影片
營業時間
今日營業
11:45 - 21:45
星期一至四
11:45 - 21:45
星期五至六
11:30 - 22:00
星期日
11:30 - 21:45
以上資料只供參考, 請與餐廳確認詳情
相關文章
同朋友收工之後，去咗商場行吓街睇吓嘢🛍️，行到咁上下，見到依間餐廳幾吸引，個裝修都好靚，有種Relax嘅感覺🌱。店員都好nice，原本坐係近門口嘅枱，後尾另一張枱有位，都會安排我同朋友轉枱。食物質素都好唔錯👍🏻，價錢又唔算貴，都幾推薦依間餐廳！我哋叫咗個Happy Share 二人餐($428)🤭。-🍴小食拼盤 (薯條、水牛城脆炸雞棒2件、沙律)薯條🍟食到係新鮮即炸，因為真係熱到辣口！水牛城雞棒🍗已經拆起咗舊肉，非常方便食用，加上水牛城汁，好開胃！-🍴特濃香烤芝士忌廉雜菌雞肉意粉🍝(微微微辣)芝士忌廉汁好濃，捲起意粉會見到芝士絲🧀，意粉口感啱啱好，雞肉同雜菌都有炒過，所以有少少焦香味😚，叫咗小辣都完全唔辣，怕辣嘅人可以叫走辣，不過會相對膩啲。-🍴海鮮盛宴 Seafood Umami (明太子、沙律醬、蟹籽、大蝦🍤、蜆肉、魷魚仔🦑、馬蘇拉里芝士、紫菜絲)Pizza🍕好大個，嚟嘅時候都有少少嚇親，批底都係薄身，批邊有啲似餅乾🤣，中間海鮮好足料，每一啖都有好多芝士同明太子沙律醬，好好味！不過食嘅第一啖，有少少日式風味🇯🇵，可能因為有沙律醬同紫菜，去到最後真係飽到食唔曬。-🍴是日蛋糕🍰 (特濃朱古力蛋糕)蛋糕朱古力味🍫好濃，唔會好甜，蛋糕面頭同邊邊都好似佈咗一層生朱古力咁，好正！-🍴凍檸檬蜂蜜🍯-🍴青提子茉莉花茶梳打🥤
繼續閱讀
#pb食在旺角 #pbcafe系列 朗豪坊的「好日子」☕️今次介紹嘅呢間cafe先後係葵芳涌、啟德開業多年 上年10月尾嘅時候進駐旺角朗豪坊11樓 位置方便好多🥰 啟德店以水泥風裝修 朗豪坊店則比較文青 以木系裝修 不過座位之間就比較逼🤪 當然唔少得佢嘅打卡牆 可惜當晚太多人影唔到🥲.佢主打日式Fusion菜 主食有定食、ADB、Burger、Pizza、Main等😋 價錢$118-$268不等 唔算太平🤪 甜品有蛋糕、布丁、窩夫等😍🔹蒜香蘑菇忌廉湯青醬果仁薯仔粉🥔蘑菇忌廉湯青醬幾特別 食落好creamy 青醬味幾濃😋 佢用左少見嘅薯仔粉 口感煙韌、彈牙 唔會好粉👍🏻🔹日本味增牛油蟹肉，蟹籽蓋飯定食伴蟹湯🦀定食份量都幾多 包前茶、沙律👍🏻 蟹肉、蟹膏都好足料 加埋蟹湯撈飯味道幾鮮甜😋 🔹白玉丸子焙茶，蜜糖脆脆窩夫配雪糕🧇推介❤️ 窩夫有4件 中間有麻糬 口感幾煙韌😋 特別要讚焙茶cream 茶味好濃 點窩夫食超正😍 同朋友仔每食一啖就點一下食👍🏻🔹Matcha Latte🍵🔹Flat White ☕️兩杯飲品拉花都幾靚 味道正常發揮🤪.整體✨ 呢間cafe開業多年 佢係上年10月進駐旺角朗豪坊 位置方便好多👍🏻 旺角店裝修以木系為主 座位之間比較逼🤪 食物主打日式Fusion菜 定價有少少進取 不過質素唔錯😋 係朗豪坊都多個選擇🥰GoodDay (朗豪坊) (旺角)旺角亞皆老街8號朗豪坊11樓25號舖#pb支持黃店💛
繼續閱讀
