390
24
17
| 餐廳: | 泰金鍋 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
泰式火鍋放題餐廳，有兩個蝦池讓大家即捕海蝦，扇貝、鮑魚等活海鮮，逾90款食材及飲品可任飲任食；湯底主打數泰式口味，更設有一人一鍋可供選擇。
繼續閱讀
營業時間
今日營業
12:00 - 22:30
星期一至四
12:00 - 22:30
星期五至六
12:00 - 23:30
星期日
12:00 - 22:30
公眾假期
12:00 - 23:30
公眾假期前夕
12:00 - 23:30
以上資料只供參考, 請與餐廳確認詳情
有關獎賞計劃
相關文章
this place is next level! imagine an AYCE hotpot spot… but w bottomless thai dishes (hainanese chicken, satay skewers, YES PLS) and a live prawn tank where u can catch ur own shrimp to throw in the pot!the broths? creamy lime coconut chicken had me obsessed, and they’ve got laksa, sukiyaki & more. the quality of the beef was p good, esp short ribs which were tender w great marbling. my frds loved the ox tongue. beefball/ fishball those basics were mid nglthe desserts OMG… UNREAL…. the pandan coconut puddings were sooo addictiveeee. and there’s a DIY dessert bar w shaved ice, hk dessert soups and all the toppings. 12/10 would food coma here again LOL in our tums- AYCE🐮aus m6 wagyu/ us prime grade beef short ribs/ ox tongue/ lamb🍥hotpot ingredients🍢thai dishes (satay skewers, hainanese chicken, fried vermicelli w prawn, seafood curry, prawn crackers, sour spicy chicken feet…)🧁desserts (pandan coconut pudding, coconut corn sago pudding, black sesame/ red bean/ coconut milk soup, taro, yakult/ coconut ice cream, DIY shaved ice…)🥤drinksprice: $200-400 pp rating: 8.5/10revisit? yesss
繼續閱讀
