娜娜甜品小食 (已結業)

收50食一細碟烏冬 3啖食完 4粒魚蛋 加杯好伏嘅綠茶牛奶 真心不了 另外有個收46蚊 預計係大份薯條加野飲 杯野就細細杯 m記奶茶咁 薯條就份量少到喊 仲要黐住條毛仔 嚴重覺得俾人坤錢 單都唔想埋 個職員又黑口黑面 得罪佢咁 真心伏到喊 強烈建議大家唔好中伏 不過講句公道說話 個香蕉奶昔都幾好飲嘅 不過就真係唔值嗰個價錢囉 一定唔會再去 本人甚少寫食評 但係想花啲時間費事大家中伏

店內大大隻字推介黑糖薑汁撞奶，叫左2碗外賣，叫老公攞完車順便攞外賣，由落order開始計等左差唔多一粒鐘，點知竟然話整唔到！！搞錯！重點係一句對唔住/唔好意思都無攞左一碗上黎，根本都係失敗作！是旦比碗失敗作人地然後只退返一碗錢！有圖有真相！以後都唔會再幫襯！

夜晚十一點半，附近已經冇乜鋪頭開，想食宵夜又唔知去邊好，就黎到呢間小店食甜品。其實黎過呢度都不下20次，不過我覺得近來啲食物質素每況愈下。雖然乜乜冰個啲確實一般，但中式甜品如馬蹄露，腐竹糖水其實唔錯，不過今次馬蹄露咁岩賣曬，冇凍既，咁我唯有嗌其他甜品啦。今日嗌左個綠野仙蹤，入面有齊沙冰，紅豆，小丸子，椰汁糕同雪糕。因為外賣，拎到返去都變左一攤野，就唔影相啦。味道好一般，我諗堂食會好食啲既。仲有嗌左火龍果牛奶，男朋友話味道好奇怪，但我覺得都ok，牛奶味幾濃，火龍果原先都無乜味，所以火龍果味道薄弱都係一件幾正常既事🤣我自己就覺得味道正常，唔會太甜。不過店員全程黑面，十問九唔應，又好惡咁話自己員工，感覺唔太友善啊。

員工服務態度極差 諗住幫屋企人叫外賣 影咗幾張menu嘅相 send畀屋企人睇 等佢哋睇下有乜糖水食 等咗三分鐘左右 佢收咗我本menu 話menu唔比影相 唔通expect我逐個逐個讀畀屋企人聽 當個外賣甜品整好 佢好冇禮貌咁放低喺張枱度 唔係期望你有好好嘅禮貌 基本嘅都做唔到 今次係第一次食亦都會係最後一次 絕對唔會推介畀朋友 對住啲咁嘅服務態度 好食嘅嘢食都會變得唔好食 仲要係食甜品 都只不過係想有個快樂嘅回憶 依家只會有個不快嘅回憶

夜晚食完晚飯想食下糖水，慈雲山附近糖水舖不多，open rice搵到一間係附近就試下啦。環境以橙色為主，剛好個段時間有一大班學生，佢地大聲說笑所以都好嘈，唔可以靜靜咁傾計。食物我地點左當日推介，黑芝麻西米露拼湯丸，以小木盤上菜，如果餐具都用木製感覺會更配合。湯丸都軟硬適中，糖水唔會過甜。另外被一款糖水名字吸引，就係龍王。顧名思義係有龍眼肉既龍眼冰，味道清淡，整體賣相又唔算吸引，唔配合龍王個名咁霸氣。如果可以加少少彩色生果會更好。

星期六外出晚飯後回到慈雲山因時間尚早家人建議去吃糖水，帶我們到這兒品嚐。😃有幸家人帶來這兒品嚐品嚐😏因為平常路過這間看似平平無奇的小店都沒有特別留意但估不到出乎意料之外，這小店出品的糖水＋小吃均10分出色👍🏼😬這兒採用樹記出品的腐竹產品來烹煮不同的糖水，有腐竹薏米糖水有白果蓮子⋯⋯等等。家人分別嘗試不同的中式糖水和西式的甜品，這兒的紅豆沙和芝麻糊很香，西米露非常美味而我就嘗試一份輕食的糖水加小食套餐『腐竹糖水＋炸燒賣』不論糖水加燒賣均非常出色⋯⋯好正。每隔一個禮拜都會年年不忘吃一次這兒的糖水👍🏼😁

夜媽媽緊系要食甜品再同朋友傾下計啦，雖然環境幾細又吾系特別舒適，但都可以坐低傾下計嘅。之後睇左個menu都好多選擇，西式中式小食都有，炸燒賣幾好食，芒果類嘅甜品都吾酸，所選材料都幾好的，又吾系好貴，值得一試。

係慈雲山蒲慈里 一條樓梯既地鋪行過入去試下 味道又唔算好差wo 我叫左個芒果小丸子 比平時既糖水鋪好d芒果好甜 最重要係d小丸子 煙煙韌韌 之前食過d係比較硬同樣數量唔多 所以幾好呢間甜品鋪 雖然細細間 但環境都幾靚 不過得一個人整加serve

