影片
港鐵尖沙咀/尖東站 D2 出口, 步行約1分鐘
繼續閱讀
電話號碼
68232884
營業時間
星期一至日
18:00 - 00:00
以上資料只供參考, 請與餐廳確認詳情
第一次來到充滿異國風情嘅「詩房菜」新店！原本身為女主廚嘅SASA, 伙拍法國廚師GUY，為我哋烹調一頓特色法國菜！未開始食已經被周圍嘅佈置所吸引！勁多打卡位！女主廚真係花咗好多心思係環境佈置！令人有種置身於希臘愛琴海岸嘅感覺 ！超正！食物方面，全部都來自法國當地嘅新鮮食材，廚師對食物要求一絲不苟！讓我哋徹底品嘗到最地道嘅法國菜餚！再配上不同嘅美酒，簡直絕配！另外，廚師仲會因應大家嘅要求同口味，即場炮製特別菜式！用膳期間廚師亦會與食客有互動和交流，招呼殷勤熱情！
繼續閱讀
香檳帶出歡樂喜慶的氣氛，離別帶出細水長流的友誼。我們齊來為快將離開香港、開展新生活的好友送上祝福，All The Best！還記得首次到訪，令人印象深刻的大沙律，這回六人份來得剛剛好！無論酒局或一般聚會，「詩房菜」滿載果香、酸甜開胃的蜂蜜橙茶是不會錯過的！綜合紅菜頭、牛油果、芒果、車厘茄、櫻桃蘿蔔和沙律雜菜等來得清新，除了香檳，胃納徐徐地被沙律與蜂蜜橙茶打開！佐酒小食有自家製茴香、話梅車厘茄和法國的風乾腸坐鎮，正適合慢斟慢飲與細談的我們，十分貼心的準備！一看到泰美味溏心皮蛋，我的口水馬上滾動了，的確很久沒返家鄉了，小辣兼惹味的泰式海鮮醬與皮蛋變成了好朋友。這回還有旁邊的新口味！新口味裡有特選牛油配自家製松露醬，帶出香濃與滋味，好吃啊，只是麵包有點點過硬，或許我老了！當大家聽到龍蝦湯，馬上雀躍起來，再定神感受那撲鼻而來的香氣！黃色的龍蝦湯以食用花來襯托，一下子將海洋帶到田園去！「詩房菜」的龍蝦湯與別不同，湯頭十分之稠密，味蕾第一個反應是蝦和蔬菜交織出的甜，繼而感受到的是低調、溫文的蝦香，再來是咀嚼豐盛與鮮美的蝦肉，那種香與甜慢慢地在迴響著，細水流似的。如果要比喻日常接觸得到的龍蝦湯，我會以一下子的沖擊和強烈來形容，而「詩房菜」的美在展現長久的細味！這個無添加、真材實料版的龍蝦湯，光是它已令人甚為滿足了！同場主菜，多是出自「詩房菜」射鵰宴的菜式。第一道為二十四橋明月夜，以南瓜作橋替代金華火腿，將豆腐釀入南瓜洞中，灑上金華火腿蓉，入口腍甜中有鹹香、鹹香中有腍甜，清雅又趣緻！在享用二十四橋明月夜之際，鼻子被一股氣味嗆了一嗆，原來下一道菜式是洪七公秘製的炸蜈蚣，當中包括惹味的豆豉醬和辣椒，怪不得、怪不得！炸蜈蚣出場的同時，又開始了新玩意的 Tea Pairing，先品嚐來自台灣茶園的 Black Tea!這趟的蜈蚣特別肥大，加上自家製的惹味豆豉醬，既鮮甜且香濃，吃得我十分回味。愛辣的朋友們，別忘了蜈蚣下面的辣椒，椒香、微辣與豆豉香共冶一爐，不禁又要舉杯了，Cheers！當晚 Tea Pairing 有 Black Tea、Smoked Tea，還有小甜與清爽的 Mint Tea，沖茶的法寶少不得，真是大開眼界！