影片
開飯介紹
主打爺爺雞煲，麻辣惹味，另設時令海鮮拼盤。
繼續閱讀
營業時間
星期一至日
17:00 - 23:45
公眾假期
17:00 - 23:45
公眾假期前夕
17:00 - 23:45
以上資料只供參考, 請與餐廳確認詳情
📎餐廳類別：煲類/打邊爐/小菜⏰用餐時段：晚巿👉🏻👉🏻適合：朋友大夥兒飯聚👭👫👬一家大細家庭聚餐👨👩👧👦🍽餐廳環境：🧡🧡🧡💛💛🙋🏻♀️餐廳服務：🧡🧡🧡💛💛🧽餐廳衛生：🧡🧡💛💛💛👨🏻🍳👩🏻🍳味道🧡🧡🧡🧡💛💲性價比：🧡🧡🧡💛💛(5🧡最高)呢排天氣凍咗 突然好想食羊腩煲食飯時間之前即刻search屯門區邊度有得食之後就見到呢間餐廳 好似都幾熱門所以試吓🤣 七點幾八點walkin …店舖內外都坐滿人 好在咁啱有一枱埋單等左五分鐘左右就有位😝羊腩煲嘅味道我覺得都幾唔錯 份量都算多配料方面 枝竹同埋馬蹄都好食🤪羊肉比較多全肉羊件 (但係我自己就比較鍾意食羊排多啲 覺得黐住骨嘅肉香啲🤣🤣🤣)唯一可惜嘅係 呢個羊腩煲冇配生菜🥬如果想食生菜就要另外叫一份火鍋配料另外都叫咗一份肥牛 但係冇乜牛味另外都叫咗個炸魷魚鬚🤪夠熱好食 炸粉唔算太厚🤩鍾意食炸雞鬚嘅可以試吓😳
繼續閱讀
突然想食雞煲，即刻上OpenRice 搵吓！見到屋企附近呢間爺爺雞煲皇嘅食評不錯！跟手訂埋位！我一行四人訂咗18:30，一去到同樓面姐姐講，我訂了枱，佢就帶我哋去已預留嘅枱，但家人想坐另一張，樓面姐姐立即幫我哋安排，讚👍🏻因為同行小孩不吃辣，所以我哋只order咗招牌唔辣嘅雞煲，以為唔辣會冇咁好味！點知原來都係超惹味，小孩仲食到舔舔脷！之後我哋再點咗其他嘢用嚟打邊爐！個自家製響鈴，一定要食，熱辣辣脆卜卜勁正！最後一提，全店員工，十分之有禮！
繼續閱讀
明天母親節，呢2日周圍都多人食飯一行4人Book左7點30，大家已經好肚餓，一坐底就叫左個一隻雞中辣雞煲先，個雞煲個汁好濃雞都好嫩入晒味，覺得冇加味精>冇口乾<之後打邊爐既食物都好有水準，新鮮，大大粒手打墨魚丸超正，食到入面有墨魚粒部份食物漏左影相全晚食品都有水準，埋單$1065都會埋
繼續閱讀
位置方面:位於屯門友愛邨, 得閒入下屯門又有好野食.等待時間方面:9點零鐘去到, 唔洗等位即刻入得.一埋位, 冇幾耐就有姨姨比一盤野我地自己落豉油同配料.雞煲方面:招牌爺爺雞煲 - 因為個人唔食洋蔥, 所以嗌咗半隻雞走洋蔥, 但仍然係非常濃味同入味, 好好食. 雞件肉質都唔會好鞋.食物方面:好想食響鈴, 但賣晒, 唯有下次再食.今次嗌咗蟹籽墨魚滑﹑豬肚, 同埋2碟牛柏葉. 豬肚同牛柏葉都普普通通, 不過不失. 豬肚唔會蘇同臭, 牛柏葉都爽既.要讚既係墨魚滑. $88, 價錢合理, 一大碟, 我諗我都分咗十粒左右去淥, 入面堅係有墨魚粒, 仲有蟹籽分別釀左係入面同埋有一大pat係面, 為左唔浪費呢一pat蟹籽, 我自己撈埋入去. 個蟹籽墨魚滑真係好正好好食! 非常有味道, 而且唔會好腥, 值得一試.環境方面:地下同梳化都乾淨, 地下亦都唔會話好油好痴笠笠, 座位都好闊落, 枱都夠大, 放到好多碟食物.仲有啲位放係外面, 方便食煙人士.員工方面:啲姨姨都好nice, 好主動幫我地校火, 態度亦都好好, 笑面迎人. 而且個啤酒姨姨都會幫埋一份, 幫我地落單嗌野食.總結:屯門爺爺雞煲整體黎講都唔錯, 野食﹑環境同員工都好好, 係一個唔錯既體驗.
繼續閱讀
明明剛開張時明明好好服務態度知我個女唔食得辣自動另上辣醬比我其實味道mama 都會再幫襯今日朋友即興約食飯，多左個串串貢嘅女人侍應叫佢另上辣醬話要另外比錢，死都話從來唔會咁樣做 我食過幾次都係咁另上辣醬，個女人仲要話：你要辣咪自己另加辣椒囉，我地炒果時已經炒埋左無得另加咖喎算 我地直接食唔辣最後食完明明佢地自己比錯單我地埋數到我地起身走仲要話我地未找數之後又要返轉頭同佢找態度仲要係奇差！仍然係串串貢咁返找果d錢落兜？無飯開都唔會再幫襯
繼續閱讀