影片
港鐵尖沙咀/尖東站 J 出口, 步行約2分鐘
繼續閱讀
電話號碼
34682430
開飯介紹
由法國名廚Gontran Cherrier 主理，售賣多款烘焙麵包、鹹點、甜品等，當中以曾被評選為巴黎最佳牛角包的招牌牛角包最為聞名。
繼續閱讀
營業時間
今日營業
09:00 - 21:00
星期一至五
09:00 - 21:00
星期六至日
10:00 - 21:00
公眾假期
10:00 - 21:00
以上資料只供參考, 請與餐廳確認詳情
相關文章
🍞 今日喺K11行街，經過「Gontran Cherrier」呢間麵包店，聞到陣陣麵包香，即刻忍唔住買咗兩款麵包返屋企試：蒜蓉包同綠茶牛角包！😋🧄 蒜蓉包
呢個蒜蓉包一打開包裝就有好濃郁嘅蒜香撲鼻而來，真係好吸引！麵包外層烘到脆脆地，入面仲係鬆軟，蒜蓉牛油仲滲透到入面每一層，食落去好香濃但唔會過鹹，啱啱好～ 加埋有啲甜味，每咬一啖都係滿滿嘅蒜香，同埋麵包嘅酥脆感，真係可以食到停唔到口🤤。蒜蓉控一定唔可以錯過！👍🍵 綠茶牛角包
呢個綠茶牛角包真係有驚喜！外層烘得酥酥脆脆，咬落去層次分明🥐～入面嘅綠茶餡好香醇，唔會過甜，仲帶有少少微苦，岩岩好平衡咗牛角包嘅牛油香味～呢個配搭好特別，食落去唔會覺得膩，仲有啲解膩嘅效果🌿。如果你鐘意食牛角包，但又想試啲新口味，呢個綠茶版一定要試下！
繼續閱讀
香港點只得 Bakehouse?!呢排暑假成日要帶阿仔去K11上堂，每次經過呢間麵包舖都大排長龍，而仔仔每次經過都會指住話要「買包包」🥖由國際知名糕餅主廚Gontran Cherrier主理，喺全球有超過50間店舖。麵粉同牛油等材料都由法國直送，每個步驟都人手製作，難怪日日都排長龍。今日就想同大家介紹吓除咗牛角包之外，GC仲有啲咩好食😋👍亞麻籽麥方包：健康有益，非常適合已經可以食麵包嘅BB👶！招牌法式焦糖奶油酥:外層酥脆,內裡軟滑綿密,焦糖奶油香甜可口，經典法國甜品🇾🇪山核桃肉桂丹麥卷:外層酥脆,內餡香濃可口,肉桂香氣撲鼻。買完麵包出示返收據去隔離Cafe食嘢仲有九折添✨（下集介紹）👎價錢比起普通麵包舖都貴。每日都超！級！多！人！排隊，基本上五點之後都好多嘢買晒，最好係中午時候去買就多選擇。整體分數：🌟🌟🌟🌟Baby friendly: 👶👶👶📍Gontran Cherrier Bakery (尖沙咀)尖沙咀梳士巴利道18號維港文化匯K11 Musea B2樓B205號舖Is Bakehouse the only option in Hong Kong?!These school holidays, I have to take my kid to K11 for classes, and every time we pass by this bakery, there’s a long queue. My kid always points at it and says ”I want to buy a bun!“🥖Managed by renowned pastry chef Gontran Cherrier, the bakery has over 50 stores globally. The flour and butter are directly imported from France, and every step is handmade, which explains the endless queues.Today, I‘d like to introduce some items besides the croissants that GC offers😋👍 Flax Seed Wheat Bun: Healthy and suitable for babies who can already eat bread! Signature French Caramel Cream Puff: Crispy exterior, soft and fluffy interior, with a sweet caramel cream - a classic French dessert.🇾🇪 Walnut Cinnamon Danish: Crispy outside, fragrant and delicious filling, with a cinnamony aroma.If you show the receipt after buying the bread, you can get a 10% discount at the adjacent cafe✨ (more to come in the next part)👎 The prices are higher than regular bakeries. It’s super crowded, with most items sold out by 5pm, so it‘s best to go around noon for more options.Overall rating: 🌟🌟🌟🌟Baby friendly: 👶👶👶📍Gontran Cherrier Bakery (Tsim Sha Tsui)Shop B205, B2/F, K11 Musea, 18 Salisbury Road, Tsim Sha Tsui
