影片
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
有關獎賞計劃
Dinner menu 人頭200幾蚊已經有頭盤,飲品加一份main尖沙咀區黎講都真係算抵食環境靚靚之餘食物都有質素, 絕對唔係純打卡cafe既水平煙三文魚牛油果他他多士酸種多士脆脆既外表但麵包表身既韌性又同時存在煙三文魚既油脂香配埋牛油果棉密口感仲有d魚子爆出一層層既鹹香柚子沙律沙律爽脆, 柚子汁酸酸甜甜. 口感清爽Turning Point Bowl超好打卡又健康之選吞拿魚件厚切啖啖肉, 仲用芝麻包裹住增加香氣同口感層次輕食得黎都好夠飽!甲羅燒三重蟹肉忌廉汁意大利飯份量多到唔似cafe甲羅燒入面有勁多蟹膏配risotto非常咁creamy然後蟹籽又平衡到creamy既口感仲可以以優惠價加小食/甜品加左黃金芝士薯條芝士味唔係好覺, 咸蛋黃味就十分突出仲有少少咸蛋黃碎, 超正!!冷泡伯爵紅茶食risotto 比較濃味, 飲個茶就剛剛好解膩楊支甘露沙冰甜度適中, 真材實料,有果肉有西米呢個真心好飲, 如果係手搖店咁出肯定大賣
繼續閱讀
位於尖沙咀彌敦道132號美麗華廣場1期1樓113A及113B號舖的TURNING POINT by Coffee Art, 是一間地理位置頗為方便的Cafe。筆者和朋友逛了兩小時街，雙腿累了，便進來吃個午飯。餐廳的位置寛闊而舒適，與鄰桌的距離適中，不會有太大壓迫感。Cafe的燈光明亮醒神，不會令人昏昏欲睡。今次點了一客主食、一杯Cappuccino和一客甜品。下單時，向職員表示甜品後上。約十五分鐘後，熱騰騰的扁意粉上桌了。Poached Egg Satay Beef Linguine - $98溫泉蛋沙嗲牛肉 扁意粉這款意粉是fusion 菜式，有少許中西合璧的感覺。筆者是輕輕弄破流心溫泉蛋，再和扁意粉攪拌均勻。沙嗲汁十分濃郁，醬汁中加了不少蒜粒，令意粉彌漫著誘人的蒜香。扁意粉的熟度剛剛好，軟硬適中。意粉份量偏多，男孩子們也夠飽。。牛肉也六、七片，而且有預先醃過，味道鹹香。朋友的口味相對清淡，她則覺得這份主食略為鹹和濃味了少許。。Pistachio Cappuccino - 跟餐優惠價 $38開心果泡沫咖啡筆者偏愛將面頭的開心果碎攪拌均勻，再呷一口咖啡。開心果碎和偏Nutty口味的咖啡頗為合襯。面頭的奶泡口感綿密，令筆者喝得相當享受。。Japanese Black Sesame Cheesecake - $45日本黑芝麻芝士蛋糕最後，當然要點一客甜品作結。甜品櫃擺放著各式甜品，賣相簡約而精緻。筆者點了一客黑芝麻口味的芝士蛋糕，蛋糕質感柔軟，用小叉子輕輕切一小部分品嘗，甜度適中。黑芝麻和忌廉芝士的味道濃厚而平衡，感覺清新不黏膩，仿如和一位穿著黑白相間長裙的美女跳華爾滋。
繼續閱讀