如此這般大陣象的是乞兒雞，從賣相便可知「詩房菜」的乞兒雞不太一樣！最明顯的是沒有唐泥、反之以食用的紅米和紫米包封製作，風味截然不同！鬆開米層、剪開荷葉，衝破重重障礙，方可順利展現乞兒雞的真身 。如在馬槽的安睡的乞兒雞，無論賣相和味道都比上回射鵰宴更加出色！雞的肉質嫩滑不老，散發出柔和的蒜香，叫人食指大動。主食是新嘗試的臘味煲仔飯，不單香氣洋溢，每粒米飯來得爽軟適中，加上臘味的襯托，怪不得澎脹了的肚子也忍不住一吃再吃！大家正處於捧著肚子的狀態，誰知鏡頭一轉卻被甜品的陣容嚇呆了。桌上有焗西米布甸，桃膠，還有 ........還有斑蘭戚風蛋糕，SOS SOS SOS SOS！大家因食結緣，臨走前以特別的酒茶聚餐告別，安撫不捨的離愁，好為我們的美食友誼乾杯！雖然相識的日子不算長，但我知道您會繼續堅定向著目標勇往直前，但願平易近人的您，一切順利與安好。回來時，大家再一起享受美食，美食與友誼細水長流！
繼續閱讀
自從上次去以色列吃過充滿地中海色彩的菜式之後，我一直都很想念那種酸味味嘅可愛，真的是一試難忘，尤其是那些酒店早餐，用上好多種新鮮蔬菜，配合唔同嘅香料，感覺非常健康。在香港，我一直都找不到好吃的地中海菜式，直至老公跟我說到這間叫「詩房菜」的私房菜，他問我有冇興趣吃私房菜，主題仲要係我極有興趣的摩洛哥菜式。特別係摩洛哥菜同中東嘅菜式風格上都好相近，因此叫我更加有興趣一試。雖然私房菜$700一位，對我嚟講會覺得有點貴，但的確喺市場上真係好少見，試試絕對冇損失吖。晚上來到這間位於尖沙咀彌敦道商住大廈裏面的一間私房菜，感覺非常清新，叫我想起一間尖沙咀的私房菜，但係嗰間主要係打邊爐，嗰度一樣有個非常出色嘅廚師。聽過少少關於呢間私房菜係由一位女主廚主理，呢個主廚多才多藝，於是令我對這間餐廳更加期待。入到去感覺非常親切，就好似去咗朋友屋企一樣。由於當晚有點塞車，我們去到已經有一個非常之墟冚嘅前菜陣等緊我哋。當晚嘅前菜款式很多，我數過大約最少都有十樣，全部都係唔同嘅前菜，當中我最鍾意嘅其中一個係炸魷魚。另外一道係青椒和紅椒，加上了香料，都非常令人開胃。蕃茄和茄子同樣是加上了檸檬和一點芫荽，但那個清新和新鮮感就係你喺中菜未吃過嘅感覺。我想這大概就是摩洛哥菜嘅魔力，用上同樣嘅食材，但感覺就是很不一樣。主菜有兩道，第一道就係呢個好似IKEA嘅肉丸一樣，本身對呢類咁嘅肉丸我自己感覺很普通，覺得全部肉類太過肥膩。但係呢個肉丸話說係用上自家嘅方法製成，基本上用咗牛肉同羊肉人手去搓，味道非常接近中東菜嘅味道， 食嘅時候加一隻半熟蛋去撈埋肉丸一齊食，味道好深刻。第二個主菜就係一個摩洛哥式嘅焗雞，佢哋用上檸檬同紅椒青椒類去焗，最好味嘅一定係嗰隻雞髀，而且嗰啲肉嘅質地係剛剛熟，好滑好吸引。個飯更用上了couscous米，更用上由摩洛哥買返嚟嘅器皿來蒸，本身我覺得個私房菜有啲貴，但看到這兩個主菜都咁揼本去整，我就發覺值回票價。最尾呢個甜品更加係驚喜，呢個香橙蛋糕應該是全港獨家，聽主廚講係用上一個摩洛哥嘅食譜，蛋糕沒有麵粉但全用上香橙和糖霜來造，再配合一杯熱呼呼的薄荷茶，剛剛吃到很飽的感覺也隨之消散，非常滿足。的確吃完這個菜單覺得呢間「詩房菜」好有驚喜，都想跟朋友再來試下其他菜式，希望疫情好番就有機會吧。
