影片
港鐵啟德站B出口, 步行約13分鐘
繼續閱讀
營業時間
*最後落單時間: 21:30
星期一至日
11:30 - 22:00
以上資料只供參考, 請與餐廳確認詳情
影片
相片
蟹肉蟹膏🦀冷湯拉麵🍜
+78
+11
呢間店，我已經食過招牌燒飛魚沾麵同拉麵，今次第三次幫襯，試試呢個期間限定嘅冷拉麵先！蟹肉蟹膏🦀冷湯拉麵🍜香味 (?/5) - 因為成碗麵都係涷食，所以聞唔出咩味，極其量算係聞到少少蟹味，所以唔評香味一項。湯頭 (3/5) - 算係幾清新，除左明顯蟹嘅鮮味之外，最主要都係鹽味，味道比較純粹。麵條 (3/5) - 同一般日式冷麵規格接近，都係幼直麵，而口感非常煙韌，亦非常彈牙，配呢款湯我覺得係幾夾。配料 (3/5) - 蟹膏都幾好，主要鹹鮮味都足，鹹度剛好，撈埋落個湯道提鮮效果唔錯。蟹肉就預左唔會多架喇，都略嫌份量少左d，唔多夠皮。叉燒因為凍食關係，比正常熱嘅湯麵入面d叉燒一定係略硬，預左，不過都還可以接收。整體 - 炎炎夏日，如果經過一試無妨
繼續閱讀
109蚊 一碗咩燒飛魚味增叉燒拉麵。拉麵🍜難食，湯底非常普通。叉燒又薄又柴。本身好期待食一碗好食的拉麵🍜但係真係非常失望😞希望大家唔好中伏142蚊買單 連罐可樂🥤同三隻餃子🥟，個餃子其實不錯ge 算幾好食。但係咁ge拉麵賣109蚊，我真係覺得求其買包10蚊拉麵自己翻去煮冇咁嬲
繼續閱讀
前日經過Mikiki, 正當想食日本野但壽司店過左飛，周圍行見到呢間新開高橋拉麵，一見到門面有塊大牌有沾麵食，就即刻轉軚黎試下！事關本人非常喜歡吃沾麵，去到邊間日日餐廳，餐牌一有沾麵，一定會點左先算！😌見有其他食客話東京銀座食過，我地之前都只係食過香港幾間唔同拉麵店嘅沾麵，其實對我黎講都好好味，今次見發酵味噌咁特別，就即刻點左！因為屋企人事前食左野，加上8點幾見餐廳唔多人唔肯定好唔好食，所以今次晚餐點得唔多...先來個發醇味噌拌麵即係沾麵 $69，新開張仲有優惠減$10👍😌！餐牌話個汁好味要加白飯$16，最鍾意食日本米就一於加！的確冇令我失望！麵質係有彈性有咬口嘅質感，個汁除左有鰹魚味，仲有好濃嘅味噌味😋，有d 肉碎，如果可以加粒流心蛋就好！撈白飯其實都好味，只係嫌碗飯細碗左d，及對我黎講碗麵辣左d... 但我地最後連汁都清晒！👍 細沙律$20，蔬菜新鮮，唐揚雞5件$39 真係好抵，大大舊肉，仲要外脆內嫩，清晒！店內一貫日式設計，侍應後生，服務算細心，最緊要竟然唔使加一感覺物超所值👍，下次一定會再幫襯！😌
繼續閱讀
本身喺日本銀座食過呢一間拉麵，可以話係我心目中的前三位，每一次喺日本食臨尾都得要加個白飯，估唔到有一日發現香港竟然開咗一間，還原到都算幾高，拉麵上到嚟熱辣辣，可以話係一解相思之苦。咁啱嚟到做緊優惠，正價拉麵可以減$10 ，所以都坐低食咗一個拉麵做午餐，今次食嘅係特製燒飛魚鹽味拉麵，味道好好。另外，服務質素我覺得呢間舖頭做得唔錯，店員都好細心而且有禮貌，當然香港同日本食拉麵嘅分別就係風味不同，喺日本食店員會由你入嚟嗰一刻直至到離開店舖都會以日式禮儀去招待同感謝客人，但係喺香港食到差唔多嘅味道，我相信已經不能要求更多。
繼續閱讀
諗住新開張入去這個商場的拉麵店嘗試他們的燒飛魚鹽味拉麵，但係他們的叉燒薄得很，簡直就係打邊爐牛肉的厚度，味精量極多食完口渴非常。真的不會再去這樣的水準。唔…. 去
繼續閱讀