繼續閱讀
星期日同友人去買依間麵包, 太多選擇, 有d困難🤣好多款都想試下, 而且價錢都唔平😆最後買左一個原味一個亞麻籽牛角包, 另外買左一個芝士包同一個海鹽包比家人, 不過牛角包第二日先食, 當早餐😛 味道也不錯, 食落唔係好油, 還是鬆脆, 入面一層層😅😅 但吸引好多人來幫襯, 比$要排隊😁 可能只有依間分店瓜
繼續閱讀
好耐之前試過蒜蓉包 好香蒜蓉味 好味今次經過就買其他再試試榛子紅桑子朱古力牛角包榛子粒粒鋪滿牛角包 麵包口感豐富朱古力除左面個層 入面都有好多朱古力醬而且亦有酸酸甜甜的紅桑莓醬 解膩唔會死甜不過略嫌兩個醬好似唔溶合 前面朱古力 中間兩隻味溶埋一齊之後好濃紅桑莓醬 同少少朱古力當然 出名牛角包 包既口感先係重要牛角包 雖然入面出面都好多醬 包依然脆口 唔會淋曬 值得一讚牛角包好味如果 經過 一定都會再買其他味再試試
繼續閱讀
1965 瀏覽
龍年大年初一同屋企人飲完茶之後，順道去 K11 MUSEA 逛逛。商場的室內設計秉承同系其他商場，風格獨特、帶有濃厚藝術氣息，有別於香港其他傳統大型商場。有些人好唔鍾意，又有些人非常欣賞，反應兩極。小編係後者。配合商場形象，管理公司銳意引入其他商場少見的店舖，包括食肆及餐飲店，【Gontran Cherrier】正是其中一間。麵包店來自法國，曾被華爾街日報評為巴黎最佳牛角包！糕餅廚師 Gontran Cherrier 自2010年於法國開創其首間分店後，於短短九年間已迅速擴展到世界各地，如日本、首爾、新加坡、澳洲等地；於 2019年9月落戶香港，選址尖沙咀K11 MUSEA插旗。直至今日，香港仍然只有尖沙咀一間分店。每次去K11 MUSEA 都想朝聖，但望見長長人龍，就會放棄。難得今日人龍稍短，戚起心肝排隊買牛角酥。香港分店佔地很大，承租商場內三個舖位：一個係開放式麵包工場、一個係糕點店兼餅房、最大的舖位就係麵包零售店兼餐廳。跟世界各地其他分店一樣，麵包店內供應不同種類麵包如法式麵包、鬆餅、蘋果批等；香港分店更自設麵包工場，每日新鮮製造，不停出爐，保證熱辣辣！多款麵包當中最主打的一定是牛角酥，口味多元化，一日銷售量可以超過1,000個，以其偏高定價，受歡迎程度可見一斑。每款牛角包都很吸引，本來想揀經典牛角包，但其他款式賣相更靚，揀了Strawberry Croissant ($42)。牛角包外型工整，清楚看見一層層的酥皮紋，表面又均勻地灑上了糖霜，加上外露的紅色士多啤梨，單單賣相已經引人垂涎三尺。牛角包出爐後，需要等待時間放涼，然後才能填入 custard。掰開牛角包，中心填滿了custard。一大啖咬下去，牛角包雖然已經放涼，但牛油皮仍然酥脆；中心的牛角包則非常軟綿、酥軟，牛油味超香濃。custard 甜度又剛剛好，口感綿滑，配搭香甜的士多啤梨，真係好美味！終於明白點解開業已經超過四年，仍然大排長龍。糕點店兼餅房人流相對減少。電子餐牌內有好多款飲品及法式甜點。飲品方面以咖啡為主，茶類款式較少，只有幾款。至於法式甜點，就要留意甜品櫃內的款式，餐牌內的款式未必每天供應。最愛吃朱古力甜點，揀了 Cocoa Nips & Chocolate Magnum ($66)。雖然沒有註明採用哪個產地或者哪個品牌的可可豆或可可粉，但定價如此高，應該都係名牌可可粉。賣相唔算特別吸引或者複雜，但整件都係用朱古力制作，朱古力控一定喜歡！甜點上面有朱古力cream、朱古力脆片及白朱古力製成的品牌「GC 小牌子」。甜點外層係極濃稠朱古力醬加朱古力脆粒，並非朱古力脆皮外殼；底層係朱古力味曲奇餅；中心就係濃稠黏口的朱古力 mousse 及軟滑的朱古力cream 造成的三文治。每啖皆是濃郁的、但不同質感的朱古力，加上非常香濃的可可味；很好吃的法式甜點！雖然今次沒有吃到最出名的基本款式經典牛角包 croissant ($27)，但即使已經放涼了的 Strawberry Croissant 也非常好吃，果然名不虛傳。法式糕點甜品同樣做得很好，賣相同味道兼備。唯一要投訴的地方就是價錢偏貴，但始終係名牌過江龍，價錢貴一點也沒有辦法。總結一句：雖然貴，但一定要試試！
繼續閱讀