繼續閱讀
認識這個地方源於去年的一餐生日飯，那次的經驗非常精彩，還深刻記得一點一滴，之後，有問過我私房菜嘅推介朋友都記得我曾介紹呢間野。不過上次太懶，冇的起心肝去寫返一篇文。一年後再訪，感覺完全不同，同上次嘅經驗好大分別，而且主題更特別，適逢在家抗疫時間多左，於是更有心機食番篇文，介紹下呢個地方。係詩房菜負責人 社交平台friend一段時間，看到剛剛她去左摩洛哥旅行，這一直是我wishlist 內的國家，可能是因為Casablanca 的關係？我估這電影影響我沒這樣的深，睇過好多愛攝影嘅人係摩洛哥影過嘅相之後，你都會愛上呢一個咁靚嘅地方，自然就成為wishlist 。大概愛旅行, 愛攝影的都會自然對呢個私房菜提起興趣。一直以來Sasa係一個愛攝影嘅人，當然佢另一個強項係烹飪，當你看到佢摩洛哥嘅相之後，大概你想不到，佢會話你知，去完摩洛哥嘅佢嘅私房菜有摩洛哥菜提供。我想香港嘅摩洛哥菜餐廳一隻手都數得晒，異國風情，從來都唔容易為人接受。一係你去過嗰個地方，一係你對個地方好有興趣，又或個地方嘅菜式出名好食，你先會想試。我係後者，而且我同佢一樣，雖然我煮得唔叻，但我好鐘意食。我總覺得要了解一個地方嘅文化，從食物著手係一個最好嘅方法。就好似今日呢一餐私房菜試咗好多唔同嘅嘢，都令你感受到果種特色，你話就好似去咗一晚摩洛哥咁，你話有冇咁誇張，我話你知，感覺不錯就是。如果你要我講，好深刻嘅一定開場嘅前菜，十多款式可以任你選擇，好難每樣話俾你聽係乜嘢，但大部分都係好健康嘅蔬菜如茄子、薯仔、紅椒、黃椒、蛋、蕃茄、甘筍，還有很少在香港見的茴香，基本上每一道都咁好，冇乜特別私心，要說最愛，一定係少見的茴香吧。基調係運用不同香料，令每一道前菜都充滿異國的風情橄欖油、紅椒粉，我大愛的荽茜、洋蔥、檸檬，香葉等等，準備時間長而且有心機，其中有好多要前一晚準備，而係呢啲摩洛哥手法調味之後你會感受到每種食物不同的個性。你以為調味好簡單，但我告訴你，你自己用返晒材料都未必做到呢個手法。之後就進入主菜部份，主菜係檸檬雞。上菜嘅碟都係喺摩洛哥帶返嚟，打開蓋，氣勢一流，無論香味或者樣都好正。用上自家醃製的檸檬，唔會太酸口味重但係亦都唔會勁油膩，還有大量我愛嘅黃椒紅椒。雞要配上couscous食埋個汁先正，以當地的煮食器皿，聽Sasa講佢特登喺摩洛哥帶返嚟，為嘅係要有煮到couscous質感，更加令人吃過不停。個人較喜歡雞髀位置，而且雞肉好嫩，佢亦都話唔會用大陸的雞，質感可能和你平時吃開的有分別。第二個主食係自家肉丸，用上兩成羊肉和八成牛肉來製成，就算怕羊味都唔會覺得過羶。加上了半熟蛋配個秘製醬汁和肉丸，又係盜飯之選，加上剛才的couscous，更是完美。