影片
開飯介紹
位於兆萬中心的藏戶概念館，店方花盡心思粉飾。充滿西式格調的裝潢。大部分食材每天從九州及北海道返貨，供應不同種類的刺身。與一般日本餐廳不同和有別於傳統的日本菜式，推介菜式有牛肉及招牌藏戶卷。
繼續閱讀
營業時間
星期一至日
12:00 - 15:00
18:00 - 00:00
以上資料只供參考, 請與餐廳確認詳情
招牌菜
食評 (123)
一向係呢區都唔會信任何廣告牌, 因為食物永遠同相入面既差100%..不過今次唔係一入去, 感覺ok有格調的, 坐係窗邊, 明明望住旺角街景, 但覺得唔係旺角咁有鬧市既方便, 又有高級既食物質素 同 唔會嘈到拆天既場所, 呢個價錢絕對唔貴西京銀雪魚相對價錢, 跟我expect的差不多, ok唔錯3, 當然唔可以expect酒店既質素. 未夠好香, 未夠好滑, 未夠好鮮鵝干配芒果醬壽司鵝干燒得干身左d, 香得黎焦左點, 唔juicy, 唔酥, 唔係好油, 如果可以真係用芒果會好d三文魚腩壽司 正常肥美甜蝦壽司高質, 又肥又大隻, 好鮮甜, 有點靠向牡丹蝦既質素, 唔錯唔錯!海膽壽司 (不是一板的那個, 因為在MENU上一板的那個賣既價錢昆比較低的, 不同類)價錢高, 因為, 真的有靠向北海道既質素!! 口感厚, 極鮮甜, 份量多! 正!! 推介!赤貝壽司唔錯, 不過我expect會係真係即開個d, 但係呢個質素唔係即開, 不過接近甜蝦帶子油醋漬甜蝦都係又肥又大隻, 帶子鮮甜, 配上油醋, 新鮮醒胃, 推介!北海道鮮帶子壽司 好靠近北海道既感覺! 口感爽, 極鮮甜, 呢個唔係高級解凍帶子可以俾到的, 而係新鮮開殼出來, 活活的鮮! 強烈推介!劍魚腩壽司肥美, 冇渣, 不俗! 可惜呢度冇油甘魚腩..安格斯牛鍋鍋底唔錯, 配上各配料, 尤其係粗粉, 食完生野暖下胃, 唔錯!
繼續閱讀
小弟老婆比較少試新野, 同我有好大分別, 我最喜歡周圍搵食試新菜, 講到日本餐, 好多時都會記起藏戶, 貪旺角交通方便, 而旺角又的確比較少有傳統日式餐廳, 尤其是兆萬中心, 九成放題, 所以特別記得藏戶, 全幢兆萬中心唯獨它是a la carte記得上一次, 我有評論他們的服務做得未夠好, 今次有了明顯改善, 可能是暑假關係, 多了幾張新面孔, 歡迎客人時起碼多了一些笑容及親切感好一段時間沒有幫襯, 餐牌都改了最喜歡他們的厚切剌身, 鮮度保持得宜, 炎熱夏天, 咬一口冰涼的刺身, 慢嚐其鮮味, 爽丫! 由於太心急, 食完才如夢初醒, 忘記給相機也品嚐一下 店家的招牌 牛舌串 當然要回味一下(也是吃了一串才記起要拍照留念), 比其他店切得厚身, 可增加彈牙口感, 中間呈粉紅色, 這就對辦了! 是我認為最理想的生熟度, 必需趁熱食, 滴少許檸檬汁, 配合黑椒碎, 相當惹味juicy還有 味醂魚干 , 有些人叫一夜干, 即是雞泡魚干, 這裡其實可以預訂季節性活魚, 不過一問之下, 雞泡魚要近千五至二千, 真捨不得, 吃不起刺身, 吃些魚干亦不錯, 坊間大多用台灣貨, 口感較乾較硬, 我老人家咬不動, 這裡註明日本貨, 一吃就分得出來, 而味醂到底是怎樣的調味料, 我到現時仍不太了解, 反正是甜甜的, 醮點沙律醬, 每次都嫌份量太少除串燒外, 今餐特意點得比較清淡, 多菜少肉, 先來一個我的最愛, 清酒煮蜆蜆沒有沙, 清酒味不算濃, 喝一口湯便嚐到陣陣酒香, 煮的時間還差一點點, 有好幾隻蜆不夠熟未打開(不是死的那種), 要人手代勞, 當然是自己動手, 不過蜆還是有鮮味的近來堅持每一餐都要有青菜, 保持健康, 平衡飲食, 店家熱的素菜選擇只有炒什菜及焗什菌, 我都不太喜歡, 店員建議了 清酒比目魚鍋, 因為夠清淡, 這好像跟煮蜆重覆的湯底, 我著店員不如省去清酒, 只用清湯就可以蔬菜果然滿滿的, 還有兩小塊滑豆腐, 正合我心意, 用菜取代澱粉質填肚子是不錯的idea, 蔬菜的清甜, 跟比目魚的鮮甜, 互相爭風吃醋, 哈! 