係尖沙咀美麗華行街街😙 係1 樓發現咗依家靚裝cafe🥰 門口嘅騰滕籃座椅真係好有feel😍 加埋大量美侖美奐嘅乾花佈置飾品，啱曬鐘意打卡嘅朋友🫶 🐧 例牌俾甜品menu 吸引住🤭 首先㨂咗個好有特色嘅焦糖香蕉荷蘭班戟配雲呢拿雪糕❤️ 班戟即點即製勁有誠意，與熱烘烘嘅鐵pan 一齊送上枱，香噴噴嘅蛋香真係令人流曬口水🤤 班戟質感都幾特別，外層酥脆，內餡軟熟中又帶點空氣感，脹卜卜嘅造型好吸睛😆 食落每一啖都充滿迷人嘅蛋香😙 加埋冰涼香滑嘅雪糕一齊食，冰火交融嘅滋味令人欲罷不能😆 之後再㨂咗件朱古力榛子果仁蛋糕🍫 蛋糕軟滑順口，每一口都充滿朱古力嘅醇香，夾埋卜卜脆嘅榛子果仁一齊食，整體不會太甜太膩，配合得好出色👍 最後點少得飲返杯啡😋 今次㨂咗杯幾有特色嘅香橙蜜糖拿鐵☕️ 餐廳特地分開香橙蜜糖另上，客人可按自己喜好加添所需嘅份量，好貼心👍 咖啡飲落帶有清新嘅香橙果香🌟 蜜糖嘅甘甜正好中和咖啡嘅苦澀感，飲落好順口❤️ 超級高質推薦👍
繼續閱讀
行完美麗華去咗間cafe食，俾佢嘅環境吸引咗，靜靜地又唔會太開放，而且裝潢設計幾打卡able，適合約姊妹過嚟chill～ 食物價格都幾親民，呢個地方好難搵到，而且份量都唔少！前菜有蕃茄湯同煙三文魚牛油果他他多士，蕃茄味道濃郁，多士酥脆可口，令人胃口大開。輕食有ART OF BOWL，包含鮮果、牛油果、提子乾、果仁、三色藜麥、酸種麵包、羽衣甘藍同雜菜沙律。五顏六色，健康又好味道。個人推Dill Greek Yogurt Smoked Salmon Tartare Croffle，份量啱啱好可以share。牛角包窩夫軟硬程度適中，上面嘅配料先係重點，香草乳酪搭配三文魚他他，集合酸甜鹹口味，味道豐富。Carbonara都唔錯，麵條軟身同時又帶點煙靭感，夠掛汁，配上煙肉、白菌同蛋黃，肚餓嘅可以叫呢個。甜點有Triple Cheese Dutch Baby Pancakes，製作時間需要15分鐘，呢款真係必點，鹹香惹味，好值得一試。
繼續閱讀
係美麗華行街，見到呢間cafe環境好好，野食又岩食，就同朋友試下。叫set超抵食，包沙律同熱飲，沙律菜新鮮，有蕃茄仔、生菜、羽衣甘藍等，另外加左柚子醋，酸酸甜甜好開胃。Turning Point Bowl Set $148好豐富的主食，有新鮮沙律菜同青瓜絲，牛油果油脂滿滿、流心溫泉蛋、牛油酸種麵包烘過好脆口、紫薯蓉好綿滑、雞絲同厚切吞拿魚配上黑白芝麻好香口，健康好食，豐富色彩，睇到都開心。卡邦尼意粉$98意粉屬扁意粉，時間煮得岩岩好，口感煙韌又夠掛汁，芝士味濃，煙肉帶出滿滿咸香，仲有好多菇菇，口感豐富，整體creamy得黎又唔會膩。柚子雞翼/4隻 +$38雞翼外脆內嫩，仍然保持肉汁，加埋柚子汁好開胃，仲配埋沙律菜，健康滿滿。熱情果牛油醬配大蝦墨西哥脆片/4件 +$58賣相好精美，牛熱情果醬酸味味，令到牛油果醬唔會好heavy，大蝦爽甜鮮味，同香口脆片一齊食，成個層次再升級。📌Turning Point By Coffee Art地址：尖沙咀彌敦道132號美麗華廣場一期1樓113A&113B號鋪評語食物抵食，性價比高環境岩哂打卡店員友善親切🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #尖沙咀 #美麗華 #TurningPointByCoffeeArt #cafe #打卡 #性價比高 #卡邦尼 #牛油果
繼續閱讀