影片
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
今次星期日午餐黎到旺角創興廣場食呢間好出名嘅由台灣黎嘅馬辣頂級麻辣鴛鴦火鍋♨️位於交通位置好方便嘅旺角創興廣場嘅14樓，原來而家午餐時段黎係無 限 時 任食😱‼️由12：00食到佢地落場嘅16：30😵😵‼️食足4個半鐘😵‼️都係$168一位，如果星期五六日假期同前夕都係每位+$10，仲要免收加一🫢真係慢慢食慢慢點都得😌一入門口就已經俾佢呢間黃巴士吸引🚍😆✨️， 佢左右兩邊都有啲蔬菜同肉類可以俾你夾👍，當然要食啲靚啲嘅肉就電話掃QR Code點啦😌黎到呢到梗係要試佢地嘅招牌湯底-台式麻辣鍋啦🔥，另一款我地叫左酸菜白肉鍋🐖麻辣湯底唔會好辣，幾適合香港人口味，辣得黎有少少麻，好惹味‼️仲有啲鴨血係入面，幾滑，如果唔夠嘅話，出去黃巴士可以任你添架😆👍比起麻辣，酸菜白肉鍋可以比較淡味啲，可以用黎涮下蔬菜🥬🍄都唔錯👍唔好以為每人百幾蚊啲肉實唔靚，佢都有成7款肉可以揀架：🐂頂級梅花牛🐂極上無骨牛小排-推薦👍🐂特選安格斯黑牛-推薦👍🐂精選牛五花🐖黑豚五花肉🐖黑毛豬五花🐐頂級小肥羊肉海鮮方面都有好多選擇：🦐海蝦-幾爽幾大隻✨️推薦👍🐟脆肉鯇魚骨腩-最鐘意食脆鯇嘅邊邊位，夠脆✨️推薦👍 🐟脆肉鯇魚片🐔雞子🐟鱔片✨️沙白✨️佢啲肉真係一啲都唔馬虎，特別我鐘意安格斯同牛小排🐂，幾有牛味同埋一啲都鞋✨️👍✨️出面仲有啲蠔可以夾，雖然係急凍，但都幾飽滿✨️仲有隻叫麻吉燒，有花生同芝麻味，好似湯圓咁，放落煲到煮一陣就可以食啦😆入面爆晒啲餡出黎，好香滑👍✨️服務員加湯唔係求其加啲清湯，佢會問返咩湯底會加埋個隻湯俾你架👍‼️所以湯底唔會越加越淡♨️✨️呢個價錢仲要包埋飲品🥤🧃同埋啤酒🍺任飲😵‼️甜品🍨🍧仲要任食😵，細食嘅朋友食到4點半夜晚個餐都可以慳返🤣🤣性價比真係超高嘅鴛鴦火鍋放題😃😃👍‼️
繼續閱讀
呢幾日天氣話凍就凍，當然要去打邊爐，烚吓烚吓啦😏今次我就揀咗食台式鴛鴦鍋嘅馬辣，貪佢地點夠方便，性價比又高👍🏻呢度2.5小時任飲任食大人$208，小童$118鴛鴦鍋有10款湯底可以揀2款，我地揀咗酸菜白肉鍋同埋蔬菜清湯鍋，牛肉|豬肉|海鮮|其他收費食物 用QR code落單，蔬菜類|雞|丸類|醬汁|甜品|雪糕|啤酒|飲品 等就喺自助區自取我地另外叫咗份海鮮盤($138)同埋乳鴿($38)海鮮盤有鮑魚|蠔|帶子|珊瑚蚌|桂花蚌|魷魚 非常豐富😍鮑魚食落好爽口彈牙，帶子好鮮甜，珊瑚蚌桂花蚌都好爽口，乳鴿皮脆肉嫩👍🏻QR code落單嘅極上無骨牛小排肉質結實，特選安格斯黑牛仔肉味濃郁，頂級牛梅花肉質軟熟，黑毛豬梅花肉肉質軟嫩，海中蝦口感彈牙，沙白爽甜無沙黃巴士自助區食物種類超多，除咗一般港式打邊爐嘅響鈴|枝竹|魚皮餃|午餐肉|金菇 