影片
營業時間
今日營業
12:00 - 14:30
17:30 - 22:30
星期一至日
12:00 - 14:30
17:30 - 22:30
*最後落單22:00
以上資料只供參考, 請與餐廳確認詳情
-
網上訂座服務暫停
我真係冇寫過食評不過食完之後成肚氣 好想同大家分享下就係睇咗IG foodie嘅廣告諗住過去試下就打電話去訂位 因為就咁喺Google度打二把手 之前冇幫襯過 唔知道佢有兩間分店 打到過去店員接聽電話態度已經麻麻哋 唔知做咩好似好趕住收線咁 我就話想訂星期五夜晚7:30 4位 佢就同我講餐廳行緊兩輪制 一定要我早啲去（6:00pm)如果唔係就要8:30pm 之後先有位 聽到呢度已經覺得怪怪地 個店員就係咁想我8:30先去 我就話咁夜其實都唔太方便 擾攘咗一輪 店員就話冇問題 而家幫你留咗7:30 4位 我當時已經覺得好有問題 原來咁簡單嘅訂座問題要花咗我咁多時間 最後問吓店員叫咩名 佢話叫做肥丹去到餐廳坐低一埋嚟未落單 就已經拎咗一份小食嚟 店員就話試吓我哋嘅前菜 食住先好好食㗎 問店員使唔使錢？ 佢冇回答我。去到最尾check單先發覺原來個前菜要$18 嗰日食嘅係菠菜同埋蕃茄 認真啲菠菜真係可能整起咗幾日 完全已經冇晒菜嘅質地 勁淋又黑 蕃茄就全部出晒水 應該放喺雪櫃裏面壓過嚟已經唔係其他居酒屋嘅模樣Foodie推介嘅牛舌套餐餐真係把鬼雖然睇落係粉嫩 不過真係好韌啊同行嘅朋友完全食唔落口D串燒大部分又局住要叫2串起唉。。。。。。。。。咁樣真係支持不了本地消費食物質素不行服務態度也不行要一杯水也要收費
繼續閱讀
IG見foodie介紹所以嚟試下，幫大家試完伏，環境細但幾好mood裝修日式西餐feel，侍應超級好收碟快又有笑容，唔同其他食評，出菜係好快，但快到爆枱，唔知廚房急咩(8pm)。一坐低就會跟上兩兜仔前菜學日本強制消費，但個前菜竟然係泡菜😂 酒水半價純粹噱頭，唔係特别平，但成杯都係冰一啖就飲完(可能大酒抵但我唔識)。$199個餐寫係寫1-2人餐但一個肚餓小小嘅女仔自己都食得哂，啲野又得一碗仔唔知兩個人點分，湯同麵一人一啖嗎，taco一舊又點分😂。頭盤揀咗三文魚Carpaccio，原先係一種酸味+生肉組合嘅意大利開胃菜，但佢呢碟野完全同carpaccio無關係仲好九唔搭八，用蒜蓉牛油配三文魚魚生同青瓜絲，唔難食嘅但只可以用怪黎形容，開唔到胃😂日式taco只係紫菜夾住料同飯，但無提一上就要食紫菜好快淋咗，鵝肝唔夠香仲畀燒汁搶哂味。魚湯同蠔串怕腥唔好揀，無特别。串燒即燒上到枱温度啱啱好，但呢個價錢有更好食的選擇，孜然五花肉好重手咸到pk，豚肉鵪鶉蛋配薑味燒汁好怪，其他無調味串燒不過不失。羊架值得讚，夠騷，肉質剛好，唔會死咸。厚切牛舌都係，肉味濃，彈牙唔韌，好食。Order咗199餐同散叫串燒同野飲，本來驚食唔哂諗住後加串燒，好彩慳返😂 兩人未飽$400落樓，出去再食。總結無吸引點，又上foodie當。
繼續閱讀