叫咗個平啲嘅100分鐘餐（M6和牛），冇時間影相。呢100分鐘，實在過得太充實，太滿足。任食嘅小菜有咖喱蝦海鮮，蝦炒飯，仲有非常好食嘅蝦粉絲（真係好好食，但係我提醒自己要留返個胃去食和牛😅)唔使另外加錢可以每人揀一個湯底，我哋2個人叫咗藥膳豬骨湯同喇沙湯。個湯本身味道已經好足夠，打邊爐嘅材料基本上唔需要點醬。但係出面都有好多醬料同埋配料比大家選擇。最好玩就係出去夾蝦，遇到啲生猛嘅蝦，真係有少少難夾，不過真係好過癮！！將生猛嘅蝦放入去打邊爐，感覺當然新鮮啦！全部都係大頭蝦，蝦肉非常結實爽口彈牙，唔算係鮮甜，但係超級多羔，橙色嘅，黃色嘅、深紅色嘅樣樣都有齊。仲有非常多嘅蝦籽，多到整蝦籽撈麵都得。M6 和牛對得住個價錢，個人就更加鍾意牛胸爽，肥而不膩，好香。牛脷都好好食，羊肉都唔錯。不過呢個餐貴啲係因為有M6，所以叫咗好多碟M6。兩個湯底，尤其是喇沙湯，放入大頭蝦同和牛之後，最後攞嚟淥蔬菜… 實在，唔識形容咁正。生果有菠蘿蜜瓜同西瓜，有甜品朱古力蛋糕、雪糕、刨冰…. 但最正係佢嘅芝麻糊… 好香。員工服務態度非常好，牛肉係落單後1分鐘內送到，雖然我叫100分鐘，大概最後15分鐘左右停咗手機落單，不過仍然可以繼續任食蝦、甜品…我埋單之後，都冇趕我走，整個用餐過程感覺良好，所以我覺得有責任上嚟寫食評讚吓佢。今日真係又好玩，又滿足。如果有條濕毛巾俾我抹手就更加好，因為真係剝咗好多隻蝦。
繼續閱讀
實在泰出色，火鍋食得多，泰式火鍋真係第一次今日同朋友仔黎到觀塘亞太中心試下特式火鍋，淨係湯底已經選擇困難一入店 已經聞到勁香椰奶雞湯味但係酸酸辣辣冬陰功又好吸引最后决定黎个B餐《澳洲下肩胛肉眼餐》包120分鐘任食 牛胸腹+下肩胛肉眼同豚梅肉牛肉質感鮮嫩，牛味濃郁，肥瘦適中，食落相當嫩滑very nice晚市觀塘分店仲每台仲送海鮮拼盤入面有鮑魚 | 生蝦 | 蠔| 花甲| 扇貝 | 墨魚仔海鮮拼盤 相當新鮮及豐富自助區除左有20到30款火鍋配料選擇外，仲有好多泰國特色小食，前菜有青木瓜沙律同酸辣鳳爪，火鍋配料必點既炸豬皮、秘製海南雞、泰式沙爹豬肉、牛肉、雞肉串燒，當然唔少得甜品，係椰汁西米糕，椰香味突出，勁好味不得不提既係呢度既泰式奶茶也太好味了（最正係可以整綿綿冰，可以加入自己鍾意嘅配料，好似椰果、仙草同三色珍多冰加埋落泰式奶茶入面心真心正打邊爐熱辣辣，整返一杯就正晒
繼續閱讀
今次行完旺角周圍搵野食, 旺角係其中最多野食揀地區之一, 因為想食下打邊爐所以就揀左呢間食, 第一次食, 整體感覺係可以接受既, 而且地方都算大, 坐得唔迫, 有好大既空間可以行既走廊, 自己比較喜歡呢類型既餐廳, 又唔會因為同隔離台太近而太嘈.食物方面, 整體算多選擇既, 牛既多少種類就睇下你揀邊個set, 不過牛既味道都算OK 而且食落都有D牛味, 係其他地方食過火鍋試過真係比較沒牛味沒鮮味.不過今次比較失望既好多蝦都訓哂覺... 所以最後都沒揀蝦食了.甜品雪條都係牛奶公司, 相比其他就比較遜色.>>>總結<<<食物質素可以接受而且環境OK, 坐得舒服, 失望既係蝦訓覺了
繼續閱讀
今日去咗泰金鍋食活蝦自助餐，一入到去，環境好有泰國風情呀，裝修充滿住色彩繽紛嘅元素，仲有個個性化嘅綠植牆同埋可愛嘅擺設，感覺就好似一秒飛咗去泰國咁。講下食物先，活蝦肯定係主角啦，睇住啲蝦喺魚缸入面游嚟游去，新鮮度十足。灼熟之後，蝦肉彈牙，鮮甜多汁，正到爆。個馬來娘惹叻沙鍋湯底，香料味濃郁，充滿住南洋風味，同香港一般嘅叻沙相比，呢度嘅更加正宗，辣度同香氣都平衡得好好。美國產肩胛牛小排，肉質軟嫩，油花分布均勻，喺鍋入面輕輕一涮就可以食，口感一流。甜品同飲品區都唔錯，有唔同嘅糖水同埋果汁。不過呢，同正宗泰國當地嘅甜品相比，呢度嘅甜品就少咗啲特色，好似唔夠甜膩同充滿泰式香料味。價錢方面，兩個人食咗六百幾蚊，包加一服務費，喺自助餐入面算係中等價位啦。小缺點就係人多嘅時候，取餐區有啲逼，而且有啲熟食例如炒粉類，放耐咗就有啲腍，影響口感。同其他同類型自助餐相比，泰金鍋嘅海鮮新鮮度有優勢，但熟食類就有待加強。其實食泰式自助餐，最鍾意就係可以盡情享受各種充滿異國風味嘅美食。每次食到正宗嘅泰式香料味道，就會諗起去泰國旅行嗰陣嘅美好時光，喺街頭巷尾搵好嘢食嘅日子。而家喺香港都可以食到類似嘅味道，雖然唔一定一模一樣，但都可以解下饞，重拾嗰種快樂嘅感覺，呢種透過食物連接起嘅記憶同情感，真係好珍貴。
繼續閱讀