻😆🔅辣汁炒魷魚 HKD 50佢地既招牌魷魚幾彈牙有咬口鍾意食辣既唔好錯過🔅燒翠玉瓜 燒菜心苗 燒韮菜燒既翠玉瓜夠多汁菜心苗都係第一次食燒又幾唔錯喎🔅燒雞全翼 日式炒烏冬燒雞翼我鍾意食全翼就更加吸引啦仲有主食叫咗個炒烏冬配料都幾多仲有紫菜碎個醬汁甜甜地幾好食😛.整體來講：出色串燒 多款抵食😚.🎈 爸B燒 (尖沙咀)尖沙咀寶勒巷1號玫瑰大廈地下E&F號舖
繼續閱讀
在這家燒烤店，食物的味道令人難以忘懷。牛肉金菇串，每一口都充滿了豐富的肉香與蔬菜的清新，令人感受到口感的層次感。泰國生菜豬肉包有新鮮的生菜、內裡包著調味豐富的豬肉餡，有香料如魚露及辣椒，讓每一口都充滿了泰國特有的風味。可以自選辣度,當店員知我不夠生菜時還主動說可以再多給我一些,真好!另一道海鮮扇貝，肉質鮮嫩，輕輕一咬，鮮美的海味瞬間在口中迸發，搭配上蒜蓉和青蔥的香氣，讓整道菜更加立體。飲品則是咸檸七,咸檸七結合了檸檬的酸味和鹽的咸味，喝下去時首先感受到的是檸檬的清香，隨後鹽的咸味。他們把咸檸弄碎了,所以還能喝到啖啖果肉。環境方面，餐廳的設計簡約而時尚，牆面以灰色為基調，配上柔和的燈光，營造出舒適的用餐氛圍。木質的桌椅讓人感到自然親切，整體氛圍輕鬆愉快，讓人不自覺地放鬆心情，享受美食。
繼續閱讀