影片
開飯介紹
室內裝潢簡約舒適，走日式風格，帶有文青氣息。主力提供輕食及甜品，另有多款日韓即食產品售賣。
繼續閱讀
營業時間
今日營業
08:00 - 20:30
星期一至五
08:00 - 20:30
星期六至日
11:30 - 20:30
公眾假期
11:30 - 20:30
公眾假期前夕
11:30 - 20:30
以上資料只供參考, 請與餐廳確認詳情
有關獎賞計劃
上年12月嚟過，當時食下午茶，對餐廳印象麻麻，記憶點係（1）冷氣弱；（2）咖啡細杯。有得揀就唔會再嚟，但不如人意，朋友傳出呢間餐廳的連結，話想食。事隔大半年，試多次~~假日late lunch時段到達，餐廳的午市套餐除包含午膳時段外，仲去到2030。特別的係，入座時，侍應仲提供埋晚市2人餐的餐牌。可能餐廳所有套餐都貫穿午、晚市！？午餐價格大致可接受，但要加一。餐飲的咖啡除美式、鮮奶咖啡外，其他要補錢。計埋加一，人均消費$90-100。而朋友點全日早餐，$148，加一後就>$160。餐湯/沙律：朋友點餐湯，只飲咗1-2啖；個湯杰身，似芡。全日早餐：英文叫Coti breakfast，用番餐廳個名，少費，係咪物有所值？我覺得如果散叫~$70都可以，但$148就絕對over-priced！雖然食材唔少，但煙三文魚顏色慘白；麵包/多士朋友好難先切得開；蛋得1隻，係太陽蛋，煎穿咗。最後，朋友食淨1/3碟，煙肉同茄汁豆冇掂過。日式胡麻波蛋香草豬肉腸藜麥沙律：個名好長，材料簡單。由於餐廳冇乜素食選擇，所以我點餐後就外帶香腸俾狗狗爸爸（相片冇影到啲腸）。沙律菜幾新鮮，水波蛋係中、大型蛋，熟咗啲，少蛋液。沙律有藜麥，健康加分。鮮奶咖啡：雖然仲記得咖啡細杯，但送上時仍有少少驚訝，可能只得150ml。杯碟幾靚，但拉花唔靚。咖啡非常熱燙，係滾水的溫度；咖啡味唔突出，冇乜特色。跟餐的話，點咖啡好過點果茶，朋友點咗凍蜜桃茶，零presentation。下次再有朋友想嚟食嘢，我要認真勸止。始終呢個價錢，食物質素可以好啲。上次餐廳冷氣細，今次亦一樣，就快大暑，怕熱人士會食到冒汗。
繼續閱讀
近排經常去新蒲崗覓食，見到工業區呢間餐廳裝潢典雅，氣氛輕鬆，評分都好高，所以就入黎試下。 煙三文魚藜麥沙律估唔到禁大碟，份量十足，沙律清新可口，煙三文魚風味與藜麥香氣相得益彰，搭配新鮮蔬菜，同芝麻醬汁，整體口感豐富開胃美式西冷牛排（10安士）配燒汁西冷牛排叫左5成熟，牛排熟度恰到好處，內裡保持著嫩滑多汁。燒汁風味濃郁，完美提升牛肉既鮮味，並且不會掩蓋肉本身風味。配菜方面仲配上大量香口薯條同沙律菜，好豐富。 明太子三文魚子帶子貓耳朵粉有2粒半生熟帶子，食落鮮甜，明太子同三文魚子鹹香相互交融，食落驚喜。貓耳朵粉口感煙un,非常掛汁，夠哂creamy, 明太子迷必試。
繼續閱讀
餐廳位於新蒲崗工業大廈地面，神秘的入口塗上藍色油漆。內部地方挺大，能放置很多餐桌，能夠容納多人聚餐，感覺是很香港的西式咖啡店feel。Main烤美國西冷10安士配燒汁 $198沒有多筋，肉質易入口咀嚼。配有沙律菜和薯條，兩人吃份量適合。Pasta & Rice明太子三文魚籽貓耳朵粉 $108有兩粒香煎帶子，咸咸的三文魚籽配煙韌貓耳朵粉剛好。Snack & Salad酥炸單骨雞翼 $78有5隻，炸得酥脆酥脆，單骨果然係食得方便啲。鮮忌廉朱古力 $42凍飲和熱飲都是有一大陀鮮忌廉，奶味很濃郁。
繼續閱讀
前幾日去新蒲崗啲工廠大廈拎野，就順手喺附近食埋飯，見到呢間望落靚靚仔仔就試下佢。烤美國豬鞍配芥末汁($168)豬鞍肉質幾嫩，唔會好un，烤都保留到裏面嘅肉汁，而且就算唔加醬汁都唔錯，薯條都炸得酥脆。鰻魚蛋包飯($125)我鍾意佢個蛋好滑，鰻魚一望就覺得佢靚仔，而且飯係日式粒粒分明嗰種。 一啖食晒三樣野，口感同味道都好有層次。酥炸單骨雞翼($78)單骨雞翼真係好貼心！唔需要食到要lur骨好麻煩。menu話酥炸係無錯的，外皮的確係炸到卜卜脆，但入面依然有好多肉汁。提拉米蘇咖啡($48)我本身麻麻地咖啡，因為唔鍾意苦，呢杯上層係tiramisu，下面係咖啡，單飲咖啡就真係唔係好杯茶，但上面tiramisu就無得頂，兩者撈埋令到質地更加順滑，亦都中和左咖啡嘅苦澀。棉花糖朱古力($42)呢杯一睇就係甜！都的確佢達到我對佢嘅期望，朱古力裏面帶有淡淡嘅棉花糖味道。= Coti the Bistro // 新蒲崗五芳街31-33號永顯工廠大廈地下C號舖 // 35759983 =
繼續閱讀
今日晚餐時段打完波，行經新蒲崗看見一個小小且不顯眼的門口， 竟然是一間西式餐廳，和朋友走入去坐低， 叫左一個小食和兩個餐。小食：酥炸單骨雞翼，熱辣辣新鮮炸起非要酥脆，單骨十分方便進食$78主食：烤美國西冷10安士配薯條$198，薯條厚切，好香脆，牛扒叫左7成熟，下次可試吓5成熟，相信更好味。主食：辣蕃茄蟹肉意粉$108， 蕃茄仔多，茄醬煮得夠濃，十分開胃， 撈埋蟹肉同辣椒粉，讓人食到不能停手。兩杯抺茶latte：一凍一熱,本人還是較喜歡熱飲。
繼續閱讀