最重要成餐飯你會看到Sasa係當地搜集回來的器皿，然後你可以聽佢講返係摩洛哥一點一滴嘅有趣事，感覺像和朋友一齊食飯。成晚我最深刻一定係薄荷茶，加上糖和薄荷葉，淨係睇佢沖已經係賞心樂事，這個茶係別處你一定飲到，但就是拿捏不到那個正宗摩洛哥風味。再加上甜品也是精采得很，完全冇用麵粉把煮熟嘅橙加上雞蛋、肉桂和糖來完成，不會太甜而又好吃，箇中質感同一般嘅蛋糕都與別不同。一口薄荷茶，一口香橙蛋糕，最完美的結局。連薄荷茶都可以揀杯，幾有氣勢。如果你愛烹飪，而且又是完美主義的朋友，你來到，一定無錯。最重要，愛吃來，更加對。看她做嘅私房菜非常多元化，我上次來吃過的西餐當然好，佢係佢個page見到有好多唔同類型嘅菜式可以揀，又如今晚我喺度吃的摩洛哥菜，還有之前看過有只有鏞記有的射雕宴，又有齋菜，中菜等等，你訂嘅時候，同Sasa講就得。整晚都是$700一位人頭，但份量多得很，前菜基本上食唔晒，攞走可以食兩日。又或者如果你想過一晚摩洛哥之夜，安慰下你冇得飛嘅心靈，PM我，幫你安排。詩房菜 尖沙咀彌敦道66-70號金冠大廈9樓B1室
繼續閱讀
宜家想食餐好的話，除左買外賣返屋企食，私房菜應該係比較安全的選擇。除了乾淨的私密空間之外，吃詩房菜還可以選擇不吃肉，約幾個健康無外遊記錄的朋友仔食一餐素食，確實係亂世中的小確幸。上個禮拜肉肉子帶我去食私房菜，地點在尖沙咀一棟商廈，我找了一會才找到門口，上到去眼前一亮，沒想到鬧市中有一間如此精緻又充灣異國風情的私房菜。這裡吃的菜式沒有一定，甚麼國家的美食都有可能，而且都不能指定，完全看大廚的心情和喜好。這天我們預訂的是素食套餐，吃甚麼事前毫無頭緒，每一道都非常驚喜！三款前菜分別有泰式醬拌溏心皮蛋、麻醬豆腐和台式話梅漬番茄，全部都好好食啊！辣辣又惹味的皮蛋夠醒神，番茄仔吃起來根本像吃話梅一樣，醃得非常入味。這天的湯是泰式冬陰公，味道當然充灣泰國風味，真讓人懷念去曼谷旅行的時光啊！我覺得最有心思的地方是入面有齊素食版本的魚蝦蟹，蝦是素蝦，魚和蟹則用紅蘿蔔片切出來，還有一款白色的「蟹」是用椰子心做的呢，吃起來好玩有趣。香口主菜不可少，這個牛油果芒果春卷真是充滿驚喜，終於不再是菜絲做餡的素食春卷，這個吃起來味道有層次，而且外脆內軟好過癮。旁邊的是炸素帶子，上面加了些奇妙醬和黑松露，吃起來不會沉悶。另一款主菜也非常惹味，看它五顏六色就知配料夠豐富，除了彩椒、茄子、蘆荀等蔬菜之外，更特別是有荔枝和芒果，加入水果令味道更為清新。至於醬汁是泰式辣汁，吃起來帶點甜味，用來撈飯確實一流。當你想搵個飯撈汁的時候，煲仔飯就出現了，跟牛肝菌一齊浸過的白米充滿菇香，配以芋頭、紅蘿蔔和菜甫等不同顏色的蔬菜粒，吃起來和看起來都讓人滿足，當然還附富焦香的飯焦啊。吃到最後還有一個近乎失傳的港式甜品，我都忘了自己有多久沒吃過西米布甸了，這東西應該廿幾三十年前去酒樓先會食到。這個西米布甸用了好咬口的大粒西米，還有大塊芋頭，味道不會過甜，為這餐私房菜帶來一個美好的結尾。
繼續閱讀