影片
營業時間
今日營業
06:00 - 23:00
星期一至日
06:00 - 23:00
以上資料只供參考, 請與餐廳確認詳情
招牌菜
食評 (26)
雀巢®美祿®味朱古力新地 $8🥵呢幾星期鬼甘熱🥵 去食雪糕真係岩曬!今次呢個新地, 雪糕係扭紋雙色, 一半雲呢拿 ，一半朱古力味🍫🍨，面頭再灑上美祿粉，啖啖都歎到朱古力味😋！我覺得吾係好甜OK WOR! 😉如果你本身喜歡美祿味又中意朱古力, 食過後必想再三回味! 另外甜品站仲有幼滑朱古力新地筒🍦，大家有不同選擇，幫大家消消暑! 仲吾快d去歎下😎😍！*最近你嘅甜品站>> https://bit.ly/3qiZRNR
繼續閱讀
每年的春祭，我們一家都會來到柴灣拜祭祖先。如常地，我們一家四口會預鬆少少時間，吃個早餐才集合。因為帶著小朋友，永遠都會叫嚷說，要食《麥當勞》，那就沒辦法啦，一落車，我們就要尋找《麥當勞》，結果，來到了興華邨。阿女仲細，食唔到一整個包，叫份兒童 size 既熱香餅就可以完美地令她滿足。加點牛油，加油糖漿，多年來，這一個味道係冇得輸的。豬柳蛋漢堡同薯餅就是大人的食品了。當日的薯餅夠香脆，大家都很滿意。漢堡也做得公公正正，而且各樣東西都是熱辣辣的。吃後，的確感覺到這天是 good morning。奶茶也是非常好，夠香夠滑夠奶味也夠濃。很開心，而且大家都充滿了力量，可以去挑戰哥連臣角這一個山頭。
繼續閱讀
今日送完妹妹上芭蕾舞堂，無無聊聊，大仔叫肚餓，我問佢想食咩，佢一秒都唔需要諗，就答*麥當勞*其實麥當勞都深入民心，特別係小朋友😂😂一入到門口，麥當勞唔見哂自助落單機？🥲🥲照排隊買啦，原來今日有優惠...😆😆9 件麥樂雞餐—BTS Meal 網上訂購有9折（最後原來係減得$3，仲煩左人咁耐）真心唔好意思！🙏🙏🙏自己眼大睇錯意思，以為夠$30 比pay me 就可以有9 折....點知唔係！最後叫到成3 個餐😅😅😅我又擺烏龍😆😆我人生究竟要擺幾多次烏龍😅😅😅
繼續閱讀
點解要用林嘉欣黎呃我🙃因為麥當勞鋪天蓋地嘅廣告，我阿媽去幫襯左佢嘅早餐 - OmiPork Lincheon Jumbo breakfast set. 首先已經唔平，接近$40 ，咁老人家想食就有佢啦。點知，貼錢買難受！1. 塊新餐肉又燶又鞋又硬，我自己買罐午餐肉自己煎仲香噴噴！！唔好成日話個1.5mm 啦！2.個包又細又Un 又甩皮甩骨😖3. 隻蛋就如常一pat甘，但都食得出係蛋🙃4. 唯一正常就係嗰兩塊熱香餅🥺加糖漿加牛油冇可能輸。 係唔係半山個間會好食d? 定係梗本間間都係甘，都明白圖片只供參考，但都唔好相差得太過份🙄
繼續閱讀
當日m記有張display用嘅枱，夾到個呀姐隻狗仔，隻狗仔慘叫，啲慘叫聲尖到我以為滿清十大酷刑。咁個呀姐緊係會發下難喳架啦。哇！點知個經理連埋個𡃁仔職員出嚟，鬧翻個姐轉頭，sorry都無講句，仲大個呀姐話報警丫。我真係o哂嘴。唔怪得啲職員態度咁差，原來上樑不正下樑歪。我明，想快想平，咁服務質素同食物就會參差啲。不過，買野食仲好似慘過乞食，要睇啲職員面色，咁不如行過少少食譚仔、茶餐廳。愈泥愈難食都算啦，近年呢間m記啲員工，成日執漏野，啲經理又由得佢地。逢親啲大單，幾個餐執下一樣、執下一樣，到最後唔知係咪忘記已經執齊未，就無左件事咁，由得個客係度等。有次成張單漏左，仲鬧人無提佢地執，咁唔通我地比完錢，仲要入嚟自己執埋張單咩，咁洗唔洗出埋你份糧呀？啲visa機成日嘟唔到，就鬧個客唔識嘟，嘟錯。痴痴地嘅都，當人地未用過信用卡咩。仲有啲烏蠅多到嚇死人，佢地預早整哂啲食物係度，啲烏蠅隨時係啲包同雞度產卵，到時啲豬柳蛋、炸雞又可以上報紙嘞。未中肺炎，先食物中毒，就真係無陰公。啲𡃁妹、大姐態度咁惡，似乎係唔憂做。香港人返工都睇夠老細面色啦，何必要去貼錢睇人面色，行過對面食大快活仲好態度啦。好心m記賺咁多錢就train下啲員工，或者請啲好質素啲嘅人。都奉勸各位香港人，愛自己多啲，考慮清楚食咩，小心金拱門，我就無再食架啦。請大家對自己身體好啲，食下其他野。對自己心情好啲，比其他食肆服務下。無謂chok住道氣，背脊骨落，仲要變埋脂肪，危害健康。
繼續閱讀