馬辣台式鴛鴦火鍋 (創興廣場)

營業中

休息中

雖然星期五六日同公眾假期前夕都要每位加錢，但係講緊每人都係唔使250蚊，火鍋配料選擇多，而且食物質素一啲都唔差，飲品方面除咗罐裝啤酒之外，仲有生啤自助任飲，其實呢個價錢都真係冇得輸。三款牛肉嘅質素都唔錯，起碼真係有牛肉味同埋少肥膏，脆肉鯇同埋白鱔片雖然每次嚟得少少，不過起碼唔會食到咁上下會鎖你機唔畀你再叫。至於自助火鍋配料我就鍾意牛筋、魷魚、牛柏葉、鵝腸同埋豬大腸，唯一缺點係佢啲餃類嘅味道麻麻地，另外值得一題係佢哋仲有手工甜品區，有即叫即做嘅棉花糖，真心正。

去咗旺角呢間火鍋店，座位夠晒闊落，佢哋主打任食火鍋，仲有勁多甜品、配菜、飲品比你自己拎，都係任食㗎，真心超抵👍🏻任食火鍋 （$208位）鴛鴦窩 (+$60)火鍋可以任食2.5小時😍 如果晚上七點前你仲再減$40👍🏻 真係超超抵🥰 我哋揀咗胡椒豬肚湯底同埋花雕醉雞湯底，真係超足料啊，有半隻勁大嘅雞❤️ 湯底食落仲好有酒香😍除咗頭先講出邊嘅配菜可以任拎之外，個餐裏面都有牛肉、豬肉、羊肉，同一啲基本嘅海鮮都有得叫嫁👍🏻海鮮盤 ($138)我哋仲加咗海鮮拼盤，真係超超抵，入邊仲要有鮑魚、帶子、珊瑚蚌、桂花蚌、蠔、魷魚，全部都勁新鮮👍🏻 鮑魚夠晒彈牙，帶子又夠鮮甜❤️乳鴿 （$38）另外我哋仲叫咗一隻乳鴿，皮脆內嫩，呢個都好好食㗎😍 不過如果四個人一齊去食，其實佢哋都會送一隻乳鴿㗎👍🏻值得一提，係佢哋甜品區，係有即整嘅香蕉班戟、焦糖燉蛋，同埋勁大支雞棉花糖食㗎😍😍😍

去左旺角創興廣場一間火鍋店「馬辣台式鴛鴦火鍋」環境寬敞舒適，餐廳採用電話QR code點餐，方便快捷。肉類和海鮮等主要食材需透過QR code點餐，而蔬菜、丸類等配料則可自助取用， 甜品和生啤更可自助享用，2.5小時任食時間非常充裕！先享用花雕醉雞煲，再涮火鍋，雙重滋味！花雕醉雞煲份量十足，滿滿一大碟！新鮮雞肉已切件，雞髀部分尤其嫩滑，花雕酒香濃郁，令人回味無窮！享用完雞煲後，再慢慢涮火鍋😍海鮮拼盤 $138海鮮拼盤選擇豐富，包括鮑魚、蠔、扇貝等，海鮮鮮美彈牙，色澤誘人肉片薄切，入口即化，嫩滑無比😋新鮮彈牙的海蝦🦐，口感豐富，令人回味無窮！還有沙白、魚片、蟹子等多款海鮮任您挑選另餐廳推廣優惠1️⃣母親節限定優惠 由5月1日-5月31日（感謝月），四人以上同行送豉油皇乳鴿一隻2️⃣限時優惠憑全港消費單票尾晚市減 $20馬辣台式鴛鴦火鍋，豐富的食材選擇、舒適的用餐環境和超值的任食時長，絕對是旺角聚餐的最佳選擇😍🎇馬辣台式鴛鴦火鍋🎈彌敦道601號創興廣場14樓

