影片
以上資料只供參考, 請與餐廳確認詳情
相關文章
12月仲食緊生日飯，超開心今晚B女和我食生日飯，凍凍地，最好就係食雞煲加打邊爐la陸陸雞煲火鍋海鮮套餐$298(加一)陣容頂盛有冷盤小食，雞煲，龍蝦湯，海鮮火煱拼盤，肉類，手打丸，餃類，響鈴，炸魚皮，蔬菜菇菌類先來一個冷盤花螺小吃，花螺鮮甜，肉質彈牙，正雞煲即叫即做，雞煲大約有半隻雞，雞煲上枱後，店員會為客人攪拌煲內雞件及配料，攪拌完畢，等大約2分鐘等焗出配菜香味就可以食得la雞煲揀左小辣，雞件肉質嫩滑，加埋洋葱，青椒，大蒜，芫茜，芹菜等配料，甜中帶小辣，非常香濃惹味食完雞鍋，龍蝦湯底隨即奉上，嘩！隻龍蝦嘅長度有成個鍋咁大真係唔係講笑！龍蝦放在湯中繼續滚多一陣，令湯頭更濃郁，更鮮味海鮮火鍋拼盤有鮑魚，帶子，貴妃蚌，廣島蠔，蟶子，大蜆，海蝦，大頭蝦，選料上乘所有海鮮都很大隻，很新鮮，尤其是鮑魚，上枱的時候仲係郁下郁下，勁新鮮，貴妃蚌和蜆勁大隻，真係無稔過$298嘅雞煲+海鮮火鍋套餐有咁好嘅質素，幾驚喜鮑魚好腍好鮮味，大頭蝦的蝦頭超多膏，肉質爽甜，貴妃蚌肉質彈牙爽口，好美味呀肉類方面有頂級牛肩胛片，牛柳粒和豬肉片~牛肩胛片牛味濃郁，肉質爽口，淥幾秒就食得，反而牛柳粒要淥耐少少，肉質較腍手打蝦丸，手打墨丸，手打猪肉丸~手打丸爽滑彈牙，尤以蝦丸和墨丸最正魚皮餃，雲吞，水餃，白菜豬肉餃，韓式泡菜餃~雲吞皮薄，蝦和豬肉比例不錯韓式泡菜餃用泡菜和粉絲做 餡料，少少辣，幾惹味自家炸響鈴~豆味濃，索哂D濃蝦湯汁，炸魚皮~鬆脆菇菌類拼盤~有5-6種不同的菇菌，份量幾多鮮菜籃~有皇帝菜，紹菜，油麥菜和生菜，全部都好新鮮自家製竹庶茅根$58~好清甜，滋潤又解渴
繼續閱讀
3個女仔又話要邊爐又話要雞煲，最後6點鐘就去左旺角呢間唔係任飲任食既雞煲火鍋。可能係由於平日同早既關係，所以餐廳無乜人，服務員態度好好，亦都會推薦餐廳既手打菜色同主打飲品。由於我地都唔太食辣既關係，所以嗌左個大煲少辣走芫荽！雞煲偏重口味，食落會愈食愈上癮，不過略嫌大雞煲好多都係骨同皮，甚少肉。我地嗌左唔少野食，但最後都食唔晒有些少浪費，但都極力推薦陸陸六寶丸，真係手打丸黎，而且墨魚丸好有咬口。好可惜每款只有2粒咁大把，要share黎大家一齊食啦！而埋單每人都要大概300蚊左右，不過以質素黎講值得既。
繼續閱讀
青島，何解只得罐裝架？支裝先好飲囉。like like 送食物？我好懶，費事煩。火鍋用水果作前菜？印象中都係第一次見。辣子腸頭，第一次品嚐此道菜，十分香口喎！麻辣細膩有緻，先來皮脆肉嚥韌，趙開脆皮內藏肉汁，辣味搶閘而來，繼而麻麻的，慢慢滲入味蕾再運行全身，冒汗了，暢快！例陸陸雞煲中辣中麻，雞件預早炒過，雞皮焦香帶著麻辣汁，辣中帶麻再散發香甜，雞肉嫩滑而醃味到加，滿足。消滅所有雞肉後，加清湯轉換邊爐模式，繼續食唔好停，殺呀！萵筍，油麥菜的翠綠嫩莖，輕烚爽脆多汁，口感十足竹筍樣。浸耐一點，變得軟棉棉，辣湯已滲入其中，像瓜一樣的質地充滿湯汁，好味呢。頂級桂花蚌，拖一拖，拉一拉，得左！鮮甜滑脆彈集於一身，正！海參肺部估不到那麼可口，仿似有水果的味道，日本仔仲改個勁華麗既名字，無得輸！頂級封門柳，即橫隔膜，難得的部位，每隻牛只得一條。鬆軟棉棉牛味濃郁甜美，最緊要新鮮，好食啊！魚轉彎，魚的下巴的三角位置，無骨肉厚，超嫩滑的質地，魚味濃濃，魚汁豐富而甜味出眾，最愛骨少啖啖肉，正啊。手打蝦滑，不用加蔥喇麻。粒粒蝦肉清晰可見，一氣呵成掉晒落湯讓她們自由地游游水浮沉一下，得左！用筷子夾起已感受到她們的結實，凹凸不平的口質有點特別，嚐到淡淡蝦味與微爽蝦肉，醃味略重，過得去，一試無妨。例陸陸雞煲中辣中麻，越滾越辣，但散化苦澀味，都係盡早挑走所有辣料香料較好，因為越滾越苦呢！食飽飽，沒有浪費全部食晒，任務完成，徹退！
繼續閱讀
呢到嘅雞煲好香好滑 而且夠哂辣 材料新鮮而且仲有好多飲品選擇 我次次都食香蕉冰好好飲而且 佢地炸魚皮 好脆 好香同其他鋪頭唔同架而且侍應全部態度都好好耐心解答你嘅問題真係值得一讚
繼續閱讀
收工同老友食宵夜，佢鐘意雞煲，我梗係陪佢啦，我第一次試里間，佢住附近成日來。入到去本身有幾張吉枱，甘有位侍應帶左我地去其中一張，也已經坐好晒，點知另一個侍應叫我們轉另一張，理由忘記了，其實口講無所謂，但心點都有D吾高興，比着係你，你會點？叫左半隻雞既雞煲，個火開到好大，初初都有人幫手搞下個煲，過左一陣個侍應行開走，甘我地咪自己搞，無幾耐佢又返來，叫我地吾好搞，等一陣就食得，就係里一陣個煲燶左痴底，我們想加湯，但個侍應話吾好，食甘D先加，要打邊爐時先加，我朋友好怒氣甘講:"甘痴底吾加水可以點？"後尾有加水，但有燶味lo,成件事錯晒!叫左個桂花蚌，好新鲜咩？食吾出lo，豬腸同牛柏葉，亦無咩感覺，由於個湯底差，食咩都吾開胃，亦都吾想再加野只有兩隻連殼带子叫左好D，自己燒幾好玩，都鲜既，加一楂檸檳如果個煲無燶到，D食物可能會好好多，我應該吾會再來
繼續閱讀