要食建議直接散嗌串燒。1-2人餐，周年優惠要參考多D其他評論。1-2人餐$198，menu有前菜，湯，串燒x4，烏冬/飯，甜品。只要有質素，份量少就唔會係問題。湯同飯都只有一細碗，”2人”的話有少少難一齊去食。應該有更好既做法，分兩細細碗？否則可能有人會覺得少不便。 周年優惠有其他留言評個牛舌芯似橡筋，唔似橡筋，但該晚感覺都少難𡁻。食完1-“2人”餐 + 周年優惠未夠喉，再散嗌$600左右落樓。感覺散嗌相對性價相對較高少少，質素相對比較高少少。好食：玉子燒，雞軟骨。唔推雞腎，牛舌芯，同其他評論同感，自己睇。好處：星期六日其他串燒鋪，唔預約相對難有位置。“二把手” ，相對易有位置，位訂無咁困難感覺唔到服務有咩問題，有service有態度。無咩hard feeling。下次可能要Openrice睇多少少食評
繼續閱讀
網上寫11點閂門，我哋9:45到，入座個陣店員冇提到佢哋10:30就閂，淨係問我哋幾多位。一開始店員好簡略咁樣介紹餐牌，各種set各種食飯係點樣選擇，然後坐低冇5分鐘就開始係咁催我地，追住話廚房要截單啦要我地快啲落單。問題係入座嘅時候佢都冇提到我哋咁急，如果知道咁急嘅話我唔會入黎食。咁都算啦…叫完嘢食，心諗1-2人套餐應該每樣嘢都有兩份，點知個份量同普通日式餐廳嘅單人定食份量差唔多，甚至再少啲。而且店員極度冇禮貌，所謂嘅二人餐有一碗好細嘅魚湯，勁腥臭同埋唔夠鹹，諗住落啲鹽可以辟下浸腥味，想同佢反映好似冇乜味道，佢好懶醒咁樣講：碗湯得一碗㗎咋。擺到明應該好多人見到出餐個份量都會問過呢個問題😂（其實我知道碗湯係得一碗只係我冇prefer到細碗成咁），我再重申多次問佢：碗湯冇咩味，會唔會係冇落到鹽，佢就答我：「我唔知喎，都冇試過」，我唔係問你感想😂你直接攞鹽比我好過講廢話。食物方面，啲嘢食勁shit，魚湯好難飲，主食個份烏冬份量都超細，調味有啲淡同奇怪，另外加嗰份燒牛舌，好似食緊香口膠咁，咬極都咬唔爛，食到我勁想嘔，跟個個黃芥末嗰陣甜味又唔知想點。btw 我哋兩條友叫咗一份二人餐再另外加多咗份「開張優惠set?」都唔夠飽…抵唔抵食就自己諗啦其實日式餐廳每人二百幾都算係咁上下平，但係呢個份量就真係一啲都唔抵食，仲要唔好食，埋單個陣先見到原來一開頭俾嗰個前菜要俾$18，佢放低嗰陣冇提及過，佢話俾茶位費我都gur啲。and 入到嚟一杯茶水都冇，唔知乜野日本餐廳嚟，唔係一嚟就會跟一杯茶咩，佢逼住人哋一定要叫佢嗰啲勁撚貴嘅嘢飲😂大約10:15，佢已經吹緊隔籬枱嘅人走成個場得返我哋個枱，成班人換晒衫喺前面大聲傾偈等着我哋收工，氣氛勁緊張，搞到我哋都勁唔好意思，急急腳食完走人其實平時我懶得寫食評，但係呢間餐廳差到我要特登down個OpenRice去比差評，真係好撚誇張😂😂
繼續閱讀
之前睇社交媒體網站見到呢間都有興趣去，不過比OpenRice啲評價嚇一嚇，講到好似啲服務會好差咁不過我心諗，我係嚟食嘢又唔係要咩Service，最緊要好食，其他都次要今日可能平日夜晚去食～七點左右，其實都唔係好多台客，唔知係咪因為咁，其實係好好服務，有禮貌，亦都會留意大家嘅需要，係好到你覺得應該要俾貼士嗰種咁可能人多同人少嘅服務都有分別啩咁嘢食嚟講啲串燒都幾好食～反而個帶子刺身我有驚喜到，佢今日做緊啲優惠，$99可以揀一種牛料理同埋刺身，個帶子真係大大粒粒又juicy其他嘢我覺得都正常表現嘅純粹想嚟平反返服務質素嗰part啫
繼續閱讀
您可能會有興趣的...