今日嚟旺角朗豪坊嘆Cafe☕️近期朗豪坊最新開咖啡店「GOODDAY」第二間分店，選址係朗豪坊，餐廳以木為主調，營造溫馨、舒適感，坐位之間非常闊落，空間感十足，都保留左啟德店既特色樓梯級坐位，無論係一大班朋友傾偈食嘢，定係三五知己談心，或者一個人想靜靜me time 都好適合😌灸燒慢煮美國封門柳香蔥牛肉丼蓋飯配有沙律，前菜小食（中華沙律），甜品（燒小紫薯）封門柳肉質好鮮嫩，牛味都幾濃，配上秘製醬汁將流心蛋攪拌一齊食更美味🤤白玉丸子焙茶，蜜糖脆脆窩夫配雪糕🍡🧇大大粒嘅白玉丸子，非常煙靭軟糯，焙茶醬好濃郁而且超多，可以包圍整塊窩夫，窩夫外面烤得好香脆好厚，但唔會過於硬實😋Latte拉花好靚，靚到唔捨得飲🤣 咖啡偏果香味重，好順滑，奶味唔會過重！比例剛剛好Summer Punch菠蘿🍍檸檬🍋香橙🍊特製飲品，酸酸地好開胃，杯邊仲有塊冰菠蘿 好新鮮，唔鍾意飲咖啡既朋友可以試試整體來講 旺角市中心有間咁闊落而寧靜嘅咖啡店，真心唔錯！食物質素都幾好，款式多多選擇！大部份咖啡店好早閂門，有時夜晚要工作想提一提醒，飲返杯靚咖啡真係唔容易，但黎Good Day就幫到我！Good day唔一定只有Good morning ，都可以有Good night 😉！只要當日有一杯令我開心既咖啡，有一個令我滿足既甜品或者令我有一個幸福時間都可以係Good Day🥰 如果你都想試 就唔好等快啲黎尋找屬於你既「Good Day」🤗GoodDay (朗豪坊) (旺角)回顧率🌸：8/10食物質數🤤 ：8/10環境⛲️：7/10服務👩🏻💼：7/10旺角亞皆老街8號朗豪坊11樓25號舖
繼續閱讀
早排同朋友喺商場行吓街嘅時候發現有間文青Cafe相當特別，喺商場入面好似自成一角咁樣。入面嘅環境好寬敞，種滿咗好多綠色植物，一入到去已經令人覺得好舒服，好適合同朋友坐低喺度休息吓傾吓偈。🥰**士多啤梨，牛油果，車厘茄，秘製烤雞腿扒，柚子醋水耕菜沙律**呢個沙律做得好精緻，每個材料都色香味俱全！我好欣賞佢哋嘅沙律全部係來自本地嘅水耕蔬菜，一食落口已經覺得好Fresh唔會有泥味。加上秘製的烤雞腿扒，肉質好嫩滑，成個配搭都好好，令人覺得好開胃。🍓🥬**吉列牛舌肉配自家製燉牛肉燒汁意粉**牛舌肉烹調火候啱啱好，外層金黃色好趣，切開之後竟然咁鮮嫩juicy！佢哋連意粉湯底都係好用心機用牛尾牛骨去熬製，配埋濃郁燒汁，成個意粉組合組合簡直就係絕配。🍝**芒果斑蘭椰汁糯米窩夫配雪糕**呢個甜品窩夫十分鬆軟，最特別係腳喺入面加埋糯米飯，成個口感同味道同普通窩夫好唔同。加埋芒果同斑蘭椰汁，味道會清新芳香，果甜味十足。🧇**鮮奶咖啡**** 芒椰奶真露**Latte咖啡香濃醇厚，加埋好香濃嘅鮮奶，真係令人好提神，更加唔好講佢哋嘅拉花技術係好似藝術品一樣咁靚！另一杯就用了新鮮芒果肉同椰子水製成，感覺好清新好夏日，飲落嘴唇好滑唔膩口，好適合炎夏消暑。☕️🥭
繼續閱讀
位於啟德的 GoodDay Solar 近日於朗豪坊開設分店 Good Day，餐廳位於朗豪坊11樓，這日時間不趕便慢慢繞上來。品嚐甜品之前先享用充滿心思的主食與特飲！Good Day主打各式手沖咖啡與飲品特調。覺得有點渴，所以選擇了 Summer Punch，一款菠蘿、香橙與檸檬的特調。談到餐廳不可不嚐的滋味，店員特別推介這裡菜單常備菜式秘製雞腿扒飯。秘製雞腿扒飯採用無骨雞腿扒，透過特別的處理方法，令雞皮更煙韌香口，外脆內嫩。在剛煎起時呈上，令雞肉滲出的油脂肉汁剛好慢慢流入珍珠米中，讓白飯盡收雞油精華，讓人回味。據說用以調味雞扒的甜酸開胃醬汁配料多達11種，所以吃起來甜酸香度平衡得極佳，味道也更獨一無二！之後甜品上場！朗豪坊店近日更推出升級版芒果斑蘭椰汁糯米窩夫，以熱帶風情美食帶大家感受夏日的來臨。之前已經在啟德店食過芝麻味的原版糯米窩夫，加咗煙靭糯米入脆卜卜的窩夫之後口感更豐富，味道無咁寡，大大份都唔會滯（不過好飽！）。甜脆窩夫沾上斑蘭汁，透出夏日的甜甜滋味，一口同時吃下水果清甜、糯米煙靱與雪糕的冰涼滋味感受！甜品份量相當巨型，三至四個人分享也足夠！
繼續閱讀