120
0
3
| 餐廳: | Luna Bar & Restaurant |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵尖沙咀/尖東站 P3 出口, 步行約1分鐘
繼續閱讀
電話號碼
63383963 (WhatsApp)
開飯介紹
由泰國五星級酒店餐廳主廚主理，裝潢走悠閑優雅風。以泰式酸辣大鮮魷為招牌菜，另亦供應冬蔭功湯、炸蝦餅等，更不定期更新菜單帶來驚喜，加上VIP卡拉OK房和現場音樂表演，氣氛一流！
繼續閱讀
營業時間
今日營業
12:00 - 03:00
星期一至日
12:00 - 03:00
以上資料只供參考, 請與餐廳確認詳情
有關獎賞計劃
優惠
| 餐廳: | Luna Bar & Restaurant |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
平時成日行過麼地道 今晚先發現到佢地室內室外空間都好大 位置坐得舒服，除左卡位/小枱...佢地連10人枱都夠位放 好岩下次約成班frd子gathering香茅檸檬葉鹽燒大烏頭 $198熱辣辣燒起上枱 未放低已經聞到香味，兩款醬汁好點睛 唔同路線既酸香辣，分別用上多種香料 滿滿泰風 味道又夾又自然，一定係店家自行調配 坊間從未食過既味道 泰式蝦多士 $88炸到黃金色 漲卜卜，每件都有手掌心咁大，好吸引泰式青咖哩雞 + 蒜蓉包 $118成個組合好自由配搭....青/ 紅/ 黃咖哩雞/ 牛/ 豬大/ 中/ 小辣度咖哩淡淡甜美椰香 微辣微酸惹味，除左雞 仲有豆豆 茄子做配菜，同蒜蓉包沾青咖哩一齊食，咸香脆於一身 尾調滲出輕輕咖哩香辣感，蒜蓉包仲係跟咖哩唔使另外點泰式鮮椰肉沙冰 $68入口啖啖都有椰肉碎碎，椰味好香但又唔會好甜，擺明用鮮椰唔係溝糖水 欣賞~*食物來得泰風 味道自然融洽*店員姐姐們好細心 留意到我想將菜式重新擺位打卡 主動過黎幫手整理*有幾間唔同size既VIP房，收費$4000~$7000 視乎想玩幾大間房lu*有得玩掟標，中央位置可以唱K，K夜晚10:30後開放
繼續閱讀
Luna Bar and Restaurant 藏身喺一條靜靜地嘅行仔入面，無留意真係會錯過，但一入去就會發現——環境原來咁chill，簡直係城市中嘅小綠洲 XD今次我同朋友試咗幾款菜，整體質素係「穩陣得嚟有驚喜」咖喱雞配薄餅 咖喱香濃但唔會過辣，雞肉夠嫩滑，配埋外脆內軟嘅薄餅，經典的泰國菜式之一。馬拉盞通菜 爆炒得夠鑊氣，馬拉盞味道唔會太重手，啱晒唔太食得辣嘅朋友。燒豬頸肉 肉質彈牙，燒得香口又唔乾，配埋店家既酸辣醬，絕對係必食！份量仲大到有D嚇親我。冬蔭公炒飯 味道層次豐富，有冬蔭公嘅香料味但又唔會過鹹，炒飯粒粒分明，意外地出色！飲品選擇價錢略貴，但環境咁舒適，特別啱同朋友吹水chill住坐一晚，唔會有趕人走嘅壓力，服務員都好nice。我會總結喱間餐廳低調得嚟有實力，唔係打卡店，但係食物有水準，環境舒服，啱晒搵地方坐下。
繼續閱讀
尖沙咀新發現✨集合泰菜＋酒吧＋娛樂於一身！氣氛一流～有吊椅、小型舞台、包房唱K、飛鏢機、酒吧位🎯🎤超適合一大班朋友一邊吹水一邊食住玩放鬆下～🔥 必食推介：🍢 泰式串燒拼盤（雞、牛、豬各兩串）香口多汁，醬汁微甜微辣～有沙嗲同埋酸汁兩款，好開胃！🍛 泰式黃咖喱豬肉配蒜蓉包咖喱香濃，豬肉嫩滑～包沾汁真係正🤤蒜蓉包好大塊，烤得好脆🥬 泰式肉碎生菜包肉碎炒得好香，叫咗中辣，包住生菜清新爽口～係我最愛食嘅泰菜菜式🍤 冬蔭功海鮮炒飯酸辣味剛剛好，海鮮足料～炒得粒粒分明👍🏻有好多蝦同埋魷魚🦑💡環境推介：有吊椅影相一流📸、飛鏢機＋唱K包房勁有玩味～仲有小型舞台＋Bar位～成個感覺chill爆！
繼續閱讀
今日去尖沙咀行街就搵左呢間餐廳食晚飯，佢係一間bar同泰國菜餐廳，入面仲有k房。環境地方好大，娛樂設施都好足夠好岩一班fd聚會。食物質素高，份量大，十分推薦。泰式串燒 串燒睇落份量都幾大，有雞肉、豬肉同牛肉，佢配塔左兩款醬，一款係偏向酸清新口味另一款係沙嗲醬。串燒啖啖肉，肉質都軟冧，牛肉夠牛香味，雞肉有香料製作過十分惹味。 海南雞 半隻海南雞半隻都好大份，肉質好嫩滑，雞皮唔算多脂肪，可以成舊連皮食埋，配左兩款醬汁，酸辣醬同薑蓉，另外都好多蔬菜配埋，價錢都唔貴，份量又足，雞肉又滑，十分推介。 泰式生蝦 賣相好靚，一隻生蝦都會用一shot杯裝。佢配塔左2款醬汁，2款都惹味少少辣。另外仲有蒜頭，苦瓜等配菜。生蝦蝦肉新鮮，彈牙，食落成個菜都好清新。 青咖喱軟殼蟹 配有蒜蓉包呢個份量真係好大，軟殼蟹位到成個碗邊都有，青咖哩好香咖哩味，少少辣，有椰香味，入邊都有d茄子四季豆配塔，配埋蒜蓉包好好味，蒜蓉包好香，食落烘得好香軟鬆脆。 羊架羊架有羊晚味，今唔會好蘇味，食落肉質都嫩，輕易咬開，食落好香燒烤味。 泰式珍多冰珍多冰量多，有咬口，椰漿椰味香，甜度適中。 龍眼冰龍眼味突出，甜度正常，飲落幾解渴，配食辣野一流。
繼續閱讀
環境寬敞，有得食又有得玩，有飛鏢機、VIP卡拉OK房同埋liveshow 表演！入門口仲有吊椅，打卡一流！食物方面，每碟都勁足料大份！👉🏻泰式肉碎生菜包 辣肉碎酸辣開胃，配生菜清脆爽口，因應喜好自包自食，香料氣息濃郁！👉🏻泰式炸蝦餅 厚身，大件，金黃酥脆不油膩，內餡彈牙多汁，蝦肉緊實Q彈，配甜酸醬一流！👉🏻泰式豬頸肉炒芥蘭 豬頸肉切片適中，彈牙；芥蘭爽脆，醬汁鹹度剛好，口感層次豐富！👉🏻泰式家鄉煎蠔仔蛋 鐵板上，蛋香濕潤綿密，蠔仔粒粒飽滿，份量十足！
繼續閱讀