去慈雲山探好友珊姐，因為大半年沒見，傾到難捨難離，珊姐要轉場再傾，佢帶咗我去一間小店食甜品，小店雖然比較細，但眼見都有好多人幫襯。叫左黑白涼爽同埋清潤嘅木瓜雪耳珊姐話黑白涼爽係佢每次黎都必點，大大碗涼粉再配埋雪糕，珊姐話味道好好我就食比較傳統中式嘅木瓜雪耳，好有媽媽糖水 feel, 入口清甜，感覺滋潤。希望此小店繼續加油。

黎娜娜甜品我覺得一定要試佢既牛奶布丁真係好滑好好好味另外佢既朱古力沙杯都好好飲味道夠濃唔知加得太多水冇左朱古力味但係佢個心太軟就麻麻地好似好硬咁朱古力流心亦唔多食落好dry咁所以整體黎講算係中上都ok啦如果心太軟流心多d會更好~

作為十多年慈雲山街坊的我認為，在此區開糖水舖一定有市！何以見得？(托一托眼鏡)，每逢晚上總會有人心思思想要個飯後甜品，以前的糖水舖(在慈雲山中心旁邊的麥當勞) 晚上總是大排長龍，可是慈中舖租價格上升，無法負擔也被迫結業，慈雲山一帶只剩下一兩間的糖水舖，所以我深信開糖水舖必能喚醒一班在慈雲山區的愛吃一族。以我所知，慈雲山現布一間糖水舖叫百好甜品作獨市生意。而娜娜甜品可算是最近新開張的糖水舖，讓街坊在慈雲山可以多個選擇。娜娜的裝修較為新穎，雖然店舖空間小，但他們也善用出面的一塊空地和旁邊的小巷擺放枱櫈，與一堆朋友吃糖水也不須要分開枱坐，享受嘻嘻哈哈的時光。十多頁的餐牌佈滿密密麻麻的字，叫人「不知怎樣選擇」。「不知怎樣選擇」一來有太多甜品，不知怎選攝，另有一個原因就是沒圖片。 有些甜品後方有笑哈哈和面書大姆指公仔，是什麼意思呢？推介？受歡迎的？我不清楚了。所以揀甜品時都有種摸不著頭腦的感覺。除了剛剛上面有數張甜品圖貼在牆上，但是在我位置看過去，根本看不清，而且餐牌上沒有圖。個人建議：牆上的甜品圖片應保留，在保留的同時也可以把大量食物圖片加入餐牌，好讓顧客容易選擇想要的甜品，以免甜品來到時有種

慈雲山無咩糖水舖，但整體上呢間都不錯。以前已試過幾次，今次才寫下食評。覺得糖水要回家慢慢享受才好味，於是叫了個雜果西米涼粉$26，另加$6小丸子。返到屋企打開後，發現好足料，超開心。希望會有更多新款糖水推出會再幫襯，加油

是我試過最好吃的甜品店~來到這間不太起眼的甜品店，才發現原來內有乾坤！首先來了個牛奶布丁，牛奶味很濃郁，入口即化，是美味之選。再要了一個朱古力心太軟，雖然份量對我來說有點兒少，卻能真正做到「流心」的效果，冰火交融，有點出乎意料的好。服務員也很周到～總括來說，是一間值得再三造訪的甜品店。

如果這間舖在我家附近,我一定會不停不停幫襯。我覺得娜娜的甜品很實惠,餐單寫的配料,甜品中必定有齊,不會偷工減料。而且您叫$15娜娜一定會比足$15的材料、份量您~(個人認為)味道也調得不錯,有"食過返尋味"的感覺,下一次經過慈雲山也要去幫襯!(對上面既某個post有同感,如果老闆娘比多d笑容就更吸引~)

之前夜晚放工都會去娜娜食甜品講真,慈雲山真係無咩甜品店,所以去到九點幾至十一二點娜娜都會好多人不過佢多枱,而且店外都會開枱所以唔使點等而價錢就普通甜品店咁啦,不過裝修幾靚,幾舒服好多野食都唔係日日有,而且某D會好快無.例如我至愛既牛奶布丁,有時去會唔岩時候,未夠凝固佢meun上面有好多唔同既生果,當好多時都無,所以一定要問佢,而且店入面得兩三個姐姐,而且D野又即整所以都要等下本人鍾情朱古力,佢個朱古力沙冰都幾大杯,味道唔算濃,都幾好飲牛奶布丁極力推介芒果布丁都唔錯,但朱古力布丁就太甜,佢D布丁都幾細杯如果想食鹹野,麻醬撈麵真係唔錯既選擇之前仲有凍同熱素,不過唔知而家仲有無鹵水雞翼尖好入味,同埋唔算少,可以慢慢食