同爸爸去完旅行之後，再次見識到佢嘅食量！返嚟之後就同佢食火鍋放題🤣 今次揀咗馬辣台式鴛鴦火鍋，擔佢可以食兩個半鐘再加$208就可以食到所有食物！七點前離座成人，每位仲減$40！食完之後發現食物唔差之外，仲有更加多值得推介嘅地方，一於分享俾大家！母親節優惠🌟 （優惠睇餐牌圖片，唔夠位upload）成個五月（1/5-31/5）只要四個人以上去食嘢，就會送豉油皇乳鴿一隻！我自費試過，味道都唔錯，仲幾多肉！😙餐廳支持留港消費憑全港消費單據票尾，於晚市惠顧每台減$20 ！只要你出示任何喺香港消費嘅單據，無論價錢係幾多，就可以減$20😍 （記得要兩人起先可以用呢個優惠）會員優惠做咗餐廳會員之後，有迎新優惠，每人減$10 （記得要入座前出示）。仲有獎賞計劃，兩蚊等於一分，儲夠1500分仲可以有$180現金券 （差唔多等於free左一個人🤩）學生優惠出示全日制學生證學生，仼何時段減$10！價錢+入座時間🌟午市12:00-16:30係無限時放題（兩人起），只需$168，免收+1 ！除咗冇牛小排白鱔片同青口其他同晚市一樣多！😳 晚市雖然得2.5小時，但我覺得都好足夠，同埋只係需要$208連+1，好抵食！

黎到旺角一定係多野食多選擇既，如果食火鍋都有唔少選擇可以揀，因為呢間馬辣未食過，所以就試下啦，都等左30分鐘位。 200幾蚊 50分鐘任食任飲，價錢比較之下一定係抵既不過食物種類同質素就會比較普通了。牛既種類部位都會比出邊少好多而且牛味都唔重唔濃，食落沒咩牛味。蝦既味道都可以接受，肉質一般，食左幾隻都唔係潺同林既肉質但唔係鮮甜味道架啦。出去都有其他普遍打邊爐既配料可以夾，不過有啲雪到結哂冰，午餐肉太林了。牛柏葉同豬肚口感同味道算正常。另外，有飲品同甜品同雪糕雪條可以揀。整體都係比較大路既食物，肉類就真係唔係多選擇，食物質素真係勉強過關又唔係吸引既。追求多肉類同種類選擇同要質素既就真係揀其他火鍋食，呢間叫做相對較平而已。

餐廳的火鍋湯底也挺多選擇，有多達10款鍋底，辣與不辣的也有～選了藥膳豬骨鍋及芫茜皮蛋鍋～味道香濃，藥膳鍋的帶點藥材的甘苦，而芫茜皮蛋鍋的，芫莤都鋪得滿滿的，很香～頂級牛梅花～牛脂分佈也平均，肉質冧軟，牛味濃～黑毛豬梅花～豬肉質感冧軟，豬味較濃郁～脆肉鯇魚腩～魚肉新鮮肥美，質感爽脆，超正～海鮮盤(1個)～有鮑魚、貴妃蚌、珊瑚蚌及帶子，都很新鮮，很乾淨，份量足，性價比高～海生蝦～很新鮮，蝦肉鮮甜彈牙，必吃～甜品方面，除了雪糕及雪條外，還有一個甜品櫃，內裡有啫喱糖、泡芙、芝士蛋糕、豆腐花及慕絲等，選擇多，味道也很好～

好耐冇食，今天再一次光臨，午市放題$168一個人，以前係唔限時間，而家一個人只可以食2個鐘，本身手機點餐就麻煩，每個種類數量不能多於2，要分很多次下單，每一次只能點2隻蝦而且有D蝦唔新鮮，煮熟之後肉質好腍，明顯係死蝦。兩個人以上就可以食無限時，問題係2個人除返開一個人嘅價錢都係一樣，憑乜佢哋可以無限時，要麼全部兩個鐘，如果唔係很唔公平，本身就係見係任食無限時先至去食。價錢又唔係平得去邊，種類又唔係話多。衹能講以後都唔會再嚟食，呢個價錢食兩個鐘，不值得，不配。