反正是平凡中的美味最後, 因為我們是老客, 廚師送了他們的新出小吃給我們試試, 白飯魚天婦羅白飯魚是日本的, 跟本地的不一樣, 這種是有魚春的, 特別肥大, 皮炸脆且薄身, 肉厚, 帶少少魚春的卜卜脆, 質感上不錯, 如果用來佐酒, 可以多撒一把鹽來提味
繼續閱讀
今日夜晚去左藏戶概念館晚餐，因為一心想食刺身。去到啦，咁間野門口有個booth，隔離遠少少就有個架，上面放左menu，咁我同男友就即刻揭個menu睇下有咩啱食。本大menu入面夾左張寫住啲定食嘅細menu，我見有刺身飯，就話ok之後跟個waitress入座。之後叫嘢食，個waitress話無刺身飯，嗰個menu係for lunch嘅，咁算啦，散叫(但menu無寫係lunch/供應時間)。我叫左兩件刺身+冷烏冬，男友叫左個安格牛湯烏冬，加埋around$17x (另加一)，味道就一般啦，無咩特別。之後食到七七八八，其中一個waiter拎本menu過嚟問我哋有無食物想追加？我話無，因為覺得味道普通。點知佢話每人最低消費未計加一要$120up，我同男友完全唔知情。之後男友問邊到有寫，佢話門口。其實佢真係有寫，寫左喺個booth左上角，但嗰個位咁啱反光，除非你行到好埋，否則唔會睇到上面寫咩。同埋我哋埋單走人後見有幾個女人同我哋一樣都係睇完menu就衝入去，根本唔會留意嗰張告示仔，而個waiteress亦唔會提你。當然，我同男友都有唔啱，只係想提大家日後去餐廳食嘢要望多幾望先好入。最慘係間嘢食物質素一般，你話好食嗌多兩樣就無所謂姐。。。
繼續閱讀
食旺角行完街又要搵食，想食日本野記得係兆萬有間食過既日本野環境野食都幾好梗係再去睇下啦上次去食都覺得食物質素唔錯，今次再黎好似又高檔左，竟然有活魚刺身，梗係點返條試下啦，當然唔少得再叫其他野食啦鰻魚飯呢個鰻魚飯無咩特別，只不過食表妹喜歡食，所以點。其實係日本食過鰻魚飯之後，係香港都好難食到果個質素泡菜豚肉鍋鍋物當然唔少得啦，味道還可以蕃茄沙律沙律裡面加左D露荀，都幾特別主菜 - 伊佐木活魚刺身初初都估唔到佢有活魚刺身，仲要有幾種唔同既魚，有赤陸，喜之次等等，今次叫返條伊佐木試試伊佐木係白身魚，食落甜味不錯，都算係新鮮，刀功可以，但可以都係薄身魚，切得有D細，口感可以有進步壽司拼盤食日本野梗係要試試壽司啦，魚生方面還可以，可惜D飯太實，少左份口感今次都算有驚喜，估唔到兆萬都有較高檔次既日本野食，質素都唔錯而且唔會太貴，可以再Encore!!
繼續閱讀
很少在旺角開餐，今日約了朋友在這區吃晚飯，在網上找到這家日本料理，看食評似乎不錯，儘管一試無妨。大廈食肆大部分都是放題，唯獨這間食店是點菜的。日本料理是我們的最愛，根據食評介紹，隨便點了幾道菜，包括特上刺身拼盤、海蝦天婦羅芝士卷、香蔥吞拿魚腩卷、雞中翼串、日本什菜安格斯牛肉鍋、牛舌串和芝士魚餅。除了特上刺身不是那麼突出，其他的都算中規中矩。刺身拼盤的三文魚挺肥美，牡丹蝦夠彈牙，海膽也新鮮，但吞拿魚沒有鮮味，比較遜色；牛肉鍋一向是我的最愛，尤其是那甜湯底，加上窩蛋，我認為是絕配的；天婦羅芝士卷是很多食家的推介，是一道挺特別的菜式，只是略嫌芝士味不夠濃；串燒和魚腩卷也算可口味美，魚腩卷的吞拿魚如果可以多一點就更好；芝士魚餅就像一口芝士那樣，只是外皮是魚餅，吃起來沒有那麼肥膩。埋單六百五十多元，其實都不算便宜，下次不要點刺身（$298)，換其他燒物或串燒應該會化算點。
繼續閱讀