影片
港鐵屯門站 C1 出口, 步行約9分鐘
繼續閱讀
營業時間
星期一至日
12:00 - 20:00
以上資料只供參考, 請與餐廳確認詳情
食家推介
之前已經訂購過佢哋原個拿破崙蛋糕，超級高質美味，心思思又想食，適逢佢哋推出咗極受歡迎 【小立方拿破崙】迷你版造型趣緻可愛，更加適合下午茶、三心兩意想品嚐多款不同拿破崙的甜品控，更有多達9款不同口味，隨時隨地都可以食啦😋😋😋每日限量製作的小立方幾乎日日沽清，大部分食材均由法國直送，用料優質之餘，更保證新鮮鬆脆，不論是經典傳統口味，或是自家創意新口味，均令人一試愛上，今日買咗6件同同事分享下先，個個食完讃不絕口👍🏻🍓▪️【日式草莓小立方】選用韓國草莓，配上口感煙韌的麻薯，口感層次非常豐富！🍇▪️【波子青提小立方】飽滿芳香的香印提子，在鬆脆千層酥皮與法國鮮忌廉之中，令果香獨特果的香印，甜而不膩的絕配滋味，季節限定必食之選！🌰▪️【伯爵茶無花果小立方】以Twinings 伯爵茶混入幼滑的忌廉之中，散發出陣陣茶味的芳香，牛油味香濃的酥皮層層分明，入口鬆脆，再加上無花果獨特的果甜，口感豐富！🍌▪️【香蕉麻薯朱古力小立方】香蕉和朱古力是絕配組合，香甜的香蕉肉混入香濃醇厚的朱古力忌廉，配上口感煙韌的麻薯，非常豐富的層次感，我最愛嘅口味！🥭▪️【鮮芒果小立方】鮮芒果肉配芒果味鮮忌廉，令芒果香味及果甜更加突出，清新而芳香！
繼續閱讀
好日都唔入屯門，難得今日入去打算食啲特式野。之前係東京食過類似，難得呢間店都有同類雪糕，今日就去試下和粟蒙布朗尼麻薯雪糕。去到點餐，店員話冇雪糕筒，唯有要杯款。然後店員就走到店內位置不雪糕，當時店內身處嘅位置一共有三位職員。一段時間之後先走出黎，期間我就欣賞展示櫃內嘅佈置，櫃內放咗好多貓仔嘅擺設，原本想打卡，望到裏面嘅擺設佈滿灰塵，就決定唔打卡了，因為真係比較嘔心。當我回過神嚟，店員已拎起杯出黎，準備喺唧栗子蓉機器下面唧栗子蓉，成個過程超級快，完全唔似日本會俾人欣賞，原本諗住影佢整嘅過程，但係已經唔得了。完成之後店員向我遞上雪糕，補充提示，叫我「食咗雪糕上嘅士多啤梨先，跌咗我唔會補返。」我接過雪糕之後，覺得呢句說話好奇怪。味道嚟講，其實都OK，但係粟子蓉就少啲，士多啤梨超細粒，加上店員態度，店內嘅環境清潔度，仲有最後店內堂食嘅位置係冇垃圾桶，你食完呢請你自己自行到店外處理搵垃圾桶掉，因當我離開嘅時候，發現店面完全冇職員，想問吓可唔可以幫我掉垃圾，結果原來都係要自己搵出邊嘅垃圾桶掉。個人認為，一杯雪糕$68，如果有雪糕筒，栗子蓉多啲，職員態度好啲，店內環境又乾淨啲，絕對值得。但係今日我得不到一個值得嘅體驗，我本身真係唔係住附近，咁啱今日會去屯門先滿心期待特登搵呢間舖頭，但係覺得實在幾失望，所以其實想試佢攞獎嘅拿破崙，下次未必會再幫襯了。
繼續閱讀
又揾到一個買生日蛋糕嘅好地方🤤 佢嘅拿破崙真係好正‼️ 食過會一試難忙🤤 仲要嘅嘢講咗先，佢大蛋糕款可以選擇上網訂 / WhatsApp預訂 (Tel: 52221963)，聲稱1小時預訂，即叫即焗，最啱臨急抱佛腳嘅你😂 如果想試下先，可以試佢嘅小立方🤓 不過唔洗咁執着佢唔同款色，未必一定有貨，試咗佢嘅拿破崙餅底先🤓 係仲食咗焦糖燉蛋，佢有十二生肖嘅杯仔，店員好貼心咁叫係揀返自己鍾意嘅動物😜 焦糖香蕉牛角包窩夫🧇，佢唔係脆嘅窩夫，牛角包入邊夾住香蕉蓉，都真係幾足料🤤 和栗麻薯雪糕🍦自己選擇雪糕口味，再加勁幼細嘅粟，不過叫咗一定睇佢整，成件事好治癒❤️🩹
繼續閱讀
去屯門市廣場行街，行經韓式烘焙店「Kuru Lab」有提供雪糕甜品，喺炎炎夏日真係需要食雪糕消消暑除咗雪糕甜品外，小店仲提供拿破崙小立方、麻糬撻甜品等，甜品大多為即叫即製==========🔹和栗蒙布朗麻薯雪糕 $68選用熊本縣的球磨栗子一絲絲栗子蒙布朗包裹住麻糬、日本忌廉及雪糕提供四款口味雪糕，我揀咗草莓味栗子絲軟滑細緻富栗香，甜度調配適中；忌廉輕怡不膩；麻糬粒軟糯煙韌有彈性；草莓雪糕含豐富鮮草莓粒，食落清新滑溜又甜度不高；整體層次非常豐富==========🔹大福雪糕 $58軟糯煙韌又厚薄適中的大福皮包裹住日本忌廉、十勝紅豆及雪糕雪糕我揀咗曲奇妙趣味甜度同樣剛好，整體配搭得宜又夠Rich==========🔹小立方拿破崙 (伯爵茶無花果) $48跟姊妹品牌「Neko Puff」的拿破崙不相伯仲，同樣出色拿破崙分三層，每一層均鋪上伯爵茶忌廉，再加上無花果及藍莓伯爵茶忌廉細滑又輕怡，伯爵茶香醇厚微甜；配合清甜無花果毫無違和感拿破崙酥皮焗至黃金色，酥脆鬆化，牛油香突出==========🔹日式麻薯鮮果撻 (黑朱古力麻薯) $38心心造型，賣相可人內餡選用日本忌廉及麻糬丸子，有別於市面上的吉士忌廉黑朱古力醇香濃厚帶點享受的苦澀，面頭放上香脆金莎朱古力，整體甜度適中，令人享受
繼續閱讀
屯門踩完單車後，食邪惡嘅甜品。小店有小量座位最後同幾個朋友叫了以下食物1.和栗麻薯雪糕日本厚忌廉和麻薯，雪糕可配曲奇，士多啤梨，雲呢拿，朱古力。最後選了曲奇。開頭唔知道原來有麻薯，食到煙煙韌韌，有驚喜。面頭鋪滿了滿滿的和栗，甜甜的，不會太膩。可選筒裝或杯裝。2. 日式焦糖燉蛋雞蛋味濃，不會太甜，面頭有脆脆嘅焦糖。十二生肖杯，可以攞回家中整甜品3.大福雪糕煙靭的大福餅皮，配上日本厚忌廉和十勝紅豆和士多啤梨雪糕，夏天食，正4.無花果拿破崙世界冠軍拿破崙，食落酥脆，多層。配上香滑的忌廉。
繼續閱讀