3
0
0
以上資料只供參考, 請與餐廳確認詳情
招牌菜
已经去過這家飯店好几次,是好有誠意同好吃既小菜館,店員也親切,介紹食物先冰镇醉蝦,鮮甜爽口正冰鎮鮑魚,清清的玫瑰露浸完又煮.送酒一流海瓏皇雞煲,好多鮮甜海鮮湯浸煮,湯味甜美,一定冇味精又蟹又蝦又帶子正粉絲蟹煲,乾身.好味辣酒花螺..........好味呀又新鮮有誠意的小店熱誠,店鋪位置不難找.......但要上一樓.另外用戰鬥碗有風味正酒客必備........
繼續閱讀
出街食飯,想食海鮮,不是酒樓就到布袋澳或西貢等地方,老實說雖然美味,但黎黎都係果幾樣款式,食左咁耐,的確有d悶。酒樓地方海鮮小菜都係一樣,來來去去都係果d。有時想同父母及爺爺麻麻食飯,亦難以搵到岩佢地食既野 , 因為而家香港地 越黎越少地道菜 , 多數為日式韓式泰式或西式等。今次就比我搵到呢一間蜑家風味海觧小廚 (其實都係咁岩去完樓上日x食 見到)行入去見到菜牌後覺得屋企既皇上,皇太后,太上皇同太皇太后一定鐘意食 (佢地成日話出面d野唔岩食,成日搵d野食佢地都唔岩.好難服侍 = =) 結果馬上訂位 , 於國慶日食飯!!sorry 廢話講多左,而家係主要內容:冰鎮醉蝦 : 呢個頭盤不得了! 店員親自係個魚池到撈d蝦上黎,之後係我地面前落d玫瑰露焗d蝦 , d蝦一索d酒真係生蝦咁跳! 之後就拎左去冰鎮 , 上台既時候我望d蝦原來熟既 , 我開頭仲以為生食 , 問左店員原來係焗完d蝦再用玫瑰露煮熟佢再冰鎮! d蝦咬落去非常爽口彈牙,亦充滿酒味!但又不會食唔到蝦味, 呢個菜我地第一次食,真係有讚無彈!蜆煮盲曹 : 類似油鹽水煮法 , 個湯非常鮮甜,比一般油鹽水更有風味! d蜆肉甜到不得了!我未食過咁甜既蜆肉!!條魚肉質不錯,非常嫩滑!龍蝦花甲雞煲 : 我開頭以為係一款小食一煲上咁, 原來可以打邊爐既 , 不過我因為我有叫其他野,所以都係當佢一款小菜咁食。 呢個湯底真係不得了,雞+龍蝦+花甲既鮮味係哂d湯到,唔怪得用黎打邊爐都得,湯頭激掂呀! 龍蝦同花甲都好新鮮,雞肉亦因個湯頭更好食!小炒皇 : 有d西芹,腰果,班粒等炒成, 岩哂酒飲!!咁次試住咁多先,下次再約多d人每一間房再食大餐! 老閤話呢到d海鮮打邊爐好正,我下次一定要試下先,另外見到隔離台食一個叫 雷州雞既野 , d湯紅到不得了,應該幾辣下,下次同老婆2個人黎試!!食完呢餐,屋企果4老開心到返到屋企都話正,話夠特式 , 我呢個仔&孫 食次都算選岩左囉!
繼續閱讀
一班朋友聚舊,朋友提議這間新開的飯店,地點方便仲有VIP房。環境不錯,食物質素高。現在流行的雞煲也是集中於辣,有時一班人未必個個都食得辣,這裡的雞煲就是鮮味,雞煲配龍蝦-d 雞索哂龍蝦的味道-----正。蜆煮石班完全係蜑家風味,好似油盬水的做法,個湯甜到不得了。。條魚又滑。。冰鎮醉蝦-侍應會先將d蝦放在煲裡,在我們面前放入玫瑰露,雖然有點殘忍,但d蝦勁生猛。。醉哂的蝦再煮熟及冰鎮。超級入味。特別推介-天婦羅金菇,不油膩,送酒一流。。一行十二人又傾又飲,食到好飽。。超級滿足的一餐。。。
繼續閱讀