影片
港鐵尖沙咀/尖東站 P3 出口, 步行約4分鐘
繼續閱讀
電話號碼
37953775
開飯介紹
設計成泰國大排檔風格的餐廳，店內滿佈打卡位，並予人輕鬆自在的感覺。主打親民價泰式餐飲，其中自家製的泰式奶茶雪條是人氣款式之一。
繼續閱讀
營業時間
今日營業
18:00 - 00:00
星期一至六
18:00 - 00:00
星期日
全日休息
以上資料只供參考, 請與餐廳確認詳情
-
網上訂座服務暫停
呢間餐廳收藏左一段時間，但礙於小店無得BOOK枱之餘，仲要晚上6點先開門，加上好多人都話要排好耐，所以遲遲未有去試🙉。適蓬平日星期四早收工，5點55分到達店外排隊，但由於朋友未到，所以未能成為第一批食客。最終朋友嚟到，剛好有位，6點40分可以入座。目測店內可容納38位客人，某D座位較為寬敞。每枱必點之一---醉貓炒河$88即叫即炒，快速上枱!! 配料有洋蔥、青紅椒、蛋碎、車厘茄、金不換、肉碎，辣度我覺得微小辣。聞落鑊氣香，不過食落香氣一般， 我自己就覺得呢個炒粉一般 ，而且好油🙉， 不過男友就話幾好食。人氣推介-----燒牛肉$138牛肉份量唔算少，呢個價錢嚟講好抵食，我地一致認為係全餐最好味嘅食物，如果再嚟都一定會再點佢!!😋 牛肉粉嫩、軟熟、多汁，外層微微焦香，淡淡嘅牛味，唔沾醬汁已經好夠味，最適合配白飯或者酒😏串燒拼盤$158/12串其實另外仲有款得雞豬共6串嘅拼盤，不過男友想食雞軟骨，所以點左12串。豬、雞、雞軟骨、腸仔，每款各三串。當中雞肉最軟滑、豬肉調味最好，帶點肉嘅雞軟骨亦唔錯。但我個人覺得似港式串燒多過泰式😅，本身有腸仔已經好港式，再加上串燒嘅蜜糖甜味特出，而旁邊嘅沙嗲醬亦太甜、而無花生香，同我心目中嘅泰菜有D出入。小店無加一，三款食物合共$384。小店提供信用卡或八達通付款方式。比大家做個參考，小店當日6點15分先滿座，而我地7點半離場，門口依然大排長龍。
繼續閱讀
📍Soi.29 (尖沙咀)尖沙咀寶勒巷29寶昌商業大廈地舖@soi.29_chef.key 尖沙咀人氣泰國餐廳，由泰國人主理，充滿泰式大排檔風味，價錢不選昂貴，餐廳只開晚市，當日6:30pm 去到，門口已大排長龍，大約等左45mins 先可以入去，裝修新穎，坐得舒適，逢星期五六先有冰條☁️燒牛肉$138每枱都必叫的燒牛肉，份量非常大，牛肉嫩口高質，燒到粉嫩色，一點都不會韌，淡淡蜜糖味，旁邊有泰色辣汁，非常惹味☁️醉貓炒河$88河粉闊身粗身彈牙，鑊氣十足，加上魚露和九重塔的香味，香口惹味，味道有小小辣☁️泰式紅糖奶$38侍應好好提醒這杯飲品會好甜，個人認為可以接受，泰國紅糖水加上煉奶，變成粉紅色奶茶，有水果香味☁️酥炸皮蛋蝦餅$78皮蛋切開一分四，即叫即做，外層脆口，皮蛋中間是溏心的，皮蛋同蝦餅充滿發揮，加上泰式辣醬，令人回味無窮☁️串燒拼盤$158串燒拼盤有雞肉，豬肉，腸仔，雞軟骨，每款有三串，旁邊沙嗲汁是靈魂。每串都燒得剛剛好，淡淡炭火味道。兩個人食唔晒，最後要打包，侍應好好，比多份沙嗲醬汁。#尖沙咀#尖沙咀美食#尖東#尖東美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#cafe#coffee#泰國#泰式#醉貓炒河#泰式奶茶#皮蛋#燒牛肉#串燒#thai#thaifood#eating_and_working_in_h_尖沙咀
繼續閱讀