旺角創興一向多火鍋店，依間「馬辣台式鴛鴦火鍋🍲」好多食物選擇，而且適合多人聚會。當晚滿座好熱鬧！場內好多肉類、海鮮食物都係經電話QR code落單。其他火鍋蔬菜配料：包括丸類、蔬菜🥬就可以係中間架「車車🚗」同拎甜品🍮，生啤機自助斟酒。2.5小時任食，時間好充裕。［先嘆雞煲，後食火鍋🍲］花雕雞煲：雞嘅份量滿晒成個大碟，先食雞煲慢慢食！鮮雞肉已經切件；雞髀位🍗質感超嫩滑。之後先慢慢打火鍋。海鮮拼盤（收費）鮑魚、蠔🦪、扇貝；款式多元化，而且海鮮質感彈牙；望落👀色澤都幾靚好吸引🤩。多款肉類火鍋配料：所有肉類都切成薄片，肉質都好嫩滑，食落唔會覺得鞋口。海鮮🥢/丸類配料多款海鮮配料，包括海蝦、沙白、魚片🐟及雞子等等任叫唔嬲。最鍾意食海蝦，原隻食豐富既口感而且彈牙✌🏻

👉🏻鍋底鴛鴦鍋我點了胡椒豬肚鍋，湯底鮮香，胡椒味道適中，配上脆嫩的豬肚非常合適。藥膳豬骨湯則味道濃郁，喝起來有種暖心的感覺，適合寒冷的天氣。👉🏻頂級牛梅花和極上無骨牛小排都很值得推薦，肉質鮮嫩，煮熟後的口感相當不錯。脆肉鯇魚腩和脆肉鯇魚片也很新鮮，口感滑嫩，適合搭配鍋底的湯。👉🏻其他海鮮如沙白和海生蝦都保留了海鮮的鮮味，吃起來相當滿足。白鱔片的質地滑順，跟湯底的搭配相當和諧。👉🏻黑毛豬梅花和特選安格斯黑牛仔的肉質都很不錯，油花分佈均勻，煮熟後的味道也很出色。黑豚五花肉和精選牛五花則提供了不同的口感選擇，讓整體餐點更具多樣性。

呢幾日天氣話凍就凍 當然要去打邊爐 烚吓烚吓咁🍲哩次我就揀咗食台式鴛鴦鍋嘅馬辣 貪佢地點夠方便 性價比又高🤩鴛鴦鍋有10款湯底可以揀2款 我就揀左一個西紅杮洋蔥湯 同另一個升級左花鵰醉雞湯 每位加30蚊就可以升級 仲包埋醉雞添😋今次我加配了這個海鮮鮮盤 拼盤超足料有鮑魚、珊瑚蚌、桂花蚌、帶子、生蠔，鮑魚同魷魚 全部都好新鮮同爽口彈牙👍🏻另外加38蚊就有原隻乳鴿 一去到肚餓就可以食左隻熱辣辣嘅乳鴿先🤤佢落單有不同牛肉 豬肉選擇 肉質鮮嫩 無論係邊一款都好有質素 牛肉有安格斯牛 牛小排 牛五花等等自助區亦有超多選擇 出面4個大雪櫃 有齊蔬菜 丸類 豆制品 自制餃子 到特色野食 一應俱全 岩晒唔同胃口既人😚飲品種類多 飲品櫃都有幾個 睇到眼都花 想飲熱飲又有花茶可以揀 最特別嘅仲有生啤機任斟 唔怕揀唔到啱心水😆甜品方面有雪糕 奶凍 啫喱 泡芙 豆腐花等等 仲有即制嘅香蕉班戟同焦糖燉蛋 完美為一餐畫上句號🥰佢哋依家有個限時優惠 憑全港食肆收據去馬辣食晚市每檯減$20 真係正！仲有4月開始仲會延長個營業時間去到凌晨1點 但係價錢都係不變👏🏻