之外，台式嘅麻吉燒|台灣豆串|甜不辣|台式香腸|滷大腸 都有👍🏻甜品櫃就有啫喱糖|桂花糕|芒果布甸|瑞士卷|士多啤梨奶凍|豆腐花 等，另外仲有個手工甜品自取區，有即叫即整嘅棉花糖|椰汁西米露|牛油麵包布甸|法式燉蛋飲品都係好多選擇，最正係1664 Blanc同Sapporo生啤任飲，仲有罐裝啤酒|罐裝汽水|罐裝果汁|紙包飲品|咖啡機|豆漿|椰青水 呢度打邊爐環境幾舒服，完全無侷促嘅感覺👍🏻下次叫埋班朋友再嚟打邊爐☺️
繼續閱讀
旺角火鍋集中地創興，雲集好多唔同集團既火鍋放題👀，馬辣係cp值好高既一間，有Sapporo同1664生啤任飲🍺，11月仲要打卡有乳鴿送平日晚市放題2.5小時$208✅✅……………………………………………………1️⃣優惠一：持全港食肆單據，每枱減$202️⃣優惠二：晚市like+share每位送半隻乳鴿……………………………………………………平時叫鴛鴦湯底一定要加錢，但呢度唔洗🫣我地叫左台式麻辣🌶️同藥膳豬骨🐷，2款都好夠味👍🏻🥩肉類有極上無骨牛小排、安格斯黑牛仔、牛梅花、牛五花、羊肉、豬牛花等，推介牛小排，大大塊油脂分佈均勻❄️，要encore再encore😍自助區選擇好多🤩，唔係平時果啲得菜同丸，海鮮都有😳😳有蠔、魷魚、蝦、牛柏業、鵝腸、鴨血、福袋、餃子等等，如果中意食海鮮可以加$138要個海鮮拼盤🐟🦐🦑，拼盤超足料有鮑魚、珊瑚蚌、桂花蚌、帶子、蠔，啲蚌好大件頭好爽好新鮮❣️都幾值得加另一重點係佢個手工甜品區，有即燒焦糖布丁🔥、香蕉班戟🍌、麵包布丁🍞等，味道唔錯，仲有雪糕櫃同甜品櫃，勝在款式較多🫶🏻🫶🏻overall:以二百蚊嚟講，有2個半鐘食時間好夠👍🏻款式多，質素有誠意，飲酒既朋友更加推薦
繼續閱讀
又轉天氣啦，一涼就好想去打邊爐啦，旺角創興廣場有好多間打邊爐，樓下見到馬辣台式火鍋，打卡就送乳鴿，仲有自費海鮮拼盤，份量好大仲好新鮮。有多款湯底可以揀，我地揀左酸菜白肉同芫茜皮蛋，唔使甘燥，清清地。有多款肉類可以揀，安格斯牛，牛小排，牛五花，豬肉都有齊，而且出面4個大雪櫃，有齊蔬菜，丸類，豆制品，自制餃子，好正。飲品櫃都有幾個，睇到眼都花，仲有啤酒任食，仲要係1664同sapporo, 絕對回本之選。除左甜品櫃同雪糕櫃，仲有手工甜品都不能錯過，有專人整既法式焦糖燉蛋同朱古力香蕉pancake, 亦有中式甜品。
繼續閱讀
本來一早訂咗7:00入座⋯點知塞車要遲10分鐘先到⋯06:30打電話去同佢講聲，叫佢留枱俾我⋯喺電話度就話冇問題⋯點知7:10嚟到就話我過咗時間要重新攞飛，串到爆炸叫我再等過，咁我一早打電話講咗叫你留枱⋯如果你留唔到枱同我講聲，叫我嚟玩我咩⋯呢幢大廈大把選擇我唔一定要幫襯你架😡😡有四人卡位都hold住咗唔比人坐唔比人轉位，知你而家多人幫襯啦🤷🏻♂️🤷🏻♂️ 祝你生意興隆😡😡早日深圳開分店😡😡
繼續閱讀