朋友大推呢間泰國野應該大家都有聽過👀餐廳真係超有人氣,當日6:40要等成個半鐘先入得🥹好彩食物質素係對得住的🫡如果下次仲要排咁耐我應該都係排嘅(但而家天氣就要唸唸先🤭)🔺酥炸皮蛋蝦餅 $78第一眼已經好想叫了但朋友都唔太食皮蛋🥹所以自己一個人食哂大半碟🤣但真係好好食!!蝦餅炸得好脆再加上溏心皮蛋真係好夾🥰配上甜酸醬係更正~🔺醉貓炒河 $88河粉炒得超香有少少辣但超惹味😆河粉軟硬度都適中帶點彈牙🤓重點係肉碎記得食埋去,配料有青椒,洋蔥,蛋🫑🧅🥚🔺燒豬頸肉 $108每次去食泰菜都會想食豬頸肉🐽豬頸肉燒得好香而且每一塊都好淋,單食已經好夠味😚附上的醬汁偏辣的,唔食得辣要留意下但朋友們都超愛💗🔺燒牛肉 $138必叫燒牛肉!!牛肉大概5成熟左右仲要好淋😍牛味適中就咁食已經好夠味,如果豬頸肉同牛肉要二揀一個人必選牛肉🤩🔺串燒拼盤 $158串燒包括有雞肉,豬肉,雞軟骨同腸仔🔥串燒都燒得好香再加上串燒醬汁花生味超濃超夾🥜除咗腸仔普通少少之外其他都好好食🤤🔺鹽燒魚 $188原本對魚冇太大嘅期望點知超正默默地食咗好多🤣成條魚超大條魚肉好多!!魚肉都偏嫩的🐠可以自行選擇點醬汁但就真係幾辣的🌶️所以我都係就咁食~🔺椰青 $48超級甜嘅椰青好清新仲可以食埋椰子肉添🥥🤤好味度 : 9/10🔙回頭率 : 9/10 (雖然要等好耐🥹)
繼續閱讀
有冇人有睇MM🤣我都係睇完之後先識得依間泰國菜！佢淨係開星期一至六6pm-12am，仲要有一個月會唔開，每日都排長龍，不得了🔥🔥可想而知佢地實力非凡👍🏻👍🏻 我平日6點去到都已經入唔到第一轉🥲🥲大約排咗45mins入第二轉。佢地用餐時間一個鐘，啲嘢都嚟得幾快🍽️🔥🥢 醉貓炒河 $88今次叫曬佢地店內嘅signature🤣一上枱勁香，老闆話要趁熱食🔥河粉係寬身個款，質地煙韌，炒得好有鑊氣同埋唔會好油🫡👍🏻👍🏻味道有少少辣🌶️我覺得食到少少辣嘅都應該接受到💪🏻好惹味😋下次嚟都必定會翻食😎🍢🍢 串燒拼盤 $158份量都幾多喎😳😳 有腸仔、雞肉、雞軟骨、豬肉，見到有腸仔同雞軟骨有啲驚喜🤣🤣平時好少見依個組合。全部都燒得好好，火喉岩岩好，有燒香味又唔會過火乾曬👍🏻👍🏻 最鍾意係佢個豬肉串喎竟然🤣 因為有少少肥膏，食落好有油香又唔膩😋🤤🤤🐮🥩 燒牛肉 $138必叫❗️必叫❗️必叫❗️每枱都會出現嘅名物😆 燒牛肉保留到中間仲係粉紅色😎大約6-7成熟。肉質軟腍，又有肉味，味道有輕輕調過甜甜地，配埋個汁，酸酸辣辣，冇得輸，性價比極高😆🔥🔥🥚🦐 酥炸皮蛋蝦餅 $78皮蛋同蝦餅我都鍾意食，冇理由唔叫啦🤩 每一舊皮蛋都係溏心😻岩岩炸好就上枱，每舊都熱辣辣，要小心啲食😂🤣 🍹泰式凍奶茶 $38🍹龍眼冰 $42🍹香茅荔枝冰 $42泰奶我冇飲到🤣🤣大家試咗再話我聽🤣龍眼冰同香茅荔枝冰，我推介龍眼冰多啲😎佢味道出啲又自然，同埋冇咁甜!😋🧚🏼推薦指數：🟤🟤🟤🟤🟤/5**佢竟然唔洗加一，覺得好抵食😆🤣
繼續閱讀
長龍人氣店！泰國人主理，超火辣惹味鑊氣泰國菜🔥！・・・・・・・・・・・・・・・・・・・・🥩 燒牛肉 HK$128・味道：嫩口焦香火喉足嘅牛，好重牛脂香，牛魔波大滿足！只用黑椒調味都夠好食，因為舊牛本身夠高質，牛脂牛味都好足，非常正：P 個汁係泰式辣醬，都幾辣，輕點小小試吓好啲，食三小辣嘅肚波都覺得幾辣下，辣妹必食🤪！・口感：偶爾有一兩嚿有啲咬口，但冇筋的，jeng！🦑 酸辣鮮魷沙律 HK$118・味道：鮮魷新鮮爽彈，配菜都夠爽脆，但好辣🔥・口感：動L動L！🍝 醉貓炒河 HK$88・味道：呢個都係勁辣🔥但炒到好乾身，鑊氣足，夠豉油香！配埋花生好香口，係穩陣嘅好食！・口感：比想像中冇咁油，食完唔會好滯，乾爽河粉配juicy肉片同爽脆菜菜子，不錯！🍹 香茅荔枝冰 HK$42・味道：店員推介，果然有料XD荔枝冰微甜，淡淡香茅又幾fresh，組合幾特別但個味又出乎意料地好飲，一啲都唔突兀喎！・口感：清爽desu～🥛 泰式紅糖奶 HK$38・味道：呢個偏甜呀，不過同行朋友話同泰國飲嘅一樣，正宗！味道真係加咗糖嘅奶，或者係煉奶溝浠版XD・口感：好水嘅唔會話好漿口，不過口味問題，我麻麻咁甜嘅奶XD・・・・・・・・・・・・・・・・・・・・🤰性價比：高～🤰9衝度：9衝～🤰結論：波友好朋友喺佢6點幾開門已經去排隊，都要排成個鐘，大癲！係好食嘅不過未去到要排咁耐隊，如果條隊少人啲冇轉埋圈嘅話，可以試一波！・・・・・・・・・・・・・・・・・・・・
繼續閱讀