這裡午巿火鍋放題可吃4個半小時，食物多選擇，甜品飲品花茶類熱飲咖啡等包羅萬有，下單的肉類每次的份量也不會太多，吃完再叫不會浪費。免費的海鮮有蝦。收費，星期五也只是$178任食4個半小時再免加一，中途沒有漏單和想趕你走的感覺。這裡沒有切餅費，我們靜靜地取了放在他們雪櫃裡的蛋糕。一輪影相環節過後，準備唱生日歌時，突然聽到食店播出生日歌！原來店員正在旁等待我們唱歌的一刻播歌，十分窩心呢！我們下次會再來惠顧，感謝你們。

屋企人話打邊爐，又唔想太貴，所以揀左去旺角既創興馬辣火鍋食，整體感覺滿意又抵食。佢哋依家有個限時優惠，憑全港食肆收據去馬辣食晚市每檯減$20，真係正！湯底我地揀左升級為花雕醉雞鍋，每位加$30，湯底帶有淡淡花雕香氣，雞味濃郁嫩滑，飲落好暖胃。🍲🍗仲額外叫咗海鮮拼盤，海鮮好新鮮！加上佢都可以另外加乳鴿食，如果想食既朋友仔，都可以加黎試下！佢落單有不同牛肉、豬肉選擇，肉質鮮嫩，無論係邊一款都好有質素。自助區亦有超多選擇，由蔬菜、魚丸到特色野食一應俱全，岩晒唔同胃口既大家。飲品種類多，有生啤機任斟，唔怕揀唔到啱心水。甜品方面，有即制的香蕉班戟同焦糖燉蛋，完美為一餐畫上句號。🍮🍌總括嚟講，我覺得佢既野食性價比高，絕對適合朋友或家庭聚會，而且佢關門時間比較夜，對夜收工既人亦都好方便！

又係時候同班朋友聚一聚🍲今次就去咗馬辣食佢哋嘅任飲任食火鍋餐廳環境乾淨企理 侍應態度好熱情最緊要食物選擇多 價錢相宜❣️湯底我地揀咗花雕醉雞鍋&酸菜白肉鍋花雕醉雞鍋湯底好出色 一上枱好香酒味 雞件新鮮黃油雞 啖啖肉 勁正😋食材方面種類多 海鮮、肉類、蔬菜都好新鮮尤其係鵝腸 口感爽脆無腥味🤤飲品除左汽水外 仲有多款啤酒黎返杯1664配火鍋非常爽當然唔少得甜品雪糕喇🍦🍮🧁🍪仲有我最鍾意食既啫喱糖❤️整體嚟講呢間餐廳嘅任飲任食火鍋值得推薦💡依家仲做緊優惠 憑全港食肆嘅單據票尾 可以喺晚市每台減$20👍🏻👍🏻

馬辣台式鴛鴦火鍋以其多樣化的湯底選擇聞名，特別是麻辣湯底，香辣夠味，搭配無限供應的滑嫩鴨血，讓人一試成主顧。任食的梅牛肉質鮮嫩，涮煮後依然多汁，與麻辣湯底完美契合，令人回味無窮。除了火鍋食材，馬辣還提供多款飲品和甜品，其中焦糖燉蛋香濃滑順，為這頓火鍋盛宴增添甜蜜滋味。整體而言，馬辣台式鴛鴦火鍋食材種類豐富，飲品選擇多樣，加上親民的價格，絕對是高CP值的火鍋首選，適合與親朋好友一同享受熱鬧的聚餐時光！

星期六食12點，以往食開都係168，今次埋單178一位，埋完單問佢先同我講加咗價，話：「星期五六日178（轉頭同個職員講貼返張紙）,你出去睇」原本諗住幫襯多啲支持下，經過今次，無下次喇💁🏻‍♀️